سهر الزوج للصبح

هلا بنات.. ودي اشارككم مشكلتي..وآخذ ارائكم..
علاقتي بزوجي فيها فتوووور مافي تواصل مافي مشاركه حتى لما نقعد اثنينا مو مرتاحين مافي سوالف... وانا وصلت لمرحلة مليت من المحاولات والمبادرات واذا تكلمت معه يقولي انا فقدت الأمل وخلاص ما ابي احاول!!! تخيلو ما ينام عالسرير وينام عالكننبه!! جيته بدلع وجيته بهواش كله ما نفع ... وزوجي مو راعي طلعات كثير بس فيه واحد من اخوياه اذا زوجي راحله معناها سهر للصبح مثلا امس طالع بالليل ودخل للبيت ٧ الصبح!! مع العلم اني دقيت عليه الفجر مرتين مارد والثالثه رد عليّ ويقول ما سمعت...طبعا انا اشتغلت الهواجيس سهر للصبح معناها السهره فيها خرابيط وما استبعد بنات... طفشت الى متى بعيش بهالمشاكل خصوصا انه ما يحسسني بأهمية علاقتنا او انه يحاول يصلّح الأمور بينا .. انسان ما اثق فيه ابد كيف بعيش حياتي وانا اشك بكل حركه يسويها...
واللي يعرف قصتي يمكن يتذكر اني تركت اهلي و نقلت مدينه ثانيه علشان اكون معه في سبيل ان علاقتنا تتحسن بس ما أستفدت ولا حاجه قاعده لحالي وهو مو حاس فيني..
اوقات افكر الى متى وانا امشّي وأصبر ما استفدت ... احسه خلانا ننقل بس علشان عياله يصيرون حوله وانا متحملة مسؤوليتهم... وهو لاهي بشغله ماله وجود..
نرجع لسالفة السهر عادي؟! من حقه انه يسهر بين فترة والثانيه مع اصحابه بهالطريقه للصبح ... لما رجع قلتله ليش خليتني اجي كان خليتني بديرتنل وانت عيش حياتك زي ماتبي...وما كملت النقاش قلتله نكمل بعدين...ودي اذا صحى اتكلم معه بس هو ما يخطيء نفسه ابد واي شي يسويه يشوفه صح يعني النقاش لا بيودي ولا بيجيب ... واذا ما تكلمت ممكن يشوفني ضعيفه مابيدي حيلة.. كيف اتصرف معه وكيف اخليه يعملي حساب

8 تعليق 2,172 مشاهدة

شاركي في النقاش

سجلي الدخول لإضافة تعليق.

التعليقات

7
  1. @norh_alsahy

    يسهر برا ولايفتعل المشاكل معك احسن لك ..استغلي وقتك اقري قرآن او كتاب مفيد ابدئي بحفظ جزء من القران وداومي على صلاة الليل وربك ماينساك والله يقدم لك اللي فيه الخير ..مرده لك وقت ويرجع لك بإذن الله ..🌹

تابعي تجارب أخرى من هذا القسم.