ساعدوني بنتي بتترك المدرسه

الي تسأل عن حالت بنتي لسى نفس الشيء اذا جبنا لها طاري المدرسه تقلبها صياح تقل متوفي عندها احد
فقررت بكره اخذها واروح لهم تسمع قران واخليهم يحطون لها جدول كل يوم تختبر ماده لاكن المشكله هي مادرت اني بأخذها ونروح قلت ماني قايلتلها الا الصباح بصحيها واحطها امام الامر الواقع 😭😭 ويعطيكم العافيه كلهم وي قلبي الله يسعدكم الي يقولون ندعيلها ♥️ وان شاءالله اول ماتتحسن اخبركم

مريت بهالحاله بس كنت اكبر من بنتك كنت بالمتوسط
وما ادري وش السبب بالظبط
كنت متفوقه والمعلمات يحبوني وزميلاتيً كذلك
يمكن هرمونات او دخولي بمرحله المراهقه
كرهت المدرسه وصابتني ضيقه صدر ما احب طاريها
وبطلت دراسه ورحت بس الاختبارت
بعدها جلست سنه بالبيت وطبعاً اهلي ما. ضغطوا علي ابداً ،، ولا حتى سألوني وش سبب الضيقهً
ىدوني مشايخ بس عادي مافيه تغير
كملت الثانوي انتساب والجامعه داومت منتظمه والحمد لله متفوقه ونجحت انتظر التعيين 😂
حبيت اطمنك ان دوام الحال من المحال ومثل ما ذكرت احد الاخوات عليك بالدعًاء

لا حول ولا قوة الا بالله

بنتك تفهم الحمدلله... قولي لها إذا تركتي الدراسة بتندمييييين طووووول عمرك.... منتي لاقية اللي يشيلك بعدي وبعد ابوك محد دايم لك.... وعطيها امثلة على ناس درست وناس تركت الدراسة وندمت... لو هي جنبي وريتها امثلة على ناس تحسفوا قد شعر راسهم... اللي ماعنده يوكل عياله ويلبسهم زين واللي اخذت واحد على قد حاله وماعندها حتى لو حتاجت هي وعيالها.... لاتقولي في هالعمر ماتفهم تفهم إن شاء الله...

قلته لها وكلمتها بذا الموضوع كثيييير وكلمنها خالاتها وعماتها وعطينها امثله على ناس وردها الوحيد مابي ادرس مابي اتوظف بعيش كذا ربي كاتب لي حياتي يدبرها هو لي ا ماشاءلله عليها هي تفهم وكبيره بس مادري ليش كارهه الدراسه هالكثر