أهل زوجي كرهوني والسبب مو بيدي

الحمد لله الرهاب شي مو خطير وكثير كان فيهم وتشافوا منه ، انتي مالي ذنب اذا كرهوك وهم برضو معذورين لو استغربوا وزعلوا وعادي قولي لهم انك تعبانة بعد الولادة وماتحبين تقابلين احد ، وحاولي تتدربين عشان تتخلصين الرهاب ، ابحثي بقوقل بهالعنوان ( تدربيات تخلصك من الرهاب الاجتماعي ) وحاولي تطبقينها وقبل كل شي توكلي على الله وتأكدي ان ربي مايحمل نفس فوق طاقتها ، بس لاتجلدين ذاتك اعتبريه زي اي مرض عشان يهون بعينك لأنك إذا كرهتي وضعك راح يصعب عليك اكثر لكن احتسبي الأجر وادعي دائما ( ياحي ياقيوم برحمتك أستغيث اصلح لي شأني كله ولا تكلني لنفسي طرفة عين )


وبإذن الله قدامك العافية ، وتصيرين انتي تعزمين الناس من نفسك وتنبسطين معاهم ، ريحي بالك بس 😘

مش عذر هذا وش هذا الرهاب مو شي انتي واجهتي حمل و ولاده اصعب انا اتنافض اذا تذكرت الحمل والتعب
علاجك اقري عن التنفس التحولي وقت الخوف اذا بديتي تخافين ركزي ع فكره الخوف وش اللي يخوف تخافين من الانتقاد تخافين من الصوت العالي تخافين من الزحمه وتنكتمين او يجيك دوخه ونفضه
اسمها نوبه هلع اقري عنها علاجها سلوكي واحيان حبه مهدئه
ركزي ع تصرفاتك وش الاشياء اللي تضايقك في شكلك في بيتك مايواجههه
تتهربين من الناس اكيد فيه شي تخافين يشوفونه
اتذكر وحده تقول اخاف من انهم ينتقدوني لان فيني حول خفيف واخاف ينتقدوني قهوتي لا زوجها حسبي الله عليه بس ينتقدها
ركزي ع مناطق الضعف فيك وتقبليها وصلحي اللي تقدرن تصلحيه اسنانك /جسمك /اسلوبك
بعدها استقبلي حرمه والا حرمتين اول ماتجيك الحاله والنفضه كلمي نفسك قولي (انا مافيني شي ان كيد الشيطان كان ضعيفا)
رددي سوره الناس من شر الوسواس الخناس بعد كل صلاه ٧ مرات حتى لو العذر عليك كرريها
اشربي عصفر مع موية زمزم او مويه ورد واقري فيه رقيه الوسواس والانشراح
امشي كل يوم وشمي هواء وحطي في بيتك زهور مثل الافندر البامبو كلها زينه
انقعي رجولك بمويه وملح تسحب كل طاقتك السلبيه
اعملي مساج ع المعده واعملي حجامه كلها تفيدك
كان عندي اخت زوجي اذا شافت اكثر من اربع حريم تنكتم وتدوخ وتحس المكان ظلام
والحين ماشاء الله د/علاج طبيعي طبيقي اللي قلت ومافيك الا العافيه واي سؤال قوليه وافيدك ومبروك ماجاك

الحمدالله على سلامتك وسلامة البيبي والله اني سجلت دخول عشان ارد عليك انا كنت مثلك من كثر مشاكلي مع زوجي جاني رهاب اجتماعي وبذات اهل زوجي اذا جو ايدي ترجف ومعرف اتكلم كلمتين على بعض بس انا ما حسبت نفسي كنت احاول اكون طبيعية معنو مبين علية ومع الوقت كثرة مقابلة الناس بديت شوي شوي اتخطى الامر اياك تحبسي نفسك استقبلي اهل زوجك حتى لو تلعثمتي حتى ارتجفت يدك مو مشكلة قولي لهم انك مرهقة من قلة النوم
والله يعينك

السلام عليكم ورحمة الله


الله يرزقك الراحة عاجلا
اظن ان معك اكتئاب ما بعد الولادة و علاجه
ببعض الادوية مع الكشف و تصبحين بحال أفضل
و بادري بهذا حتى لا تخسري من حولك
لانهم لن يفهموك و لن يقدروا وضعك أبدا ......
ثم القادم هو ان نكون اجتماعيين يعني في كل الأحوال سوف يكون غيرهم زوار
لا بأس عليك إن شاء الله يا أختي

اختمي القران
بس بسالك انتي العضوه اللي حسرت بننت زوجها ؟
او تشابهه نكات
اذا انتي استسمحي منها يمكن حوبتها