السلام عليكم كيفكم بنات بدخل في الموضوع ع طول اختي خطبت لولدها بنت جيرانهم
الام انسانة اخلاق واجتماعية مرة حبيبة والاب كذلك وعيالهم اصدقاء من الطفولة والبنات بعد صديقات وبنتهم تجنن مؤدبة واخلاق وجمال ماشاء الله هم جيران من اكثر من خمسطعشر سنة المهم اختي كلمت الام ووافقوا ع الخطبة لكن مابعد صارت رسمية
بس رحبوا فيهم بقوة وفرحوا انهم خطبوا عندهم وان جيرتهم بتصير نسب وكذا لكن مااعلنوا الخطبة قالوا لين نتقدم رسمي محد يدري عن شي
المهم يابنات اختي نقلت بنتها مدرسة ثانية وبالصدفة تعرفت ع بنت طلعت صديقة بنت جيرانهم ومع الايام مع ان البنت اقصد صديقة بنت جيرانهم ماتدري انهم خاطبينها ولا شي قالت البنت بزلة لسان ان فلانة اللي اختي خاطبتها لولدها طلعت تكلم واحد وبينهم علاقة بنت اختي انصدمت وعلمت امها فاختي منصدمة مرة تقول مدري شسوي مابي اخرب علاقتي بجارتي ولا اقدر اقول لزوجي بنفسخ الخطبة بيقول وش السبب مابي اخرب سمعة البنت والا اسبب لها مشاكل مع اهلها يمكن اهدم بيتهم اكيد بتصير مشكلة كبيرة لو علمتهم وولد اختي صديق ولدهم الروح بالروح اختي مرة محتارة تقول مااقدر بعد اغش ولدي واسكت
وابي منكم ياصاحبات الراي السديد ترشدونها وهي بتقراء رسايلكم
شاركي في النقاش
سجلي الدخول لإضافة تعليق.
التعليقات
149- ما في شي يثبت أن الكلام صدق..
وربما فقط زمان له فترة .. - يمكن فترة طيش يمكن كلام بنات وخرابيط يمكن اشاعه,, وياكثر اشاعات ايام المدارس
لا تسوي شي وتخرب الخطبه وهي مو متأكده مجرد كلام بزران وبنات مدارس - لا لاتصدقيّن البنت إذا قلتي أنها مهذبّة وأخلاق يمكن البنت كذبت حسد فيها
- مافي شي يثبت كلام البنت واذا بتفسخون الخطبه بإمكانكم تقولون ولدنا استخار كم مره ومو مرتاح واعتذرو منهم واطلبو انو هالشي مايفسد جيرتكم وكل شي قسمه ونصيب
بالنهايه ارجعو استخيرو واذا مرتاحين ومبسوطين كملو مو مرتاحين من الحين اصرفو النظر - ((يا أيها الذين آمنوا اذا جائكم فاسق بنبأ فتبينوا ان تصيبو قوما بجهالة و تصبحوا على ما فعلتم نادمين))
و لو كانت تحب واحد اية توافق على ولد اختك
الغيرة و الحسد و ما يسوي
مواضيع مشابهة
تابعي تجارب أخرى من هذا القسم.