سلام
انا عضوة قديمه بس سويت الحساب هذا علشان اكتب الموضوع
البعض بيحس الموضوع لعب او حركات مراهقه او حتى من الخيال
فأكتفي بس بالدعاء حتى لو ماتعلقين تحت او بالنصايح اللي تخليني اتخلص من هذا الشي اللي بالنسبه لي صار مستحيل
انا احب عمي
ايه عمي اخو ابوي
عجزت اتخلص من هالمشاعر ما ادري وش صاير لي
فالبدايه انا ماعرف اهل ابوي نهائيا
ما لي احتكاك بأهله ابدا
جت مره من المرات وقال ابوي امشي معاي
وياليتني تراجعت
رحت وشفتهم وتعرفت
اول ماحطيت عيني بعينه شدني بشكل مو طبيعي
حاولت فكرت يمين يسار ماقدرت
رجعنا لمدينتنا
وكلن راح بطريقه لكن عقلي وقلبي عنده
صار يشغل بالي ليل نهار
ما افكر غير فيه اعد الساعات والايام والليالي علشان الاقيه
دورت الف عيب والف قصه عجزت اكرهه
٥ سنين ماقدرت اطلع صورته من راسي
مرات اقول ليتني مارحت وياليت وياليت ..
من جهتي ميته عليه
ومن جهته هو صار يحس او انا يتهيأ لي
احيانا اقول شيطان يحاول يغريني بس انا انغريت وخلاص
بالاجازه هاذي جلست اسبوعين انا وهو بنفس البيت بيت عايله كبير
عقلي مو معي طايرا من الفرحه
استنى اي موقف يجمعني فيه
اتسمع يمكن اسمع لو همسه منه
يجلس قبالي ويسولف معنا واقول بنفسي اخ لو تدري وش انت عندي ووش اعاني
اتأمل ملامحه ما اقدر اقاومه واقوم من المكان اللي هو فيه
اتأمل كل كلمه يقولها
اذا جيت انام سالفه ثانيه
افكر فيه واذا نمت اتحلم فيه
تجاهلت وتناسيت مافي فايده
ابي اي معجزه تخليني افتك
بدعائي صرت ادعي اني انسى عمي !
استغفر علشان ربي يغفر لي حبي له
والله واللي خلقني انه مو بيدي
لو قلبي بيدي ماحبيت شخص سابع المستحيلات نجتمع انا وياه
شاركي في النقاش
سجلي الدخول لإضافة تعليق.
التعليقات
29- تعوذي من ابليس ياختي هذا الشيطان يوسوسلك ويزيلك الامووور
بعدين هاذا عمك اخر ابوك من محارمك كيف تحبيه حب عشق اشغلي نفسك بالصلاه والقران والاستغفار اختي واحذري احذري تقوليله سواء سواء تجاوب معك ولا لا راح تكون فضيحه وعار عليك وعلئ ابووووك قدري شيبات ابووووك وتعب امك عليك ودوسي عامشااااعرك اللي محلها غلط في غلط والسلام عليكم - و عليكم السلام ورحمة الله
لا و ألف لا هو الامر بيدك و تستطيعين التخلص منه
لان قلبك كان خاليا فوجد له ما يملأه
و ليتك ملأتيه بما يرضي الله
اين محبة الله في قلبك ؟
القلب الخالي امتلأ بالهوى و انشغل بهواه
احذري عليك السقوط بالمحضور
ثم اسألي نفسك إلى أين سيقودك هذا الولع برحمك ؟
كيف ستكون نهايته ؟
أنا سأخبرك
غضب من الله
و حياة ضنكى
و لو علم الأقربون كنت في عداد المغضوب عليه إلى يوم الدين
تواصلي مع الله عاجلا غير آجل
و بكل الوسائل حتى يخرجك من عشق الشيطان و قرين السوء و نفسك
إن النفس لأمارة بالسوء - مع " أم أم ريان " مآ قصرت وأزيد على كلآم أخيتي ..
إنتبهي يآخيتي لا تجلسي بروحك عنده مآبي أخوفس ولا تآخذي فكره غلط عن عمس بس إنتبيه لنفسس
عزيزتي ..
وبمآ تقولي << من جهته هو صآر يحس أو أنتي
يتهيألس << لا تحطي عينك بعينه ..
يآخيتي ترىٰ بعض الرجال يفهم وهي طآير يمكن لاحظ عليس وفهمهآ << ويآخوفي يفتحلك الموضوع ..
بمآ أنتي في الحآله ذي << سلمي عليه ولا تدخلي بروحك ولا تجلسي بروحك عنده إلا إذا كان معك أبوك أو خوآنس ..
وكل ما جآء خيآله بآلس تعوذي من إبليس ....
{ ربي يرزقس بالزوج صآلح .. } - توقفي هنا رجاءا و عند هذا الموضوع
و لا تزيدي أي كلمة اخرى
لا أعرف....................... لم أستوعب امرك
أشعر بخطورة الموقف عليك و على أهلك
تجنبي خلوتك معه و كأنه غريب و الإحتكاك به و بالجلوس إلى جانبه
لأن مشاعرك غربته و جعلت منه المحضور
لا تناظريه فقد ينتبه عليك
غابت مني الحروف و تراها تتطاير و لم أجد لها جمعا مفيدا
........هداك الله - هو الشيطان اللي قاعد يزينه بعيونك تعوذي بالله من الشيطان الرجيم وادعي الله اللهم اغنني بحلالك عن حرامك وبك عمن سواك
مواضيع مشابهة
تابعي تجارب أخرى من هذا القسم.