عروس لي شهرين طالبه الطلاق .. ادخلوا لازم

اذا زي ما تقولين
انفذي بجلدك هذا نفسيه واخلاقه صفر لا يربط بعيال وتورطين فيه وفي عياله ويمكن يكون راعي مخدرات وخمر لا تستبعدين ها الامور دامه بها البشاعه

نصيحه دايم استخيري الله.. وكثري من قول لاحول ولا قوة الا بالله


بهاتتغير الأحوال
الله يوفقك ويسعدك ويكتب لك الخير 🌹

السلام عليكم ورحمة الله وبركاته


زواجك هذا ، الان هو نصيبك
انتي صغيرة وهو الظاهر انه صغير
ماعندكم فهم واضح ومكتمل عن الزواج ..




اهله توسطوا الصلح ( خير مايعملون )
اهلك توسطوا قبل ( فيهم خير )




طلب منكم تعيشون عند اهله ، ولعل هذا الطلب من اهله
حتى يسايسون بينكم ويحكمون ، ويصححون ويصلحون ..!


فأنتي اذا على ذمته مازلتي بالعدة مايضرك ، اسعي لصلاح بيتك وصلاح مابينكم


،


- الواضح انه جاهل بتفاصيل العلاقه الاجتماعية مع الزوجه ومكون تصور معين من كثر طلعاته للبر.
وانتي برضو مكونه تصور معين ، فرافضه تطبخين ، رغم ان العرف ان المرأة تباشر طبخ بعد اسبوع وممكن بعد ٣ ايام
والشكليات الفارغه بعد ٣ اشهر مو معقوه ولاطبيعي عند كل الناس ، يرجعون دواماتهم وهم متكلفين ياكلون من برى !!


فكلاكما محتاجين تقرؤون عن حقوق الزوجين ..
ومحتاجين تاخذون دورات في التعامل مع الشريك
وهذا عندكم بالنت بضغطة زر ، انشطوا همه وفرغوا ذهنكم لاتسقبال المعلومات
واستعدوا للعمل بها ..


الامر الاخر النصيحه لك ..
ترجعين اذا فيه مجال وطلبوك ، حتى لو من امه ♥️
الرجال جاهل ..ويتغير مع الوقت مثله
لان ماعنده فكره ولاتصور ..


فأرجعي .. واستخيري الله اذا متخوفه الرجعه 🌧🕌
وخليك مع اهله ..بجناح خاص فيك مافيه مشكله
يسايسونه ويرتبونه لك - ان شاء الله -
ويخففون من جفافه في التعامل ، لانه مو فاهم تصوره ضعيف للحياة الزوجية


ومع الوقت لازان ولان ، بامكانك تاخذين حياتك لمنحى اوسع
بحيث تقرئين كتاب وتتناقشين معه وقت جلستكم للقهوه وهكذا


بل عادي اعرضي عليه ان تشاركينه جوه بذهابه للبر وروحي معه يوماً لايكون رايح مع اصحابه
(( وبخصوص راح يتغير اولا .. هذا كلام فاضي ..لان مرد التغيير للقدر
لو تركوا اصحابه الطلعه ، جلس لك ..))


وبخصوص كلامه ..عنك
الواقع انه تصرف سيئ ، بس ممكن تقابلينه بالعفو والصفح والتجاوز 🌷
لان اللي قاله عنك أمر عادي جداً .. كل الناس يسوونه ، وكل البنات مثلك بهالنقطه


اجبري المواقف بحسن صفحك وحلمك على هذا الرجل
ولمي امورك بحكمه واستعيني بالله على بدء حياتك والاصلاح فيها ما أمكن


(( ثقافتك لنفسك بأمور الزواج ، تفقهك بحق الله عليك بهذا الزوج ، وهي كذلك مخزون لغوي محمود
لمن تجين تتناقشين معه وتتفاهمين ، تلاقين نفسك تعرفين تتكلمين معه ، وتقنعينه ))

استغفر الله

مهو زواج هذا عذاب