ههههههههههههههه قصصكم تفشل
لكن قصتي انا تفشل بقووووووووه
زمان قبل يمكن 6 سنوات اهلي طالعين يتمشون من الصباح ولا بيردون الا بالمساء
وانا قلتلهم ماني رايحه معاكم ووقتها قريب الامتحانات وابي اذاكر ومشوا ومابالبيت الا انا
واخوي اللي اكبر مني ماراح معاهم طلع مع واحد من اصحابه من الصباح ولايدري اني بالبيت
يفكر رحت مع اهلي .
المهم على العصر قلت بدخل اخذ دش والحمام الله يكرمكم قريب من مجلس الرجال
والمطبخ بيني وبين غرفتي ومتطمنه مابالبيت احد
دخلت وطولت اتحمم اثاري اخوي جاء من برا ومعاه صاحبه ودخله المجلس
وانا ياغافله لك الله ماسمعت شي جالسه ادندن واتحمم وصوت الماء فوق راسي
راح اخوي للمطبخ بيضبط قهوه ع السريع نسبرسو لهم
على خروجي من الحمام ماعلي غير الملابس الداخلية والمنشفة ع راسي يوم الله قردني سمعت صوت قربعه بالمطبخ
عرفت ان اخوي جاء ولا اقدر اروح لغرفتي لانه ممكن يكون طالع من المطبخ ويشوفني رجعت للحمام انتظرت 5 دقايق وطلعت مره ثانية
قلت اقرب شي ازبن المجلس لين يطلع برا البيت هههههههههههههههههههههه واجي مدعمره وادخل المجلس واسكر الباب بهدوء وبكل قوتي وثقل جسمي حاطه يديني على الباب من الخوف والفشله لايجي للمجلس
مادريت عن اللي وراي بالمجلس ماشفته واتوقع هو بغى ينجلط خوف وخجل وموقف صعب اخذت تقريبا دقيقه او اقل واطالع وراي ابي اشوف الشباك لايكون مفتوح
يوم طالعت الا ادمي جالس ومنزل راسه بغيت افطس هههههههه واصيح ذيك الصيحة المجلجلة وافتح الباب واروح ركض ابي غرفتي
الا اخوي مقابلني واصدم فيه ويطيح واتعداه وع غرفتي وقلبي بط بط بط بط وعظامي ترجف وحالتي حاله واقفل على نفسي
المهم موقف ما انساه فشيله من جد لليوم ماقدر اطالع في وجهه
من يومها انحلت سبيكه عندي من هالموقف وتوبه اجلس لوحدي بالبيت
الصغار وفضايحهم وطرايفهم
متابعة النقاش، صفحة 16