شاركي في النقاش

سجلي الدخول لإضافة تعليق.

التعليقات

46
  1. @ghryb_dnya

    بصراحه انا من راي انك تزوجييينه
    ايييه زوجييه دخلي الفكره براسه
    خليه يجيكم زيارات بس ويسير كل وقته عند المراه وانتي اقعدي مع بناتك ببيتك ترتاتحون من الضرب والهواش ويلتهي بشيي ثاني
    وبصراحه انا بنظري الحل هذا اهون من الطلاق وتفكك اسرره كامله
    فكري زين وخليه الورقه الاخيره ونصيحه لاتطلبين الطلاق والله ان ضييييياع كبيير
    لك وللبنات
    والله يفرجها عليك يارب
  2. @shab4_1

    انت قلت نقطتين على أساسها مااشجعك على الطلاق.. الأولى أهلك مايوقفون معك ولايبغون بناتك... والثانية.. رفعت عليه قضية خلع صح.. طيب كيف تبغين حياتك تتغير وانت طالبة خلع وإذا هو عارف هذا الشي أكيد بيعاملك بأسوأ معاملة.. مادام كلا الطرفين اهلك وزوجك ماهم معك خليك مع الطرف الثالث والأهم بناتك.. عيشي واصبري وتنازلي وتغاضي عشانهم.. وخليهم يقربون من أبوهم مستحيل أب يضرب بناته بدون سبب الا شاف مايغضبه ممكن البنات من كثر اللي شافوه حقدوا عليه ويطنشونه ولايكلمونه ولايضحكون معه.. انصحيهم يقربون منه وان مهما حصل بينكم هذا أبوهم وعلاقتهم فيه غير عن علاقتك فيه.. دايما حثيهم يسمعون كلامه حتى لو مومقتنعين ولاعاجبهم يصبرون ياخذونه بالطيب والتقرب عشان يتغير معهم.. أما بالنسبة لك.. من ناحية لو قالك أهلك وأهلك ردي عليه قوليله كيف يجون ويدخلون بيتي وهم شايفين طبياعك وتصرفاتك معي مايبغون يخربون علية.. ودايما هم اللي يقولون تعالى أفضل... اما تعاملك معه أن طلع برا البيت مع السلامة ولاتسألين عنه أن دخل البيت خليك طبيعية لانقاش ولاعتاب وقومي ببيتك وطنشيه قالك كلمة طيبة الحمدلله كلميه بنفس الشي ماقالك شي بكيفه.. أساء لك مرة حاولي تطنشين وتسكتين وإذا زودتها ذاك الوقت ردي بس بدون صياح ولاتردين بنفس اسلوبه لا رد لايبين ضعفك ولايبين انك تعاندينه... وانصحك حبيبتي سورة البقرة لاتخلينها.. مع الدعاء والاستغفار وللحوقلة والصلاة على رسول الله طول يومك لايفتر لسانك.. والله يصلحه لكم ويسخر قلبه لكم
  3. @mlkh_nfsy_2

    سحابة4
    انت قلت نقطتين على أساسها مااشجعك على الطلاق.. الأولى أهلك مايوقفون معك ولايبغون بناتك... والثانية.. رفعت عليه قضية خلع صح.. طيب كيف تبغين حياتك تتغير وانت طالبة خلع وإذا هو عارف هذا الشي أكيد بيعاملك بأسوأ معاملة.. مادام كلا الطرفين اهلك …
    لاتفكري بالطلاق وحاولي تحسني علاقتك وتغيري حياتك


    انتي مو راضيه اصلا بحياتك مع اهلك ولا مع زوجك بسبب (نقص داخل نفسك جوه مره) وماراح تفهميني لانه صعب شوي


    ثانيا لاتكوني انسانه فارغه كيذا وفاضيه ومعندك احلام وطموحات ترى مو شرط تسوي اشياء خياليه لا اهتمي بنفسك ودلعيها كثيرا ليس فقط جماليا لا داخليا دللي نفسك واهديها هدايا بسيطه وسويلك اجواء قهوه وكيك واشتري اواني شوي فخمه لك بس وحدك اشتري كتب او افتحي اليوتيوب شوفي حياه الناس وشوفي التطوير الذاتي البرامج الوثائقيه والنسائيه المتخصصه بالجمال والحياه الاسريه اطلعي مع العالم وتعلمي كل شي ومن كل النواحي
    لازم يكون لك طلعات ووناسه مع بنات على سنك او حول سنك وتسولفون وتاخذون خبرات من بعض وتتونسون وتلعبون العاب
    لاتتعبري نفسك ام وخلاص لا انتي بنت وكلك انوثه وفاتنه وتستاهلين تستمتعين بحياتك وبكل شي حلو افرضي حياتك عالاخرين وان لك اوقات لازم انتي تستانسي فيها مو بس زوجه وشغاله لالا ترضي بالشي ذا حتى لو عمرك ٦٠سنه البسي وادللي وكوني كالاميرات وارقصي واشتري اللي نفسك فيه لاتقللي من نفسك ابدا المراءه تبقى طفله دلوعه حتى لو هي كبيره
    اما من ناحيه حياتك ترى كل شخص مسؤول يدير حياته بنفسه ومسؤول علىى علاقاته لاترمي كل شي على اهلك وزوجك مهما كانوا سيئين الناس تتغير وممكن تقدرين تأقلمينهم على متطالبتك وبأبسط الامور لاتخلي كل الانظمه لكن لاتلتزمي كثيرا بكل مايمليه عليك زوجك واهلك تمردي وخذي طلباتك وكوني انانيه بعض الشيء انتي بالنهايه امراءه راشده ولك الحريه بالحياه كما تريدين لاتتوقعي ان في احد بيجي ينتزعك ويسويلك معجزه ويشلك شيل انتي لازم تنتبهي لنفسك ولمستقبلك خلاص الماضي انسيه وانتي تقول انا ارقى واعلى من زوجي انا مو شايفه هالشيء حتى حياتك مع اهلك ليست بهذا المستوى والرجل يكره المقارنه بهذي الامور وليش مقفله بيتك ومنعزله عالناس وترمي كل مشاكلك عالاهل والزوج كل شخص مسؤؤل عن نفسه ومشغول بحياته انتي خليك ذكيه وواعيه تثقفي زين وماراح احد يأكل حقوقك الا برضاك خذي حقوقك بالكامل ودلعي نفسك توظفي مو شرط اختلاط اي شيء لو من البيت الحين كثير مندوبات ويدخلون مبالغ هائله وهم جالسين ببيوتهم وكمان حتى لو مو متوظفه لاتستحقري نفسك الله خلقك معززه زوجك تعلمي كيف تتعاملين معاه وخليك كلك انوثه ودلع ولاتضغطي عليه كثيرا اذ جاء اهلا وسهلا رحبي فيه وامدحيه وكوني انسانه مرحه وسوالفك حلوه تعلمي تحبي نفسك بعيدا عن الكل عطي نفسك٠ حقها من الدلال وعزي نفسك وخليك انسانه رائعه لاتضحي كثير من اجل احد حتى اولادك لاتقدمي الكثير خذي مقابل لما تفعلينهه ادخلي دورات تثفقي تعلمي الحياه ليست محصوره بزوجك واهلك اذ عرفتي تتعاملين مع نفسك راح تختفي الضغوطات الداخليه المكبوته طوال هالسنين انتي فقط تتحملي كثير وترمي هذي الضغوطات عالاخرين وحاطه يد على يد وانهم سبب في فشل حياتك لاعزيزتي انتي ملكه ورائعه لاتستحقين ان تعاقبي نفسك بهذه الطريقه فرغي الشحنات السلبيه مع نفسك ووحدك سواء بممارسه الرياضه بمشاهده الاشياء المفيده بالنت وتعلم الجديد الدنيا والله مليانه اشياء حلوه غيري حياتك وروتينك الملل ولاتمشي بوتيره واحده لعده اشهر كوني متجدده دائما سواء كان اهلك وزوجك معك ام كنتي وحيده ونصيحه اخيره لاتقدمي الكثير بدون اي مقابل وتتنازلي عن حقوقك لكن خذي حقوقك بذكاء ودهاء ولطف وليس بالصراخ والسب والشتم حياتك تحتاج لذكاء لكي تديرنها بالشكل الصحيح الكلام يطول لاني مريت بظروف اكثر من ظروفك ولكن تعلمت ودخلت دورات تثقيفه وتطوير لذاتي اولا قبل حل المشاكل فهي تبدا من داخل نفسك ولا تتوقعي انك انسانه سويتي كل شي صح هناك امور لاندركها وهناك انفصال عاطفي كبير بينك وبين زوجك حلي امورك فالمراءه اذكى من الرجل اجتماعيا واجزم لك ان بيتك بيكون سعيد وبتشوفين زوجك عاشق من جديد ثقي بكلامي انا مااتكلم الا من تجارب عديده وللاسف الثقافه عندنا منعدمه حتى انا المراءه تعيش انفصال عاطفي وحميمي مع زوجها ولاتعرف كيف تتدلل نفسها وتاخذ متطالبتها الناس فقط تسعى لمتابعه المشاهير والسخافات والمقاطع المفيده نسبه مشاهدتها قليله جدا ..
  4. @smt_algdran

    نصيحتي لكي، اتركيه لاتهتمي به كثيرا وتعاملي معه كالطفل الصغير مهما يقول قولي له نعم وحاضر وامتصي غضبه بالسكوت، وابتعدي عن نظره في البيت واتركيه يفعل مايشاء، وعندما يضربك اويضرب أولادك قولي له رد واحد ولاتزيدي عليه، قولي له اتق الله فينا اتق الله باولادك خاف عقاب الله، فقط هذا لاتكثري بالكلام صدقيني تلك الكلمات ستؤثر فيه جدا بينه وبين نفسه، اعتادي أن لاتقولي سوى هذه الكلمات، واشغلي نفسك وبناتك مثلا بحلقات حفظ قرآن اجعليه ديما يرى انكم مع الله وهو الذي بعيد عن خالقه بتصرفاته، هذا من ناحيه التعامل
    أما من ناحيه أخرى فعليكي بالدعاء الدعاء الدعاء خاصه في جوف الليل وعليكي بقيام الليل واقري كل يوم سوره البقره بنيه أن يصلح الله حالك وحال أولادك وأكثري من الاستغفار بنفس النيه وصدقني لن تنتظرني 11 سنه آخرين انتي طرقتي كل الأبواب اطرقي الان هذا الباب وسترى عجائب الله وتفريجه لكي
    جربي ما أقوله ليكي واستعيني بالله وانا على ثقه أن حالك سيتبدل بإذن الله

تابعي تجارب أخرى من هذا القسم.