صاحبة البسطه .....قصه واقعيه

قلك مو فاضيه وهي قاعده تقرأ كل الردود وترد عليها واحد واحد ههههه اللعبه واضحه وانتم ي غافلين لكم الله مدح ع الفاضي

انا
زيك بعشق التجارة بس مكسبي قليل جدا ومن مشروع لمشرع مرة تمريه واخسر ومرة حلاوة نتف وسيروم للشعر وكريم ومرة ورق عنب
احس مااحد يبغى يشتري مني قليل واطفش واغير في المشروع
اخر مشروع ورق عنب والله شيء عجيب ان وديت البضاعه السوق يتأخر في البيع وان ماوديت الناس تبغى عجزت افهم الي يصير
نفسي اصير ناجحة في التجارة

تابع ( 3 )
بعد ما تركت بيع الاقمشه توجهت لبيع العاب الاطفال لقيتها رخيصه درزن السيارات 70 ريال
وابيع الحبه 15 ريال
بديت اختار السيارات الكبيره وسعرها رخيص
والعرايس اللي محشيه قطن ..والكور الاسفنجيه.. والعصا المضيئه ..اي لعبه فيها انوار تطفي وتولع يحبونها الاطفال.. وبخاخ الثلج وبالونات ..
ماكثرت العاب عشان ماتطيح في حلقي ثم اجلس العب فيها في الشارع مع الاطفال ..
رحت ابسط في سوق مفتوح... اخترت مكان طارف وبعيد عن مشاكل البساطات وطقاقهم ..هذا مكاني قومي..ليش مديتي بسطتك علي ..كأنهم شارين الرصيف بأسمهم ..ليش ناديتي زبايني..غير عيونهم الحاره على بعضهم امحقو بركة رزقهم لو كان الرزق بيدهم قطعوه
لقيت تلت رمل من مخلفات البناء
واسيتها وفرشت عليها..رتبت الالعاب بشكل ملفت ..حطيت السيارات الكبيره في المقدمه عطيت نفسي شعور اني في معرض السيارات
وجنبهم العرايس جالسات.. يعنيياصاحب اسياره اخطب من بناتنا..والباقي رتبته قريب من بعض
ثم تربعت على تلت الرمل اخر روقان اتأمل الماره
جاني زباين والامور تمام.. وافرح ياقلبي والشنطه انتفخت من الريالات ..اذا جاني اكثر من طفل اراعي ظروف الام وانقصهم ..البركه في القليل ..
بعت نصف البضاعه ورجعت اشتري واجيب انواع جديده دخلتي للسوق نهاية الاسبوع فقط ..
لاحظت المكسب يروح في المشاوير والاكل والبارد
اللي اشتريه كل مارحت..وراس المال قليل..
هذا غير البضاعه اللي تبقا طايحه في حلقي
او الخربانه ...خف حماسي وحسيت اني محلك سر ..بعدها خذيت الموضوع توسعت صدر وتسليه...ماورا وجهي تجاره
يبيلها تخطيط صح مهو خنبقه مثلي ..
استمريت اروح يومين في الاسبوع ابسط بعد العصر الي المغرب وارجع....
بعض اللي يشترون مافي راسه شرا
جاي مدرعم عشان يحط رقمه مع الفلوس يحسبني فاتحتها للتعارف ...ليش يانفرات الشقا والخساير ..قول تبين الرقم او انطله عند رجولي مثل زمن الطيبين وانا اشوته بعيد عني واتلفت لايكون احد شافني وجاب لي شبها...
او يجي واحد يشتري مغصوب سحبو فيه عياله مره ينفخ عليهم ومره يرضخ لهم
مايشترون الا قد صدعو براسي
او يجيني واحده في نصف عمره يحسبني حاطه ورا ظهري لوحه مكتوب عليها ام فلان الخطابه ..
يجلس يشتكي من حرمتة..الله يقطعها ماتعرف تطبخ لي الزاد وبطنه قدامه متر ..من اين لك هذا وحرمتك ماتطبخ الزاد اجل لو تطبخ بتنفجر..
ولا تعرف لسنع الحريم اروح راقده واعود راقده ..
على اساس انك الأن تكدح وتشقا من اجل لقمت العيش وانت قاعد تتسكع في السوق وجاي تسولف..قم بس قم ..وذلف بعيد عن وجهي..
مرت الايام ويجي يوم افرش بسطتي في مكاني المعتاد في امان الله ..
ويفرشون قبالي ثنتين افريقيات مع بزرانهم وحده تبيع مواعين قزاز كاسات وصحون ..الخ
والثانيه تبيع جزم ..فرشو بسطتهم جنب بعض كل وحده خذت مساحه خمسه متر في خمسه متر وياويل اللي يقرب جنبهم ...فجئه شبت بينهم شراره مدري وش سببها ويقومون يتماسكون مع بعض هذي فكي وهذي فكي..
وعيالهم خذو حصى وقامو يحذفون بضايع بعض راعيت مواعين القزاز انسحبت هي الخسرانه بضايعها كلها بتدمر.. راعيت الجزم ماعليها بتمسح جزمها وترجعها .
يوم شفتهم لميت بضاعتي ورجعت وراي اتفرج
ويا الله السلامه ..انتها طقاقهم على خير
بدون خساير في الارواح ماعدا كم صحن على كم كاسه قزاز تكسرت..
بعدين شفت الشغله مهي جايبه همها..وقفت عن البيع الي اجل غير مسمى..وربي رزقني بوظيفه راتبها قليل وفيه البركه ...
يتبع

الله يسهل لك