, تجمع القولون العصبي ,

انا اعاني من القولون من زمان الام بالمعده وغزااات فضيعه واعراض كثيره الحمد لله

الله يشفينا جميعاً .. انا مثلك ماعرفت هو اعراض ارتجاع ولا ارتخاء ولا قولون بس كلهم بسبب القولون العصبي اتوقع بس استغرب ان قولون العصبي معي من سنين بس ماعمره صار لي زي هالفتره يعني يجيني في سنه مره مرتين ولا حتى يجيني كذا مؤلم مره الان مصاحبني كل يوم وكل يوم يزيد عن ثاني ..
اكثر ما ذبحني الم صدري احس كانه ذبحه صدريه وضيق التنفس وحرقان شيء اسفل الحلق واقفه زي الاكل لما يوقف بالحلق مع دوخه بالراس زغلله بالعيون .. والاكل ماعرفت وش اكل كل شيء يتعبني ولي شهور منتظمه على غذا ما اغيره ابد برضو يتعبني ..
ياليت تكتبون وش الاكل اللي ترتاحون له عشان نعرف ايش اللي يريح هالقولون .. الله يشفي الجميع يارب ..

الحمدلله على كل حال ..
طيب ماخذتي له علاج او اعشاب والاكل ايش اللي ترتاحين له وايش اللي يتعبك ..

وياك يارب ..
لي كم يوم يجيني الم مثل حرقان في الجهة اليمنى من الصدر لكن في الجهة اليسرى الالم مستمر لدرجة يجيني نغزات بالقلب بالنسبه للاكل مانعه نفسي من سنين عن بعض الفواكه وبعض الخضروات البقوليات والالبان والمكسرات مع هذا احس بالالم مستمر معي وزيد والله صرت احس واكد انه من الحاله النفسيه لان اكلي عادي بس دايما حالتي النفسيه تعبانه زي ماقلتي ماله علاج الا مع الحميه بس ودي اعرف ايش الاكل اللي يناسب هالقولون العصبي ياليت البنات يعطونا من تجاربهم سوا عن اكل ولا راحه النفسيه بانتظارهم ..

اسال الله العظيم ان يشفينا ويشفي كل مبتلى بالقولون امين يارب ..

بنات مين جربت هذي طريقه .. اخذتها من تجمع قديم وجربتها بس ماحسيت بشيء!.



أول ما تصحين ع الريق اشربي 4كاسات ماء فاترة يعني بحرارة الغرفة بين كل كاسة والثانية 5دقائق أو أكثر يعني مثلا أول ما تجلسين من السرير اشربي كاسة أو قارورة صغيرة إذا خرجتي من الحمام اشربي الكاسة الثانية إذا صليتي الفجر اشربي الكاسة الثالثة إذا تجهزتي للدوام وقبل ما تخرجين من البيت اشربي الكاسة الرابعة وبكذا تكونين شربتي لتر ماء ونظفتي جسمك من السموم وريحتي القولون المتشنج جربوها يا بنات لمدة أسبوع وإن شاء الله بتدعون لي دعواتي لي ولكم بالشفاء أهم شيء نتعلم تقنيات الاسترخاء عشان القولون يزيد مع الضغوط والنفسية التعبانة