تجمع أمهات الأشبال بإذن الله 🤱🏼👩‍👦💙

الله يشرح صدرك ويبشرك بما يسرك ويعوضك بالعوض الجميل

الله يرزقك من واسع فضله انا اختك وحاسة فيك وعندي تجارب كثيرة بالحياة
اول شي صحتك لا تهملين نفسك روحي راجعي لو حكومي وتطمني صدقيني لو تطيحين عن حيلك من غير شر ما احد بيرحمك حتى اقرب الناس تتخلى عنك
ثانيا خليك قوية واملك بالله كبير
وزوجك اول شي اذا هو متعلم ويعرف يقرا شوفي التجارب بحساب ام جمانة كلها تثبت ان الزوج عامل اساسي حتى انا لما رحت للدكتور الشرطان بسوي حقن سالته قال تحديد الجنس بعد الله من الزوج وتجربة حلا الشمال وضعو الحيامن مع البويضات وتلقح سبع اناث وثلاث ذكور وهن بوقت واحد لازم انتي تقتنعين بهذا الشي وصدقيني اي رجل عنده ثلاث بنات وراء بعض يكون فيه شي لزوجة وحركة بطيءة

واقولك من تجربة انا جبت تسع بنات
وفيه ممرضة تشوفن اراجع واخذت رقمي وترسلي برمضان انها تبي تتابع تبويض لان عندها ثلاث بنات وتبي ولد وقالت ابي نصايحك
قلت قبل كل شي زوجك يحلل وماتخيلين يوم طلع التحليل وريته ام اصيل ولمى السبيعي
التصاقات ولزوجة عالية والحركة ضعيفة مررره المهم اعطت زوجها دواء البلغم ودواء فوار فيتامين وامس ارسلت لي بشروها بالولد وتقول ادعي لي تعبانه المشيمة نازلة مرره وخايفة
الله يقومها بالسلامة ويخليه لها


اقنعيه يحلل قبل تولدين
وقولي الغسولات والاشرطة اذا ما نجحت يكون السبب من الزوج
واكيد فيه احد عندكم معه زوجتين وكلهن نفس الانتاج

ولا تأملين ان يكون السونار خطا
اخبر كنت اتامل كثير وانصدم بيوم الولادة لا بنت يعني بنت
ولعل الله يجعلها وجه خير وتشوفين العيال بعدها
انا بنتي الثامنة خلاص انهرت قمت ابكي بقوة عند الدكتورة
بس بعدها بايام ارتحت وصرت ابحث وقلت اذا تبي تزوج طلقني حتى انا ابي ولد
الله يرزقني وياك توام ذكور

ان شاء الله يكون ببطنك أحلى تسمي يارب

اذا ما تبين حبوب الحديد خوذي عسل اسود عسل قصب السكر من السوبرماركت
مممتاز وترى سعره رخيص

أمين يارب
يارب يرزقك بما تتمني ويفرحك ويفرج همك ياترانيم
انه على كل شي قدير