❤️ تباشير 1️⃣3️⃣ لأحلى مواليد سبتمبر واكتوبر ❤️2018❤️

ايوه صح عندي طفل توفى وقت الولاده

صباح الخير جميعاً ...




كيفكم نفوسات مع حوسة اطفالكم ؟ وكيف صحتكم




كروشات اخر اخباركم ؟ ربي يهون عليكم ويسهل لكم ويرزقكم ساعة فرج 💜💜💜




انا الحمدلله اوضاعي تمام مع مقاومة للاكتئاب مره استسلم وابكي ومره اتشجع واتفائل
رحت لاخصائيه اجتماعيه لاني خايفه اتعب زي نفاسي الاول واعطتني مجموعة نصايح حابه افيدكم فيها 💜
اول شي حبي نفسك زي ما انتي وتقبليها 🌸
اوقفي قدام المرايه وقولي احبك يا.. وخذي نفسس ولا تخلي التغييرات الي صارت لجسمك تأثر عليك 🌸
خصصي ساعه لنفسك تتركين فيها كككللل ششي وتسوي فيها حاجه تحبيها بس مو اي حاجه ، سوي شي يسحب منك طاقه مثلاً رسم او خياطه او كتابه او حتى شخبطه وابعدي بهذي الساعه الي تدخل لك طاقه زي القراءه او التلفزيون والسبب انك تحتاجي تفرغي طاقه عشان تجددي طاقتك 🌸
تعلمي حاجه جديده حتى لو ما تحبيها، جربي اشياء جديده، روتين جديد، ستايل جديد، ترتيب جديد لغرفتك 🌸
الاكل الصحي وكثرة المويا تساعد بتحسن النفسيه لان صحة الجسد مرتبطه بالنفسيه كثير 🌸
اذا في شي يزعلك امسكي ورقه واكتبي الشي الي ضايقك وخذي نفس وشققي الورقه او احرقيها وكل ما حسيتي شي سلبي سوي هذي الحركه (صح سخيفه لكن عقلك بيتبرمج انو تخلص من الشي الي مضايقك او المشاعر السلبيه الي حسيتيها) 🌸
الفراغ والتفكير تأثر بشكل سلبي عليك عشان كذا اخرجي غيري جو او زوري جاراتك او صاحباتك او اشتغلي او سوي اي شي يغير عنك جو البيت ولا تخلي وقتك كله مليان بشغل البيت وحوسة الاولاد و و و ... تعلمي التنظيم واهتمي بنفسك اكثر من كل شي 🌸
اعرفي انو اذا نفسيتك كويسه واوضاعك تمام اطفالك بتكون نفسياتهم احسن وبيتك بيكون احسن وكل شي افضل بوجودك انتي 🌸






زيارتي لها كانت طويله وقالت كلام كثير هذا الي افتكره واعتمدته من الجلسه
اسأل الله يحميني ويحميكم ويحفظنا جميعاً من كل شر ويديم علينا الصحة والعافيه والنفسيه العاليه 💜💜

في نقطه من الي كتبتها هنا حسيت صياغتها خربوطيه 😅
في اشياء تسحب منك طاقه زي الرسم او الكتابه او التطريز او الطبخ او الرياضه > اشغال يدويه يعني
وفي اشياء تشحنك طاقه زي التلفزيون او القراءه او جلسة الجوال > ما تحتاج مجهود
الساعه الي تجلسي فيها مع نفسك اعتمدي ع الاشياء الاولى ، الاشياء الثانيه اتركيها قبل النوم مثلاً

صباح الورد ❤️
الله يجزاك خير ويهدي سرك و يرزقك راحة البال
كمان عليك بالاذكار صباح ومسا و ورد القران وباذن الله امورك تصير تمام

معلومة حلوه اول مره اعرفها بالعاده لو خصصنا وقت نقرا او جهاز على بالنا كدا روقنا وهو العكس المفروض شي يشغلنا بدون تفكير
دايماً اسمع السباحه و ركوب الخيل و التلوين انها مخرج طواريء يعني تسويها لما تحسي نفسك في زحمة وامورك مكركبه