انصحوني بموت قهر

لا والله يا اختى غلطانة اسمحي لي
الاب مو مكلف نهائي بالصرف على المتزوجات ولا على ولده لا عرفا ولا اجتماعيا
اتذكر امى وخالاتى يوم يروحو لبيت جدتى
يجو مقضين اغراض واكل و فواكة
واصلن مستحيل ابوى الله يرحمو يحط امى بمكان واحنا معها ويدينها فاضية ندخل بخيره واكل ومقاضي
ذوق واصول
الشايب يوم يعطي الولد ١٥٠ ما يقصد بها اكل
لكن عارف ان ولده متزوج وفاتح بيت واكيد عنده مصاريف بنزين واكل وطلبات
الاب نظرته بعيدة
يوم يشيب ويمرض ويطيح بعيد الشر راح يطلب من هالولد انة يشيلة ويوديه ويرجع به المستشفيات ويعتمد علية بكل كبيرة وصغيرة
ماراح يتصل بازواج بناتة
الولد عاطل وهذا خطأ
لكن كمان البنات لازم يتحركو شوي مو جايين بكل ثقلهم ينتظرو الشايب ياكلهم وياكل عيالهم الي هم مكلفين بهم أزواجهم
المفروض وصلة العمر يساهمو ويعطي هما فلوس لاهاليهم
كل وحدة تطلب زوجها واعطي امها
وماتدخل الا مرضية
يعنى ايش ٢٠٠ ريال عشاء بالشهر
لو كل وحدة شالة العشاء مرتين بالشهر
يخسرون بعض وتكبر القلوب وممكن توصل قطيعه رحم او مضاربة باليدين عشان طفس


تقولين البنات ان قضو شهر ما قضو كل شهر
طيب كمان الشايب ان صرف على حريم متزوجات شهر مو مكلف يصرف كل شهر

تغبن فاهمه الخصوصيه غلط الخمد الله ان انتم مو اهل زوجي مخليه شقتي مفتوحه واخت زوجي تدخل وتاخذ كيس وتتقضى من مطبخنا وش دعوه اختي تراها عادي وإذا مادرت اعلمها ان فيه كذا كانك تبين اذا شرينا اكل او صلحنا اكل لازم أناديها اَي شي يبونه انزله لهم عادي ترا اخوات زوجي مثل اخواتي مابيننا رسميات وكلافه نجتمع على البساطة وساعة الصدر والوناسه ومانحاسبهم ولا يحاسبونا الحمد الله الخير واجد وعندنا كل نعمه فضيله أصلاً اذا اجتمعنا اَي شي جايبينه. من حلويات او بساكيت انزلها او زوجي ينزلها ماعمري زعلت او تضايقة بالعكس افرح واستأنس شوفي مادام ان الأغراض ابوك الي يشتريها وأبوك الي يجيبها وانتي متزوجه وأخواتك متزوجات وأمك وأبوك راضين اجل مالكم دخل لو اني امك اقسم لهم من مقاضينا هاذا ولدها وماتدرىن وش ظروفه توه صغير وفي اول حياته يمكنه مديون يمكن عنده قرض يمكن عنده دين عرسه احنا مرينا بظروف مايعلم فيها الا الله ولو الله ثم مساعدت ابو زوجي وامه جعلها في الجنه كان الله اعلم بحالنا وهاذا اخوك ولد امك وأبوك تحسدينه على مساعدت اهلك له زي ماانتي بنتهم هو ولدهم بعد اتقي الله انتي وأخواتك كل وحده في بيتها عند زوجها وش دخلكم في بيت اهلك بطلو حسد الضعيفة وحلو يدكم مقلوبه انها راضيه وساكته انها تعيش معكم يختي وش بيضركم اعتبروها اختكم وترا عيالها عيالكم وانا اختك انا اسفه اني قسيت عليك في كلامي بس حسّيت فيها مسكينه عاد مااواطن الي يناظرون فلان وش كل وش شرب وش خذ الا الاكل اكره أحاسب احد على أكله وشربه عندي او من مطبخي واجلس اعد عليه او أخبئ واوزوز عنه كل شي قدامهم يالله لك الحمد ولك الشكر على النعمه والعافيه

الله يكون بعونكم

وااااااااااضح متحامله ع زوجة اخوك
اول شششي عيب وعيب وعيب وقلة ذوق تقولين مشفوحه جايه من الفقر وترمين الفاظ بايخه وتتشمتين
ماتضمنين الدنيا ولاتضمنين مايجي يوم تدورين الاكل لعيالك لاي سبب كان
واضح ان زوجة اخوكم صارت كذا من معاملتكم ماتعزمونها ولاتعطونها وجه وهي بتعالجكم بتصرفاتها ذي وبتفرض نفسها


اخوي مفصول من وظيفته وامي اللي تصرف عليه وعلى عياله وحتى مقاضي البيت امي تقول لها روحي المستودع وشيلي قسمكم من المقاضي
ملابس العيد امي وخواتي يشترون لعياله وكسوة الشتاء ولافكرنا يالمتزوجات نزعل او نتضايق بالعكس ندعي لاخوي ربي يرزقه بالوظيفه
حرمته لو بنشرب شاهي بفصفص نناديها ونحسسها انها اختنا
كميه حقد وحسد في موضوعك رحمة اخوك وحرمته

والله اسلوبك مثل بنات المتوسط قالت وقلنا وياليت فيه سالفه تسوى
شلون بتربين عيالك بذا العقليه
عيب نقول للاوادم بهايم


واخوك ماتغير بسببها اخوك تغير لانه طااااح بالحبوب والمخدرات نفس اخوي وترك الوظيفه ومع ذلك نعينه ونعاونه وندعي له وندعي لحرمته الله يصبرها على رجال بدون وظيفه وعاله عليها وعلى اهله
تحسبين حرمته مبسوطه انه عاله انه داشر
اخوك لازم يعزز لها ولازم يشيخها والا بتتركه وتشرد