مواقف وقصص في طواريء الولادة.. !

👍🏻👍🏻👍🏻👍🏻👍🏻👍🏻👍🏻👍🏻👍🏻

ماتنتظر ابدا
موية الجنين اذا نزلت تعتبر حاله طارئة

هلا اختي ياسمين موضوعك جدا مفيد وهادف
بقول لك موقفين صاروا معي :
الاول في حملي الرابع
كنت توني داخله الشهر الرابع وكل شيء تمام قرب رمضان رحت للرياض كم يوم بسياره لاني في الشرقيه جلست في الرياض ٣ ايام ورجعت جاء موعدي في مستشفى رحت وكنت صايمه عشان رمضان دخلت الطوارئ لان كانت معي دوخه بس
كشفت علي الدكتوره ضغط مافيه وحراره مافيه كشفت على بطني بالجهاز عشان تشوف نبضات الجنين صارت تحرك يمين يسار تلون وجها قلت وش فيه قالت مافيه نبض الجنين ماااااات وانتي السبب قلت ليش قالت ماجيتي تراجعين قلت مسافره ومن رجعت جيت وصرت ابكي قالت انتي تبكين قلت اكيد طبعا تكلمني بكل برود قلت ممكن لاني صايمه ماقدرتي تسمعين نبضه لان ماكلت شيء فيكون خفيف قالت ابدا ماله دخل قلت دكتوره انا مو اول حمل لي واعرف قالت ابدا يالله عشان نسوي عملية تنظيف وانا اللي انهبل قمت جيت بطلع اقول للزوجي لقيتها طالعه له تعلمه انه مات ولازم يسوون العمليه جيت وقلت شوي وتكلمت مع زوجي وابكي قال خلاص بكلم يرسل المدير دكتوره ثانيه رجعت ادخل داخل وهي تناظرني ببرود خذت عباتها وشنطتها وطلعت شوي جتني دكتوره ثاني قالت ايش فيه قلت لها قالت لاتهتمين وارتاحي ركبت لي جهاز ثاني وشغلت لي الشاشه اللي قدامي قلت لها تقول مات مافيه نبض وانا قلت لاني صايمه ممكن نبضه ضعيف لان مافيني طاقه ولا فيه لانه يؤثر قالت ايه صح يأثر الجنين يستمد قوته منك بما انك صايمه فمافيك قوه فنبضه يكون ضعيف خاصه انه توك اول الرابع تخيلي حركت الجهاز وابتسمت قالت شوفيه يتحرك وفيه نبض لاكنه ضعيف وطبيعي والله خلتني اشوفه في الشاشه اللي امامي يتحرك ارتحت الحمدلله . فكرت قلت لوني بكر وماعرف وزوجي مايعرف وصدقناها الدكتوره الاولى ايش بيكون موقفنا الاولى ماعاد شفتها ابد وللحين وولدي عمره ٧ سنوات الحمدلله كل ماشفته تذكرت وتحيسبت عليها روعتني ..

الموقف الثاني مستحيل انساه
في حملي السادس ..
دخلت الشهر التاسع وانا عادتي اخلص التاسع واخذ شوي من العاشر فما توقعت بولد قبل ..
الجمعه الساعه ٢ونصف وكان لي اسبوعين ونص في التاسع قمت من النوم على مغص خفيف ماجاء ببالي انه ولاده صار يروح ويجي ماحسيت براحه قلت ان طول معي بقول للزوجي طول معي قلت باقي اتاكد انه ولاده
نزلت تحت وسويت لي كوب كمون وخذت لي كم حبة تمره قلت باكل التمر اذا زاد الالم معناته ولاده وفعلا اكلت وزاد معي شربت شوي من الكمون ورقيت قومت زوجي نزل شنطتي وطلعت المستشفى كانت الساعه ٣ ونصف الفجر والالم يزيد وحااااار بين المستشفى وبيتي ساعه ونص وصلت المستشفى جابوا عربيه ودخلوني للطوارئ دخلت قاست الدكتوره الضغط صار مرتفع قالت بشوف الرحم شافته صار ٧ سم قالت بسرعه غرفة الولاده ودوني غرفة الولاده ركبوا التخطيط وجهاز مراقبة الطلق كان يزيد بشكل فضيع وانا اطلبهم يقيسون الرحم وترفض تقول موقف على ٧ ابي ارفع رجولي تمسكها الممرضه اقول لها قيسوه تقول موقف رافضه تشوف الرحم ابكي بديت ادفع تقول اشوف الجهاز موقف على ٧ وماسكه رجولي ماخلتني افتحها قلت قيسوه صرت ادفع قالت لا قلت مو انا طلبتها تقيسه مااقتنعهت قالت خف النبض يالله عمليه عصبت انا طيب شوفي الرحم طلعت الدكتوره تجهز غرفة العمليات وانا ابي بس يسمحون لي افك رجولي بديت ادفع قلت للمرضه لاتقيسين الرحم بس شوفيه بس ابيها تبعد يدها واقدر افتح رجولي مجرد مانزلت راسها شوي وابعدت يدها صرخت بيبي كامن زلق ولدي بسرعه ومسكته رحمة ربي خلتني اقول للممرضه شوفي بس لو كنت بكر وماعرف كان انفجر الرحم ويانا ياالبيبي ياكلنا غادرنا الحياة .. الرحم صار فاتح ١٠ وانا اطلبهم يرجعون يقيسون ماقاسوه الا في الطوارئ وتقول في الجهاز اللي شكله كان خربان لما رجعت الدكتوره قالت يالله شافت البيبي في يد الممرضه تفاجأت كلها ٥ دقايق اللي غابتها ورجعت لقتني والده قالت الممرضه خلاص حمدلله جيب بيبي ولد ناظرتني بكل برود خلاص زين وراحت والله بعدها ماعاد شفت وجها .. لما ودوني الملاحظه عشان الضغط مانزل جتني دكتوره ثانيه وتطمنت علي وقالت كنت اسمع صوتك قلت ايه وعلمتها كل شيء قالت ايه هالدكتوره اهم شيء عندها صحة الجنين قلت كنت انا والجنين بنموت ولو ما رحمة ربي ثم ان عندي خبره وعرفت ادفع كان انفجر الرحم ..
انتبهوا يابكريات ولاتستعجلون في عملية التنظيف زوري دكتوره دكتورتين ٣ الى ان تتأكدين نبض الجنين يكون ضعيف في الشهور الاولى لاول الرابع وفيه عوامل كثير تأثر فيه قلة الاكل . الارهاق والتعب من شغل او وظيفه . التوتر والقلق ..
ايضا انتبهوا اثناء الولاده من تحسين بدفع اتخذي وضعية الولاده وافتحي رجولك عشان تكون فيه مسافه للخروج الجنين .
انتبهي للجهاز الطلق مايكون معطل او شيء
لاتستعجلين بالعمليه القيصريه الا طبعا في حالات خاصة
والله يولدكم بسلامه وتفرحون باطفالكم في أحضانكم 🌹🌸💐🌷😘

هذي واضح لا اسلوب ولا خبرة ولا حسن تصرف
بس مو معناها نعمم ونخليها قاعده ونقول كل الاطباء مايفهمون واذا قرروا شي نعاندهم !
مرت علينا حالات تشيب الراس وكله بسبب جهل الحريم وعنادهم
بس بمثل حالتك شي طبيعي انك تتاكدين من اكثر من شخص لانها روح واساسا البروتوكول الطبي اذا فيه اجهاض مايصير على طول لازم سونار اول وبعد عشر ايام سونار ثاني اذا تأكدوا من الموضوع يشوفه استشاري والاخصائيين اللي معه ويقررون مو من اول تشخيص يسوون اجهاض وتنظيف الدنيا مو فوضى