سلام عليكم وصباحكم خير جميعًا
والله إني أكره أتكلم بمشاكلي لكن هالمشكلة مأزمتني وأرهقتني جدًا وكرهت الحياة بسببها.. محتاجه مساعدتكم وحلولكم
من يوم صرت بثاني جامعة وأنا ثقتي بدأت تضعف وصرت ما أقدر أطالع بعيون اللي أكلمهم مثل الناس الطبيعين ! تخيلوا يا بنات إن فيه كلام جوايي وعندي القدرة بصياغة الكلام لكن لما أتكلم أتعلثم وأغلط واللي قدامي حاسه إنها تستنكر هالشيء وتقول وش فيها كذا !! فيه بنات يحاولون يتعرفون علي لما تخصصت بالسنة الثانية ( زي أي زمالة تبدأ ) وأنا أبيهم وطيبتهم واضحه وكل شيء فيهم طيب لكن أنا بأسلوبي هذا يحسبوني أبعد عنهم وأسلك لهم بالكلام، ولو يدرون باللي جوايي والله إن تتغير نظرتهم فيني 💔 أنا أحب أشارك بالأشياء التطوعية وأحب علاقاتي تكون مع الدكتورات كويسة لكن هم أحسهم يحبطون من أسلوبي الخامد ويقولون وش فيها ما تعرف تتكلم كلمتين على بعض !! لا تقولون لي لا إنتي تحسين كذا والله يا جماعة إني أعرف وأفهم اللي قدامي 💔 مو عن عرافة ولا يعنني مدركة كل شيء بس أنا أحس بالشخص اللي قدامي واللي يواجهني .. كل يوم أداوم بنفسية حلوة وأتكشخ وأقول اليوم غيرر وبتصير ثقتي أعلى وأكلم البنات وأتعلثم وينعاد نفس السيناريو وللأسف جميع محاولاتي باءت بالفشل في كل يوم
الآن صرت بسنة التخرج رابع وللحين تواجهني هالمشكلة وكل يوم أبكي وأحاول أمسك نفسي من الدعاء إن الله ياخذني من هالدنيا اللي أوجعتني كثير وما خلتني أعيش سنين جامعتي بهدوء وبكل راحة واللي كل بنت مفروض تعيشها بسلام وتكون أحلى سنوات عمرها..
يمكن تتسائلون عن شكلي وتقولون تسبين نفسك وتصتصغرينها عشان كذا صرتي بهالحاله .. لا والله
إن شكلي الحمدلله عاجبني وقنوعة جدًا بما أعطاني الله ولا أعاني من هالنقطة بشيء..
محيطي العائلي مزعزع من فترة طوويلة وأقرب للتفكك.. وأمي الله يسامحها تقارني بغيري وتحطمني كثير وتسبني 😁
ممكن أحد يقول لي وش الحل؟ أو وحده مرت بهالحاله وتحسنت؟ (بدأت اقرأ سورة البقرة بنية إن الله يرفع ثقتي بنفسي والله ييسر لي أمري 💔)
شاركي في النقاش
سجلي الدخول لإضافة تعليق.
التعليقات
11- ياعمري المشكله نابعه من البيت الزعزعه وعدم الاستقرار النفسي هو أول سبب والثاني التحطيم ألعععععن شي
تراني انا مريت في نفس حالتك كنت وانا صغيره لما اتكلم اخوي يردد وراي كلامي ويستهزأ ويضحك علي ويسكتني فصارت عندي مشششششششكله ماقدر اتكلم وخجوله واذا في مجتمع كبير اخخخجل وحسيت اني صرت وجودي مثل عدمي
بس بديت ورجعت شخصيتي حبه حبه وصرت اتكلم مع نفسي وأقرا كثير والحمد لله تغيرت ٣٦٠ درجه
وصار كلامي جهوري في المجالس والكل يسكت اذا تكلمت
أهم شي لاتوقفين ولا تدفنين نفسك ورددي كثير الايه القرانيه
وأحلل عقدة من لساني يفقهو قولي
لاتستسلمين وادخلي وتعرفي على صديقات عشان تطلعين من محور مشكلتك وبتتفكك شوي شوي - الثقه بالنفس منذ البدايه الهل هم من يزرعوها الأم والاب ذكرتي ان عائلتك
اقرب لتفكك
انتي الان كبيره سنه تخرج مقبله عمرحله عمل ومقابلات للعمل اذا فضلتي على هذا الوضع صعب تنجحي
بمقابله عمل
لهيك لازم تشتغلي على نفسك وتعززي ثقتك بنفسك وما تتلعثمي ما حدا رح يقيدك غير عقلك ولسانك
مهما كتبت ومهما نصحنا المفروض الحل يبدا من عندك
بتقولي كل يوم اعزم واقرر ان اتكلم بثقه واتلعثم
ما بدنا نتظر بكرى ولا نقرر من اللحظه هذه خليكي طبيعيه وخلي الامور تاخذ
مجراها دون تخطيط مسبق لما تشوفي لمه من زميلاتك في الجامعه وفيها نقاش
ادخلي وسولفي وخلي صوتك مسموع وخلي عينك بعين الشخص يلي توجهي يله الكلام
ولو كان الكلام موجهه لمجموعه لفي بنظره عكل الافراد كل وحده نظره بحيث
ما تخلصي كلامك الا وعينك اخذت ولو لمحه من ملامح كل وحدت في اثناء حديثك وبهيك انتي
يلي بتكوني مسيطره علحظه تكلمك وبتخليهم لا شعوريا يسمعوكي وما رح حتى يفكروا يعملوا
اي حركه تعبر عن استهزاء او شئ
من هلحظه ابدي ونفس الشئ مع اهلك بلبيت - الله يعينك ويفرج همك
- شوفي ي قلبي مشكلتك بسيطة وهي انه ماعندك ثقة بنفسك وفيك خوف انه اذا تكلمتي او عبرتي عن رأيك راح تواجهي وجهات نظر سلبيه من الاخرين تجاهك انا كنت تقريبا مثلك من ايام المتوسطة لين بعد تخرجي بكم سنة بعدين كنت اخاف اتكلم اواناقش اي احد وعيني ماتجي ع الاشخاص ابد صراحة قلت طفح الكيل صرت اقرأ كتب عن التنمية البشريه كثير وفي شخص اسمه ابراهيم الفقي كنت اتابع محاضراته وقرأ كتبه وغيرها من الكتب والحمدلله عديت المشكلة ومشاكل كثير غيرها منها طريقة تفكيري كمان وصرت إذا جيت بتكلم مع أي شخص احط عيني بعينه و أقول في نفسي أنه إنسان مثلي مثله ماراح ياكلني او يعمل شيء وحتى إذا كانت عنده ردة فعل سلبيه تجاهي اطنش الموقف وانساه مااخليه ف بالي ابد وكذا حبة حبه الحمدلله تعديت وصرت احاور واناقش اي احد بسلام
- توقفي عن المحاولة قولي لنفسك طز في كل الناس ولا تحاولين تكسبين احد.. انبسطي وتعايشي مع نفسك بدون الحاجه لكسب الي حوالينك حتى لو تجلسين لحالك دايما عادي طنشيهم تماما لان هذا الشي يشكل عليك ضغط نفسي ويزيد المشكله عندك
لما تتخلصين من هذا الضغط النفسي مع الوقت بتتحسنين وبتصير مشكلتك من الماضي
مواضيع مشابهة
تابعي تجارب أخرى من هذا القسم.