لاتجعلومن الحمقى مشاهير....

.. الأفضل يا اختي نقول الله يعافيهم ولا يبتلينا وندعيلهم ولأنفسنا بالهدايه والثبات ..

وعشان عيالنا وبناتنا مايقتدون فيهم دائما نردد عليهم انهم تافهين
لأنهم لابد انهم يشوفونهم
الموضوع خطير لاتستهينون فيه ياعضوات
بعض المراهقات يتأثرون بهم
ولاتنسون الشاب اللي في الدمام اللي سوا عملية وحول نفسه لوحدة من المشاهير
ربي يسعدك على هيك موضوع

صحيح بغض النظر عن اننا نتابعهم او مانتابعهم ليش لما احد ينتقد تصرفاتهم يقال غيره او حسد وانه لو يحصلكم سويتو مثلهم لا إن شاء الله يثبتنا ويعافيهم ولا يبلانا الله يهدينا ويثبتنا ويحسن خواتمنا ولا نزكي انفسنا اذا طلعنا للسوق خاصة او اي مكان شوفي كيف تجيك ذنوب من نظره او كلمة او ضحكه او غيره بدون قصد ولاتقولون تبالغين مهما كان الا ماتحصل هذا وانتي بحالك رايحه بس عشان تشترين ولاتخلصين لك شغله وشلون اللي تكون اصلا رايحه المحل تسوي دعايه غصب بيسير فيه تواصل مع صاحب المحل او اللي يبيع فيه وشوفي عاد الذنوب اللي تجي من وراه الحمد لله الذي عافانا مما ابتلاهن فيه وفضلنا على كثير ممن خلق تفضيلا والله لايجعل الدنيا اكبر همنا

في ناس يحبون يعيشون دور الضحيه اللي العالم كله يخطط يسرقهم ويحاربهم وفي الحقيقه محد درى عنهم

والمشكله الأم والأب عجزو عن تربية عيالهم ومالهم مزاج للتوجيه والارشاد ومتابعة اطفالهم وتاركينهم مع الشغالات او يتركونهم مقابلين الجوالات والايبادات والاكـس بوكس والالعاب الاون لاين ثم يجونك يسبون المشاهير !
ليش يعني هل مطلوب من المشهور ياخذ قائمة بعاداتهم وتقاليدهم ومعتقداتهم الدينيه والاجتماعيه ويعلمها عيالهم ويربيهم من خلف شاشه كأنه خلفهم ونساهم 😂

واتذكر سمعت واحد من المشاهير يقول يا بعض الاهل لا ترسلون لي رسايل يافلان لا تقول الكلمه الفلانيه عيب لاتسب لا تشغل اغاني لا تقول ولا تفعل لان عيالنا يتابعونك ويقلدونك ؟؟ اذا عجزتو عن تربية عيالكم تبوني انا الغريب اربيهم لكم اسف ما اقدر والله وهو صادق 😂😂

وتلقين الام طول وقتها تتابع مشاهير وعينها ماتنزل من الجوال ختمت الانستقرام وتويتر والسناب واليوتيوب ثم تسبهم وتذم فيهم بحجة انها قدام عيالها تبين لهم ان هذول ناس تافهين وفارغين مثل الاب اللي يدخن ويعسل ويقول لعياله التدخين مضر لا تدخنون طبيعي عياله ماراح يقتنعون وش هالتربيه الأي كلام 😂

والمشكله الاكبر ان الاغلبيه مو قادرين يستوعبون اننا نعيش في جيل مختلف عن جيل اجدادنا ولازم يتأقلمون مع مستجداته وتطوراته التكنلوجيه بدال مايتصارعون معه ويحاولون يهمشونه لاننا صرنا في وقت لازم الاهل يعرفون كيف يحمون اطفالهم ويزرعون فيهم الاساس الصالح والتقوى والاحترام ويعلمونهم الصح والغلط ويوجهونهم ويصادقونهم ويحتوونهم فكرياً وعاطفياً عشان تكون اخلاقهم صمام امان ولان مستحيل يعيشون اطفال جيلنا مثل جيل اجدادنا المنع والتخوين واحتقار المشاهير ابداً مو حل ولا راح يغير شي هذا واقع لازم نتعامل معه ماننكره ونحاول نحتقره ..
بالعكس راح يطلع لنا جيل معه انفصام يتابع المشاهير ويقلدهم ويتواصل معهم ويحضر لهم بالاحتفالات ويتصور معاهم وينبسط ثم يرجع يسبهم ويشتمهم عشان يطلع قدام الناس انه شخص كويس 😂

مثل اللي تصور مع فنانه ومبسوط ثم نشر الصوره وكاتب عليها مسبات قمة الانفصام بين رغباته وبين صورته قدام الناس ماهو عارف يعيش مثل مايحب وينبسط ولا هو عارف يعيش الصورة النمطيه الذهنيه اللي تحارب المشاهير 😂😂