على طاري العزايم وسالفة رونق وام فطومه
تصدقون بنات ماتخيل ارفع التليفون واعزم نفسي عند احد حتى لو مو حامل وعندها شغالتين!
اذا انا مشتاقه لاحد بدق عليه واعزمه واضيفه بس اني افرض نفسي على احد ليه ماعندي بيت!
شي عجيب غريب
بس انا ماعاد اجامل بهالمواضيع
عندي جارتين فوقي مايجلسون في بيوتهم ماشالله ياعند بعض يابحديقة الحي
قابلتهم مره بحديقة الحي ونادوني اجلس معهم وجلست قالو انتي كنا نتخيلك نفسيه ورسميه طلعتي حبوبه قلت ليه هالتصور
قالو لانك ماتسيرين ولاتتواصلين معنا قلت اول شي مشاغل ثاني شي ماحب اطلع بشكل يومي نفسكم حتى لو فاضيه
المهم يشوفون بطني قدامي متر ماشالله وترسل لي بالليل انا وجارتي فلانه نفكر نزورك 😑
طيب عارفه وضعي وعارفه ان شغالتي هاجه وعارفه ان بناتي يدرسون
اذا انتي ودي فيني ناديني بيتك ليه تطبين علي انتي وجارتك وين التقدير بالموضوع !
المشكله ترسل لي ارقام شغالات واتس اب عارفه معاناتي
وانا وحده ماحب اقدم شي جاهز ولا احب اضيف اي كلام ماحب احد يدخل بيتي الا وهو كامل مكمل بس لاعندي طاقه اشيل فيها البيت ولاعندي طاقه اضيفك فيها ياشيخه زين اقدر اذاكر لبناتي واطبخ لهم
الزبده قلت لها ان شاءالله اشوف لكم يوم مناسب واناديكم ولي اسبوع ماشفت يوم مناسب😂
ينتظرون الله لايهينهم لين اولد ويجون
فالناس اجناس ناس عندها ذكاء اجتماعي وقدير وناس وناس للاسف ماعندها 😑
💙💖🤱🏻 تباشير الخير الخـامـس لأجمل مواليد نوفمبر وديسمبر 2018🤱🏻💖💙
متابعة النقاش، صفحة 53