تعالو شوفو وش قال زوجي ؟؟؟

السلام عليكم ورحمة الله وبركاته

كيفكم بنات حوء ......

ادخل في الموضوع على طوووول وبدون مقدمات :)

امس كنا جالسين انا وزوجي ....وكان امس فايق ورايق ومشتهي يفضفض ويتكلم

طبعا انا استغليت الفرص :30: وقلت اتقرب منه واحاول اعرف كيف يفكر الرجل او اغلب الرجال

وابتدت الاسأله ....واكيد كانت بشويش وبدون تحقيق (مع ان قلبي الله لا يوريكم من الحماس واحس اني متوتره في نفس الوقت )

المهم كانت المفاجأة في اجابته زي الصاعقة علي ..مع ان زوجي احيان يكون صادق لحد السذاجة بس كانت اخر اجابة اتوقعها

قلت ليش اغلب الرجال يتزوج ولا يخون ؟؟ونادر الي يكون وفي لزوجته ؟

تدرون وش قال .......


(قال الرجل حتى لو ماتزوج وحتى لو ماكان فيه حياته حرمه ثانيه اهو مايكتفي بوحده حتى لو كان يحبها وحتى لو قال انا مكتفي تراه يكذب وقال ان اغلب الرجال اذا تزوج مرة يصير يفكر في الزواج كذا مرة حتى لو انه يموت في زوجته مووووت هذا مايمنعه انه يفكر ويحلم بثانيه .....وان اصعب زواج اهو الزواج على الزوجة الاوله لكن ثاني وثالث زواج والي بعدهم يصير خلاص الموضوع عادي .....................اما اذا كان عجاز او يخاف من زوجته او ماهو مقتدر يمكن يخليه هذا يروح يسوي حرام عشان مايتزوج ويصير ارضى غرائزة وماخسر زوجته)


هذا الكلام الي قاله
بس هذا مايعني ان الوحده تقصر او تعطي الرجل فرصة او تحسسه انها فاهمه الي يفكر فيه بالعكس تحاول ترضيه من كل الجوانب باعتدال اكيد
ثم تستخدم السلاح الفعال وهو اهم سلاح وهو الدعاء لأن هذا السلاح الوحيد الي ما استخدموه اغلب الي تزوج عليهم ازواجهم وانا منهم .......


والله ماكتبت ذا الكلام الا من غلاكم وزي التنبيه عشان الوحدة ماتثق ثقة عميا بالرجل وبعدين تنصدم والي ابيه منكم ان تدعون ان زوجي ماعد يتزوج علي ويرده لي ردا جميل


وبس استنى تعليقاتكم

47 تعليق 5,850 مشاهدة

شاركي في النقاش

سجلي الدخول لإضافة تعليق.

التعليقات

45
  1. هلا اختي تناهيت
    تبين الصراحه ما اظن فيه وحده متزوجه ما افتحت هالموضوع مع زوجها
    بس تدرين انا زوجي اضاف تعليق..
    لما سالته ليش يتزوج عليها اذا هي موفره له كل وسائل الراحه >>> افهمها يعني :arb:
    قال : ايه بس الزواج من الثانيه مو لازم يكون لسبب ؟؟؟؟؟؟ :09:
    طبعا ما اقدر اكمل لكم اللي صار :22: ... بس الحمدلله الموقف عدا على خير
  2. والله الظاهر ان حنا اللي بنزوجهم من كثر الاسئله ذي سالفتي من يوم تزوجت ويقولي الدين محللي اربع ليش تزعلين من شرع الله
    لكن والله ماعندي غير الدعاء
  3. ماشاء الله عليكم وانتم تلحون بالاسئله لين الفكره تدخل براسه وبدال ماتكون مجرد فكره تكون بعدين واقع وانتي السبب

    والله مافكرت اسأل السؤال هذا
  4. @am_alkhmayl

    أختي تناهيت: واضح اك طيبة وما انتبهتي لمعنى الكلام ..دمعناه ان ما فيه رجال ماتزوج ثانية الا انه له علاقات غير شرعية!!!
    هل هذا هو رأي زوجك؟؟
    ان كان هذا رايه فتلك والله مصيبة...
    ابشرك لايزال في الدنيا خير وفيه من يخاف الله ويجعل النار والجنة والموت والبعث والحساب والعقاب نصب عينيه ...
    لكن الله يعينك انتبهي لزوجك عقب هذي....
  5. ام الخمائل
    أختي تناهيت: واضح اك طيبة وما انتبهتي لمعنى الكلام ..دمعناه ان ما فيه رجال ماتزوج ثانية الا انه له علاقات غير شرعية!!! هل هذا هو رأي زوجك؟؟ ان كان هذا رايه فتلك والله مصيبة... ابشرك لايزال في الدنيا خير وفيه من يخاف الله ويجعل النار والجنة…
    كلامك عين العقل... واصابع اليد مهب واحده.. فكذلك الرجال تفكيرهم مهب واحد

تابعي تجارب أخرى من هذا القسم.