ظهري مكسور لا عزوه ولا سند

اهلين وسهلين
لفت نظري عبارتك الاخيره من اهل زوجك
ايش يعرفهم ان ماوراك احد
يمكن انتي قد اشتكيتي لهم او لزوجك عن اهلك لو فضفضه او مزح انو لو اروح لاهلي ماحد ينصرني او الكل مشغول بنفسه
ثاني شي عندي وحده من عماتي زوجها مرررره نفس كلام زوجك وماغير يعاير فيها قدام اطفالها ماعد يبغاك ولا حد يسال عنك ولا ولا ولا
بس والله انو نحبها والكل يحبها بس ان الناس تنشغل وتغفل حتى الوالدين والاخوان القضيه مو فضيه ماحد يحبنب وينصرني
المهم قررنا دايما انا واختي نناديها عندنا ونبهنا واحد من اعمامي يعزمها عنده كل شهر شهرين والحمدلله تعدلت العلاقه بينها وزوجها

ربي ينصر المظلومين أكيد حتى لو كانوا كفارا فما بالك بالمسلمين

الله يعينك مو بس انتي كثير أهالي زي كذا يرمون بنتهم وخلاص معاد يسألون عنها واذا صارت لها اي مشكله مع زوجها مايتدخلون ولا يسون شي اهم شي عندهم انها ماترجع لهم ولا يشيلون مسؤليتها

ترى اغلب الاهالي ديكور.. اهم شي عندهم ما تطلقين وترجعين لهم..
اكلمكم بصراحة اغلبهم كذا بمجتمعنا.. مهما حبونا وتعاطفوا معنا..
فشيلي هالنقطة من راسك..
وزي ماقالوا البنات العزوة بهالزمن الوظيفة والفلوس..
هم اللي يسندونك اذا صكت الدنيا بابها بوجهك..

بقولك شي انا بيوم من الايام حسيت احساسك
لان ابوي متوفي الله يرحمه ويغفرله واخواني متزوجين وكلن لاهي بحياته بقوووه وعلاقتنا رسميه ومابينا موانه


فشي طبيعي يجني هالشعور


بس فكرت وفكرت ولقيت نفسي غلللللط


والله لا اهل ولا ابو ولا اخو ولاجد ولاعم ولااااااي كائن بهالدنيا بيخلي زوجك يحبك ويحترمك ويحشمك


ماراح يحشمك الا والا فقط اذا هو رجال وكفو وحابك من كل قلبه وحتى لو مب حب يكفي الاحتراااااام


اما اذا هو نذل ودنيء والله مااااااينفعك احد لااهل ولاغيرهم هو هذا طبعه خساسه مافيه حشمه مايتعدل


اهلك بهالحاله يفيدون انهم يحتونك انتي اذا جيتي لهم فقط


والامر تسخير من رب العالمين الله يسخر لنا ولكم وكل بنات المسلمين


والله انا وقفت على حاله ،، ابو واخوان ينتفضون نفض على خواتهن وحششششمه وتقدير وشي خررافي


تزوجت بنتهم ،،كتب الله ان زوجها من العينه الدنيئه نسئل الله العافيه انواع المسبات انواع الاهانات


وابوها واخوانها كل سبوعين رايحين لها بيتها يتقهون معها <<<يبيون يحسسون الرجال ان ترا البنت وراها عزوه
متخيله ابوها شيبه كبير واخوانها رجال متزوجين وعيالهم طولهم


كل سبوعين يجتمعون ويزرون اختهم


ومع ذلك،،،،،،،،


ماتغير ولاشي في حياتها مع زوجها ولاحشمها ولاقدرها
وطلقها بأبشع صوره وبكل حقاره طردها من بيته طرد وغير كوالين الباب يقول طسي مابيك لاعاد ترجعين


الله يعافينا ولايبلانا ويخلف عليها بأحسن وأفضل منه