🌼التجمع 15 لحوامل ( يناير & فبراير ) 2019🌼

👌

حبيبتي وضحي لزوجك ان المسؤول عن تحديد الجنس هو الرجل ، المرأه ابداً مو مسؤوله

أم روق أولاً مبروك على البنوتة الله يجعلها من الصالحات ويرزقكم برها يارب💗💗
ثانياً أكيد سمعتي الكلام دا كثير .. احمدي ربك غيرك مولاقي هذه النعمة .. وكلام شبيه بي بس انا راح أقولك كلنا من حقنا نتمنى ونطلب وندعي وربنا رحمن رحيم وكريم ومعطي لعباده فإنتِ خلي تعلقك بي بالدعاء بالولد الصالح وبالإستخارة في الحمل عموماً ..
٢٦ سنة ماشاءالله صغيرة والعمر قدامك ومن الغلط انك تحملي كل شوي وانتِ بتقولي بتتعبي عشان فلان وعلان ومو عشانك وعشان زوجك ..
قرار الحمل يخصكم إنتوا مايخص المحيطين والآخرين .. تحملي كل سنة او تحملي كل ثلاث او اربع سنوات هذا قرار يرجعلك إنتِ وزوجك .. وما تضغطي على نفسك بحجة المرة دي ان شاءالله ولد .. طيب لو جات بنت راح تتأثري اكيد وتسمعي كلام سخيف ..
الفكرة بعد الكلام دا خلفي لنفسك ولم تكوني حابه والأهم استخيري قبل خطوة الحمل في حياتك كلها سواء طبيعي او بتلقيح .. وهذا شعاري مع نفسي استخير في حملي لم احس انه عندي استعداد ومرة ربي أراد لي ومرة ربي صرف فكرة الحمل عني ورزقني سبحان الله بعد سنة بدون تخطيط .
آخر شئ الناس الي عاملتلهم حساب المفروض يرجعوا لعصر الجاهلية والمفروض انك ماتكملي الناقص وتكوني ضعيفة قدامهم .. ليه يأثر كلامهم فيكِ .. اهم شئ زوجك يكون عنده ايمان وتهتمي بي فقط ..
والناس دي ردي عليهم بآيات من القرآن وبس .. وقوليلهم افضل البشر الي احسن منكم ومني ومن زوجي كان يتيم وَذُرِّيَّتِهِ كانت ثلاث اولاد وأربع بنات وكلهم من خديجة الي تزوجها وعمرها٤٠ سنة عدا ابنه الثالث ابراهيم من مارية القبطية والثلاث ذكور توفوا وهم صغار يعني ماكان عنده ذاك الجيش العظيم من الأولاد ولا حتى ولد واحد كبر وفرح بي وهو أعظم البشر ولكن لله حكمة في ذلك ..
فردي عالناس دي بهذا الكلام ،. وإذا مانفع قولي انا مؤمنة وأحب ربي والي يختاره لي أياً كان ..
انا ما أحب خياراتكم وأمنياتكم .. انا سعيدة بهدايا ربي لي .. أعطاني بنات وبصحة وعافية هذا بالدنيا عندي ..
وفي النهاية اتمني الولد مو غلط .. بس اتمنيه عشان يكون سند وظهر لأخواته مش عشان شخص ثاني ..
وأأكد عليكِ ادعي بالذكر الصالح واستخيري في الحمل وانبسطي بالي الله يكتبه لكِ وخلي كلام الي ماعندهم إيمان ورا ظهرك .. لأن للأسف كلامهم خالِ من الإيمان وهذه مصيبه الله يصلحهم ويهديهم.
وعن نفسي هذا دعائي الي دعيته لنفسي قبل حملي والي راح أدعيه لبعد كدا .. اللهم ارزقني بالذرية الصالحة السليمة المعافاة ان كان لي الخيرة في ذلك ..
الخيرة نيتي فيها التوقيت وإذا في خيرة انه يكون عندي مولود جديد وهل انا قد الشئ دا او لأ ..
وملاحظة أخيرة .. الحمدلله على ما أعطاني وراضية تمام الرضا. بس انا كان خاطري يكون عندي بنتين ورا بعض .. أشوفهم اصحاب ويروحوا المدرسة ويكون قريبين في السِن وأشوفهم متقاربين في اللعب وكل مراحل الحياة .. هذه الأمنية كانت لي لأَنِّي افتقدت وجود أخت قريبه مني في العمر وكان نفسي وانا صغيرة يكون عندي أخت تروح معايا المدرسة ونتشارك كل شئ .. الحمدلله عندي أخت بس فرقنا كبير والي بعدي كانوا اولاد والحمدلله ربي أعطاني بنت عمرها ٨ وبعدها ولد وكنت متمنية بنت بس حملي هذا ولد ماشاءالله والحمدلله على ما أعطاني والله يحفظهم كلهم ولا يحرمني منهم لأنهم هدية ربي لي وولادتي عملية الحمدلله .. وراضية بعدد الذرية وأقول الحمدلله .. ( كلنا عندنا أمنيات ونتمنى الي فاقدينه بنات او اولاد او عدد معين بس لازم نستشعر نعمة الله لم ربي يعطينا ذرية وبصحة وعافية وغيرنا محروم او خلفتهم ذوي احتياجات خاصة .. الكلام دا قوليه للناس المريضة الي حوليكِ ..
طولت عليكِ بس ابغاكِ تكوني قوية داخلياً وخارجياً أمام الآخرين والله يرزقك بأولاد صالحين سليمين معافيين ويبارك لكِ في بناتك ويحفظهم لكِ يارب❤️❤️❤️

لاتدري ايهم اقرب نفعا
هالبنات اللي ماتبيهم هالجده يمكن بكره مايشيلها الا هم
كم بنت خير من ١٠ اولاد والعكس
اهم شي نسال الله الصلاح لهم يارب

انا مثلك صراحة او حساسة مدري بس عموماً أراعي الناس ولو مزحت امزح مزح حلو وخفيف مو مزح استهزاء ..
المزح لم يدخل في استهزاء في نظري مو مزح .
إنتِ ادرى بصحباتك وإذا هذا طبعهم الي متعودة عليه .. والأهم هل تتوقعي قصدهم التجريح او قلوبهم بيضا وبس لسان .. اذا قلوبهم بيضا اعذريهم وتقدري تخففي جمعات لأن فعلاً الوحدة تعبانة وتتعب فوق تعبها عجن وخبز عشان تنبسط مع الضيوف ويغثوها .. وبعدين أكيد الحمل في تغيرات يعني مو شئ غريب ، الله يصلحهم ويهديهم ، والتمسي لهم العذر اذا مو قصدهم.