ذكريات بحياتي اتعبتني

الله يكون بعونك

فعلا القرب مو حلو محد يحس بالنار غير رجل واطيها ..انا زيك ودي انقل اي مكان امي تتصل كل يومين اذا م جيت بحكم ماعندها احد ولازم اجي أرتب لها البيت واذا جاو ضيوف لو كان عندي ايش ماكان لازم اروح لها ولا اطلع البنت العاقه اللي مافيني خير وأم زوجي ذابحتني مواجيب لفلانه وعلانه واذا قلت مايمدي قالت وش عندك لا عندك ولد ولا تلد طيب لي دروسي لي زوجي لي بيتي وكل مين يزعل من جهه وياويل اطلع مع زوجي ايه تعرفين معه تطلعين عندنا لا 🙃
الله يخارجنا من ذَا الخبال .

يابنت الحلال اتفقي معه هذا حياتكم مالاحد منكم حاجه عيشي لبيتك وحياتك بسسسس انتي مرررره مجامله خليك صريحه والي بيزعل بكيفه اتكلم عالطرفين المشكله مو منهم منكم انتم تحسبون حسابهم وتدارونهم تحملوا مايجيكم.

فاهمه موضوعك من أوله وفاهمه إن المقصد برهم عشان كذا قلت لك افرضي الي يريحك
لا يقطعهم ولا ينشغل بطرف عن الثاني
لك وقتك ولهم وقتهم
ترى موضوعك نفس حياتي الفرق إني لا زلت بعيده لكن لما نجي إجازه المفروض نطلع نتمشى
ما يسويها يقول أهلي وأهلي
طيب تجيبني إجازه ليش
رح لهم لوحدك وبلاش نكد وخرابيط

اعذريني على كلامي بس المشكله فيك..

سته سنين ومانتي قادره تتأقلمي على وضعك..

سته سنين وانتي تعيدي نفس المشاكل بدون حلول، اصلا انك تمري بنفس المشاعر والقهر وعدم الاستقرار كل هالفتره يدل على خلل كبير في تقييمك للامور وعدم قدرتك على التعايش مع ظروفك، وهالشي طبيعي ينعكس على زوجك واولادك وحياتك..


وابشرك لو استمريتي بنفس التفكير والمشاعر بتصير سبعه سنين وثمنيه سنين ويمكن تصير طوال عمرك!


اطلعي من جوك، تأقلمي مع واقعك، لاتقلبين حياتك نكد علشان توافه ( الحمدالله ماهي مصايب او مشاكل كبيره مالها حل اللي تمرين فيها)


وزوجك الحمدالله باين مداريك ويخبي على اهله اجازته علشان راحتك ممكن غيره مايسوي كذا..
فانظري لايجابيات حياتك واحمدي الله على نعمه ولاتعيشين بقية عمرك تندبين وتتذكرين وتجيبين لنفسك الامراض..
الله يفرج همك..