ساكنين بعماره وحده مع اخو زوجي وحرمته وعياله ، من اول ماتزوجت ماارتحت منه ابقولكم بعض المواقف وانتوا احكموا .. مره زاروني اخواني وراحوا قبل لايجي زوجي ويوم جاء سألني كان في احد عندك قلت اي اخواني وش شدراك قال حسيت لفها علي وطبعا جاي قبل وقته عشان يتاكد ومع الايام قال لي اللي صار ان اخوه دق عليه يساله من عنده .
ومره زاروني خواتي وطلعت السطح مسوين جلسه للكل فيها شبه نار وكذا وعطيت خبر لزوجي عشان يعطي اخوه خبر لايطلع فوق استانسنا وانبسطنا ومن بكره يكلمني زوجي يقول لي لاعاد تطلعين فوق كلمني اخوي ومعصب ومن ضمن كلامه ان حرمته ماعمرها طلعت هي وضيوفها وشوله تطلع حرمتك ..
وكل مره سالفه عينه على بابي واذنه باللي داخل فيها ويتصل على زوجي ويخبره لدرجه مره ولدي يوم كان عمره ٣ شهور معه مغص ويصيح راح اتصل عليه وش فيه ولدك ذبحه الصياح لو يبي الخير يكلم حرمته تدق علي وتتطمن .
وهذا غيث من فيض ، وش الحل معاه وكيف اقدر اتصرف بدون لاتصير مشاكل بيني وبين زوجي .
شاركي في النقاش
سجلي الدخول لإضافة تعليق.
التعليقات
15مواضيع مشابهة
تابعي تجارب أخرى من هذا القسم.