تجمع احلى واجمل امهات التوائم

وعليكم السلام يا اجمل ام
بالنسبة للألعاب انا بناتي توهم بيكملون عشر شهور بعد أسبوع تقريباً خذيت لهم خيمة فيها مية كورة يدشون يأخذون الكور ويطلعونها برا 🤦🏻‍♀️🤦🏻‍♀️
شوفي ألعاب التعليم المبكر عندهم أشياء وايد زينه
اذا عندج مساحة اشتري المراجيح الصغيرة او الزحلاقية مادري شتسمونها 😂😂
او النطاطيات الصغيرة كلش يعني اللي تدش بالغرف او اخذي السيارات اللي بالبطارية
انا رحت ابي اشتري سيارات لبناتي اللي يدشون داخلها وتدفينهم تعرفين الجو اللحين بدا يعتدل يكسرون خاطري خلي باب الصاله ينفتح انواع الصراخ يبون يطلعون بس حاكرتهم في البيت

القروب يسبب احباط 🤕

هلا والله ام سعد حبيبتي

ايه هم عندهم الخيمه بس طفشو منها🙊

يووووه لو تشوفين فرحتهم اذا نزلنا الدرج يدرون اننا بنطلع😂لان بيتي فوق


انا بحثت الالعاب في هالسن لكن ماطلعت بنتيجه مرضيه لانهم يقولون العاب السحب والدفع وين اجيب لهم سحب ودفع

على سالفة الاحباط قصدك القروب نايم؟؟😁

انا يوميا بدون مبالغه اشيك عليه من حبي له🙈😹😹❤❤


ولو تدرين تصحكين علي.. الى الان وانا ابحث عن اي شي يخص التوام...معلومات ..طريقة التعامل...او اي شي يخصهم😁😂

شوفي عندي لج حل اشتري اَي لعبه بس ماتكون فيها قطع صغيره وتكون سيفتي وشوفي ممكن تعجبهم
انا للأسف كل شي شريته وتوني شريت لهم دجاجه مع صيصانها من التعليم المبكر الدجاجة تمشي وتغني وتدور بنتي لوعت چبدها تلحقها وتمسكها وتحكرها عالطوفة ولا تشيلها وتضربها عالارض 🤕🤕
رحمتها 😂
لاتشترينها مانصحج فيها احسها حق اوادم يفهمون يعني بس يتفرجون عليها احسها حلوه للي في سن الإدراك لانها صيصانها عبارة عن صفاره تصفرين فيها وتقوم وتمشي وتسوي حركات
شريت لهم الفرشات اللي فيها ألعاب معلقه كل الألعاب فكينها لهم يلعبون فيها مايبون يقعدون فيها خذيتها وهم في عمر شهرين او شهرين ونص
والخيمه مثل ماقلت لج الكور كلها برا منثرين في البيت
شريت لهم ألعاب القطن الدباديب وغيرهم بعد ماحسيتها شدتهم عادي يمسكونها شوي ويملون منها شريت الألعاب اللي فيها أصوات وموسيقى وتشغل ألوان شي مزعج 🤯
احس اَي شي مايخص الألعاب يبونه مثلاً جوالي عادي يمسكونه مايتمللون ويحبون أغنية بيبي شارك اشغله في الجوال يفرحون لدرجة اذا وقفت صاحوا
شريت لعبه رخيصه يمكن 15 ريال نفس العصا وفيها نفس الكورة شفافه وتدور وتطلع ألوان وتغني انا مادريت انه فيها اهتزاز استأنسوا عليها يحطونها على شفايفهم وهي شغالة وياويلي لو سكرتها مادري وش يحسون فيه كنسلتها خايفة عليهم من الاهتزاز
ولحد اللحين مستمرة اشتري ألعاب ونجرب وصارت مكودة عندي في البيت 😪😪

على طاري الالعاب لي فتره ادور في مواقع الاطفال ومستلزماتهم كل ماشفت لعبه اقول بدري بس يكبرون اخذها
بسالكم يامامات
متى انتبهوا لبعض لاحظت الفتره هذي لما البنوته تبكي ولدي يسكت ويطالع فيها حتى لو كان فيه بكوه يسكت ويطالع مدري يخاف من الصوت ول عرف ان في احد مشاركة انتباه الماما ووقتها ...
وتخافون مثلي انكم ماتعدلون بنتي بكايه وعلى طول اهزها واشيلها والولد طبعه هادي فحس احيانا بتانيب الضمير واني مقصره معاه وانه اذ كبر وبدا يفهم بيغير منها بسببي اويحس اني افضلها مادري كيف اعدل بينهم تهوجسون مثلي و ول مبالغه بمشاعري