.... ادخلي شلووون برنامجك ....

انا برنامجي كسول جداا اقوم قبل الفجر اجهز للدوام وارجع الظهر اكل شي خفيف ونووووم اقوم للصلاه اصلي وانام واصحى 11 اجلس شو والساعه 1 نومم لين قبل الفجر بالوكيند يختلف شوي الصبح صاحيه اسوي الفطور والقهوه والشاي والظهر اتغدى واقوم قبل المغرب نظامي ذا مع الحمل ولا اول م انام كثير وبس...

يازين ايام الدوامات تنظيم وترتيب وهدوء 🌻💛
طبعاً روتيني بنص الاسبوع
اصحى الساعه ٦:٠٠ ☀️
*اصلي واقرأ اذكاري .. وبعدها اجهز فطوري وفطور زوجي واصحيه للدوام واشغل فواحات البيت وافتح الشبابيك والابواب
نفطر سوا وبعدها يطلع هو لدوامه وانا ارتب البيت طبعاً حاطه جدول ترتيب للبيت من الاحد للخميس كل يوم شغله واحياناً انا ازيد من راسي على حسب
* اسويلي نسكافيه او عصير 🍷☕️
وابداء اقراء لي كتاب 📚 او ادخل دورات مجانيه عاللاب
واتفصح تويتر لازم
ولا اروح للمدونات وابحث مابين العنايه بالذات او البيت او اي شيء انا احبه
* بعد ماخلص اروح احط لي ماسك او اسوي سكراب او زيت لشعري 💆🏻
*اسوي غداي عالساعه ١ تقريبا ولما اطفي عليه
* آخذ لي دش اذا الشعر مايحتاج اغسل جسمي بس🛁
وابدا ارتب شكلي واشغل بخور عشان ريحة الطبخ
وآخذ لي غفوه ابو نص ساعه عبال مايجي زوجي الساعه ٣ من الدوام نتغدى وبعدها ينام هو للمغرب انا اصير قاعده نادراً مانام معاه اسويلي حلا وقهوه واتابع التي ڤي لين مايصحى
نجلس مع بعض .. اذا فيه شغله لي اطلع او نطلع نتعشى
وبعدها يروح لاستراحته يرجع تقريباً ١١ اكون مجهزه عشاء اذا ماتعشى برا نتعشى وننام 💛😴
اما بالويكند عند ماي فاميلي 👪 واللحين انا عندهم ومتوهقه بس انا اللي صاحيه لحالي 👀

ونصيحه للي عندها وقت فراغ ⏰
* اقري كتب 📚 والله القراءه تفيد تفيد تفيد وصدقيني مهما كان الكتاب إلا مايضيف لك شيء " شخصيتي كانت مختلفه والكل يثني عليها من ايام المتوسط والسبب بعد الله "الكتب والقراءة"
* ادخلي دورات فيه دورات مجانيه وشهاداتها معتمده زي عندك موقع *دروب وفيه * مهاره * وادراك حتى لو ماتبين الشهاده استفيدي منها شخصياً لك
* جيبي لك ورقه ودفتر واكتبي فوق 💪🏻my Goals وبما اننا داخلين سنه جديده اكتبي فيه اهدافك وش اللي تبينه ووش اللي ودك تغيرينه وهكذا " صدقيني شعور حلووو لما تنجزينها
* قوي علاقتك مع ربي وحاولي تلتزمين باذكارك وتصلين الضحى او الوتر الوقت اللي تكونين فيه صاحيه
*سوي روتين عنايه بنفسك 💆🏻 ولا تقولين مالي خلق كسلانه عندي بيت واولاد وشغل " انتي تبقين انثى لازم تهتمين بادق تفاصيلك " وتبينين للي قدامك انك انتي مهتمه بنفسك زي مانتي مهتمه فيهم 👌🏻🎀
*برضو سوي لك جدول لتنظيف البيت 🗓 اذا مانتي من النوع اللي يحب يمشي عجدوال براحتك بس لازم تنظفين اول باول عشان ماتتعبين وقت التنظيف يكون سريع سريع كل شيء
واكيد نظافة البيت 🏡 بتلعب بنفسيتك ونفسية اولادك وزوجك
وماتحسين انك مكركبه ومنها اولادك يتعلمون الترتيب " وحطوها قاعده الاولاد لايمكن يتعلمون بالاملاء والتلقين نظف شيل رتب فراشك مستحيييللل ... رتبي وعلميهم معاك كيف يرتبون👌🏻


واخيراً بنات لاتراكمين الشغل☝🏻 ولا تتكاسلين
اسألكم بالله الكسل والنوم وش فادك فيه ؟!
اخيراً عيشي ايجابيه رغم كل الظروف👌🏻 وادخلي الحب والسلام لقلبك 💛 وانشري حبك واهتمامك وايجابيتك بارجاء منزلك 🏡
وقعدت الصباح ترا فيها بركه عجيبه حاولي ماتروح عليك ☀️