نار بقلبي

الله يشفيه
ويحفظك انتي واولادك
من الضروري اهله يعرفوا بحالته ويعالجوه قبل ما تتفاقم حالته

الله يهديه ويشفيه

صادق ابوك مافي يدك شي تسويه الا الدعاء ، والدعاء عظيم
الله يفرج همك

تعوذي من ابليس هذي وساوس من الشيطان
وكل الي اعرفهم يستعملون الحبوب هذي على راسهم زوجي يبلع فيها ويجلس سهران كم يوم وبعد ماينتهي المفعول يخمد اسبوع وهو مايتحرك يادوب يروح للحمام ويرجع ينام لي ١٧سنة عنده وهذي حالته وعندي اطفال ولو اعتمد عليه كان ماعرفوا المدرسة والحين الحمدلله الحريم ساقوا السيارات انا الي اوديهم واجيبهم حتى للبقالة يالله ذكرتيني فترة من الفترات كنت احط مقص تحت مخدتي كنت مثلك اخاف بس لما ينتهي مفعولهاواشوفه طايح ونايم ادري من اعماق قلبي انه مدمن ضعيف وحالته يرثى لها صدقيني مارح يسوي شي يضركم ولا تخافين كل البيوت فيها مدمنين ودام انه على الكابتجون تهون عندي ولا الشراب والهروين والحشيش صدقيني هي اهون البلاوي وانصحيه قولي تخاف تنسجن واضيع انا واولادي وادعي له بالهدية في صلاتك لاتوضحين له انك خايفه منه قولي انك خايفه عليه شوفي هو واضح يحبك والدليل انه يتصل على شيخ يعني مهتم في صحتك النفسيه احمدي ربك انه مايشك بعضهم اذا كلاها ولقى زوجته صاحيه بليل قال اكيد مواعده احد ولا معها احد وقام يضربها لين يكسر عظامها واعرف واحد اذا كلاها دخل على زوجاته ثنتين وحوس البيت وجلس يفتش ويقلب حتى مساند المجلس يقول شفت رجال داخل عليكم واخيرا هربوا منه وأطلقوا الثنتين
طولت بالكلام انتي ادعي له وصدقيني بيهديه ربنا سبحانه ولاتخافين حبيبتي

لاحول ولاقوة إلا بالله
أنا مصدقتك
ومثلك كثيرات
والناس لهم الظاهر من أزواجهم
الناس يشوفونهم على قولك بارين وحكيمين ورجال
وأشناب
وحريمهم اللي يعرفونهم
كذابات ويتبلون على رجالهم
ماأدري وش أقول لك بس وأنا أختك عليك بسهام الليل
وترك وأذكارك واستودعي الله نفسك وعيالك
وحاولي تكونين سبب في صلاحه توكلي على الله والجأي له