ٱنثى على الخط

يا قلبي
كنت مفكره إنه شخصيتك قويه
بناءا على موضوعك السابق
الله يجبر كسر قلبك
انتي موقفك قوي ومعك الحق
لا تنزلي دمعه على هيك رجال
خليك قويه وما يهزك ريح

ماشاء الله شكرا اختي مرجانه ❤️

ركبنا السياره وعيونه علي
انا كنت لافه راسي ع الشباك
قرفانه والله منه ومن ريحة عطره
اول ربع ساعه ساكت ما تكلم بعدها
قال : هديتي اقدر اتكلم الحين
قلت له : لا تتكلم اصصصص ماابغا اسمع صوتك
قلت له : وديني لمحمد وابوي بدخل عليه الصاله
وابوس راسه ويده واقوله رجعت ياابوي
كنت دائمآ تقول فلانه بترجع بعد سنه .. سنتين .. اربعه
مصيرها ترجع .. مع انه هو الي رافض الانفصال
بس عارف ظلم الي عندي عشان كذا يقول هالكلام
وطبعأ انا مابينت موقف ابوي لزوجي ولا عمري
قلت له ابوي رافض اني اتطلق منك
.
.
قال : تعوذي من الشيطان يا بنت الناس
انا غلطان ومقدر مشاعرك وعارف اني جرحتك
قلت له : جرحتني !! انت ما جرحتني ولا ذبحتني
انت تعديت مرحلة الذبح والجرح من زمان
انت تطعن بالظهر وتغدر .. انت وصلتني
لااسواء المشاعر .. لا مو الاسواء ... لقاع السيئ
انا بالحضيض والله ..
فرجاء لو سمحت وديني بيت اهلي
قال : انتي شكلك ما تبي تتفاهمي
قلت له : ماابي اتفاهم يلا ع بيت ابوي
قال : اللهم بلغت اللهم ف اشهد انتي حره هذا قرارك
لما قربنا نصل بيت ابوي غير الطريق
قال : تعوذي من الشيطان يا بنت الحلال
قلت : قلت والله مااتعوذ منه وخلي النار الي بصدري تكبر
الله لايخليني لو بيوم اخليها تبرد
قال : انا حريص عليك
قلت : بس انا مو حريصه انا عفيفه طاهره ما استاهل واحد مثلك
قال : انا متمسك فيك
قلت : بس انا مو متمسكه فيك وفراقك عيد ولاابغا اشوف وجهك بيوم
.
.
قال : اذا انتي مو متمسكه ولا حريصه بحريقه
قلت له : يلا ع بيت ابوي
لما قربنا نصل نفس الحكايه غير الطريق
وقال : يابنت الحلال والله غلطان ومعترف بخطاي
خلينا نحل الامور بالحوار
قلت له : اذا ماانحلت الامور بلي يرضيني ياالله عساها لاتنحل
الي يرضيني مااشوف خلقتك بيوم بحياتي
روح الله يسهل عليك بطريق وانا بطريق
قال : حرام عليك الاولاد مافكرتي فيهم
قلت له : لما تفكر فيهم انت بالاول
قال : انتي امهم
قلت له : وانت ابوهم
وبهاللحظه سكت تمامآ وخلالي المجال كامل للكلام
وقتها تذكرت رد وحده من الاخوات بموضوعي الاول
وجلست تقريبآ ساعه كامله اتكلم بدون ما يقاطعني
اطلع قهر السنين الي مارسه علي
وفتحت دفاتر قديمه وذكريات اليمه
قلت له :
سنين وانت تسب باابوي واخواني وماتقول عن ابوي
الا الواطي .. ماراعيت احساسي ولا ان الي تتكلم عنه ابوي
ترضاها لاابوك اسآلك بالله
ايش ما كانت خلافاتك معه مالك حق تمنعني عنه وتسبه
دفعتني ثمن خلافاتكم .. دفعتني ثمن ضغط عملك
ودفتني ثمن عقدك ..وثمن اخطاء اولادي وهي اخطاء عاديه


ذاكر لما كنت تقول بنات فلان بااسلوب مقزز
انت لك الشرف انك ماخذ من بنات فلان


ذاكر لما حضرت ملكة اختي بااستراحه بوقت كنت حردانه فيه عند اهلي
من وقتها صرت ماتقولي الا يا ام الاستراحات ! تحريت ليلة القدر هذيك السنه مخصوص ادعي عليك


ذاكر برمضان لما وقفت بنص البيت
بنهار رمضان لااحترمت حرمة شهر ولا بيت ولا اولاد
تقولي بصوت عالي ( يابنت الحرام ) قدام ولدي
وولدي ماسك يدك عشان لاتمدها علي
والله مااسامحك عليها لادنيا ولااخره


ذاكر لما تقولي انتي تاخذي دوش يوميآ لاانك تمارسي العاده
وتبي توديني طبيبه تكشف علي يا مريض !


ذاكر لما قلت لي انا ما تزوجتك بنت !
الي راح معك راح .. ولا احد بالدنيا
يقدر ينصفني فيه .. استكثرت علي حتى الشرف يا ظالم


ذاكر لما كنت تقول لبنتي لاتطلعي مثلها
لاتصيري زي امك وتربيها ع العقوق !


قلت له : اذا كنت انا بنت الحرام ام الاستراحات ام العاده السريه
روح لبنت الحلال بنت الحمايل والقبايل العفيفه الشريفه
انا ماانفعك .. انت تستاهل وحده من طينتك
احمد ربك لو بنتي تطلع مثلي وادعي ربك ما تطلع مثلك


قلت له : يا منافق ذبحت ولدي تدقيق بالصلاه
كانه يصلي لك مو لله ..واذا ماعجبتك صلاته تخليه يعيدها
يا منافق ان الصلاه تنهى عن الفحشاء والمنكر
انتي تصلي وتقوم بعدها تمسك جوالك تغازل اعراض الناس
ما خفت ع بنتك ! ما خفت الله بااعراض الناس
والله دين وبيرجع لك
اطلع من هالمستوى الهابط
انظف مثل ما احنا نظيفين
مو مره ولا اثنين ولا عشره
خمسين مره والله يفضحك قدامي
سبحان الله كل ساقط لاقط
تلف تلف وترجع لهم
.
.
ذبحتني تدقيق واستشراف
وانك احسن منا
وانك عند الله ازكى واطهر منا
اذا كان عندك خير
ف ابوي الحمدلله عنده اضعاف وانت عارف
واذا كان عندك بيت ...فاانا مو جايتك من الشارع
وبيت ابوي الحمد لله فاتح لي
والكل حاسدك علي ويقول والله ما تتحمله غيرها
مو عارفين اني متحمله غصب عني بسبب موقف ابوي واولادي
اخوانك يتمنو ياخذو من اخواتي
لكن ابوي تعقد يقول لو مابقى بهالبلد الا الولد مانعطيهم
.
.
رفعت يديني قدامه ودعيت
اسآل الله العلي العظيم بهالوقت انه يفضحك انت وياها
يارب ما طلبتك صحه ولا مال ولا اولاد
طلبتك ياكريم انك تفضحهم على روؤس الاشهاد بالدنيا والاخره
يا ما تشمت بزملائك الي تقول عنده استراحه لليالي الحمراء
والي تقول عنده مزرعه للبارتيات .. والي تقول انه انمسك مع وحده
طيب انت ايش يا ظالم يا منافق !


.
.
انا اليوم ماعاد فارق عندي شي
خذ اولادك واشبع فيهم
وروح بشر فلان ( ولدي ) قول له
بجيب لكم عمه ااطهر من امك
بشره بتجيب الي تسوي له مساج وتروشه
ف لاتقولي انتي خربتي البيت !
انت الي خربته
وانت الي لازم تشوف شتات اولادك قدام عينك
وتتحمل اسئلتهم وين ماما !
لازم اخرب حياتك قبل لااطلع
وبوري ابوي واخواني كل شي
.
.
.
يتبع

الله المستعان
كل هذه السنين صبرت على هذا ؟
الله يجزيك الخير و يعوضك بالأحسن
و الله نتأسف على هكذا رجال بالإسم فقط
..............واصلي