خمسه وثلاثين الف 😳😳

فيه موظفين يسموهم طاقات يحملون شهادات وخبرات من دول زي استراليا وكندا وتخصصاتهم جدا نادرة ويكون بمثابة مدرب يعني بدال مانطلع شباب برا يدرسون وميزانيات هو ممكن يتدر عنده هنا الطلاب
بعضهم يوصل راتبه الشهري الى 100 الف او ممكن 150 الف حسب التخصص وندرته
بخصوص المدارس لاتتوقعي انه بيدفعها من جيبه هذه تغطيها جهه العمل لان هذا من شروطه في العقد
زي فيه شركات عندهم موظفين رواتبهم توصل 90 الف و 80 الف وكل مصاريف مدارس اولادهم على حساب جهه العمل
وطبعا يحرصون على التعليم لاطفالهم واللغات لانه بكرة بيصنع جيل واطفال يمشون بنفس نجاح الاباء
بعكس عندنا مدارس حكومية داجة ومعلمين دجة ومناهج ضعيفة لدرجة الطالب يخلص جامعه مايعرف يتكلم كلمتين انجلش بينما طفل في هالمدارس الدولية يوصل ثالث وهو تعلم اساسيات لغتين غير العربي
ويجيك في الاخير واحد يقول ليش وظايف عيالنا ماتتعدى 5000
من جد وجد

المدارس الحكومية غلطانة يوم سجلت بنتي في امهات عربيات مسجلين بناتهم بدون تعقيدات
واحنا الدولة العربية الوحيدة المدارس مجانا الى اتمام الثانوية
والله يرزقكم من واسع فضله

ماشاء الله الله رازقهم وموسع عليهم
محد ياخذ رزق احد
لو تركض ركض الوحوش غير رزقك ما تحوش

عليك نور هذا إلي قلته بردي من قبل السعوديه ماهي هبله وما تتهاون بعقود عمل الأجانب بترابها فإذا أعطاتهم ميزات كثيره وراتب ضخم إعرفي أنها مستفاده الطاق طاقين منهم وإلي يقولوا أبنانا بشهاداتهم وعاطلين والأجانب تارسين البلد وخيرنا لغيرنا ومن هذا الكلام إلي لا يسمن ولا يغني من جوع فأقولهم لو فيه البديل من السعوديين في كفاءته مو شهادته بس ففيه مليون طبيب والأكفاء ينعدوا فتأكدي السعوديه ماكانت جددت له العقد لأنها تتعامل بمبدأ السعودي أولى

يابنت الحلال منتي بالصوره الا عقووود ويالهبل مع جنسيات عربيه شهاداتهم مزوره احيانا مش لازم بالطب بالهندسه والاداره وماسكين منصب مدير واشراف وقراراتهم كلها غلط وعافسين الدنيا علينا
اما الاطباء كررت نفس تعليقي القديم بهذا الموضووووع اطباء سعوديين وبكفاءه وشهادات عالميه رفض توظيفهم ظلما الاجنبي واستسلمو بالاخير وقبلو بأقل مكان