تجمع مطبقات برنامج اندلسيه دودي لعلاج التوحد

في السنه والسبع شهور تقريبا بدأت عنده الرفرفه والمشي ع أطراف أصابعه .. واهتمامه بعجلات السياره وكان يقطع المناديل الى قطع صغيره ويمسكها بيده عنده حب تمسك بالاشياء هذا اللي اتذكر ويصف الاشياء بخط مستقيم.. حاليا طلعت لمستشفى وفحصو دكتور فحص عام بصراحه ماتكلم عن الاوتزم بس سألني عن طريقه لعبه مثلا اذا لعب سياره يلعبها وهو منسدح ويقربها من عينه قلت له كان يسويها بس الان لا ..وسألني يضع يده على عينه قلت له كان يسويها بس اختفت لكن فيه أوقات ترجع قال بس تقدرين توقفينه عنها قلت ايه .لما تنادينه يلتفت قلت معظم الأحيان لكن سابقا لا رد علي ان هذا ولد والاولاد عاده التواصل حقهم ثقيل لكن فيه تواصل .. وسألني عن السياره يمسكها ويلعبها بطريقه صحيحه مع إصدار أصوات مثلا عننن عننن بيب بيب قلت له يسويها لكن للأمانه هاذي الطريقه سمعها من امي لما كانت تمسك معه السياره وتلعب معه وفهمها منها .. المهم بالاخير الدكتور تكلم عن وضع الكلام المتأخر وان عندهم سبيك ثربي لكن مواعيدهم تأخذ شهر وأكثر .. ركز علي بشغله قال المضغ اذا مضغ وتدربت عضلات فمه راح ينطق باْذن الله قالي دلكيه بفرشاه الاسنان ، علميه يشرب المايي او العصير بالمصاص ، اعطيه حلاوه مصاص، او اعطيه مصاص وخليه ينفخ في كأس فيه مايي ويخرج فقاعات،ينفخ بالون او اوراق .. ونسيت اقولك حوله ع دنتست عشان يكشفو ع اسنانه والفك لتأكد ومعرفه الوضع .. ايضا حرص علي اجمعه بأطفال وناس وعدم تركه لحاله ..

اختي انا الدكتورة لما شفت ماينطق قالت لي اعملو تست توحد مع انها تقول انها ترى ابني طبيعي لما تنادي عليه بيشوف فيها ويضحك ولما تعطيه مصاصة يمسكها وقالت لي ابنك فراندلي مع دالك لازم تعملو تست اوتيزم، وكذالك سبيتش تيرابي ،انا لحد الان ماسويت تست بالنسبة لسبيتش تيرابي اتصلنا فيهم ولحد الان لم نتلقى جواب.
انا أشك ف ابني انه عندو اوتيزم لأنو كتير يشوف في السقف ولاينطق ولا حرف

لا تفكري كذا ابعدي عنك التفكير في الاوتزم وعادي افحصيه مافي مشكله وايضاً طبقي البرنامج تبع الاندلسيه اذا فاضيه .. اذا بيلتفت لك ويحب الناس ماعليك الله معك لكن تأكدي انه يسمع زين ومافي شيء بلسانه وانتي تعرفين حاله ابنك اذا كان بيجلس ع الاجهزه كثير وبيستخدمها كثير وشاشات واناشيد بيصير معه أعراض توحد مع برنامج الاندلسيه بأمر من الله سبحانه وتعالى يتحسن وتتناقص كل هالأعراض حتى يصير طبيعي .. وايضاً أعقب على مسأله الكلام الولد بيتأخر اكثر من البنت انت بس طبقي البرنامج ياأختي ..

شكرا اختي على الإجابة ، انا ان شاء الله الموعد الجاي مع الطبيبة حااطلب منها ترسلني اعمل لو فحص الاذن و كدا اللسان ،البرنامج الأندلسية بدات في تطبيق لكن ابني مايعرف ينفخ وكدا التذوق ..بالنسبة للاجهزة ابني من تلاث شهور وهو يتفرج على التلفزيون انتي تعرفي الغربة ما يشوف ناس وكثير بيمل وانا كنت مظطرة اشغل التلفزيون لكن مند مدة منعت عليه التلفزيون نهاءيا .

سلام اختي نيسان كيف أحوالك
الله ايجازيك بالخير كم كان عمر بنتك لما بداتي معها البرنامج؟؟؟ انا ابني مايستوعب كثير وتعبني ،أتمنى ان تجيبيني أرجوك