عروس لي شهرين طالبه الطلاق .. ادخلوا لازم

أهم شي انتبهي تسكني عند أهله لاترضي اللا بسكن مستقل لك
وبعدها أتفاهموا على الأمور الأخرى أشترطي انه هو يتحمل مسئوليته بالبيات بالبيت والقيام بمسئولياتك المادية والمعنوية وانت تهتمي فيه أكثر من ناحية الطبخ أو اذا في نواحيه أخرى مضايقته منك
والطبخ سهلكل يوم خذي وصفة من النت أو من أمك وطبقيها وحتى لو المرات الأولى فشلت عادي استمري
وفي البداية اختاري الوصفات السهلة
أكثرنا اتزوج وهو مايعرف يطبخ وبعد كم شهر مشيت أمورنا بس أهم شي الوحده يكون عندها إصرار ورغبة بتحمل مسئولية الحياة الزوجية

لو ايش ماصار
اسمعي كلام البنات ولاتوافقي ابداااا تسكني عند اهله.

عفوا انتي وش هالكلام؟ ( ما يلفظ من قول الا لديه رقيب ) ما غلطت عليك ولا تهجمت عليك بس التربيه و الأخلاق مو كل الناس تطولها و تقدر عليها اللهم لك الحمد على حسن الخَلق و الخُلق ، نكتفي ب هالقدر لا اشوف ردك لا بخير ولا ب شر ..

الله يكون في عونك
كثير من الازواج في بداية حياتهم مشاكل لدرجه يتوقعون مايكملون مع بعض لان كل واحد له بيئته وطبيعته وتصوراته عن الحياة تختلف اختلاف جذري عن صاحبه
اللي بيصبر ويتحمل ويحاول يتقرب بيفلح وينجح وتستمر به الحياه مع رفيقه
اللي يبي كل شي على كيفه بيرجع لوحدته بمشاكله ولاهوب لاقي اللي على كيفه لان الدنيا هذي قايمه على الاختلاف والمخالفه وهي كلها كدر مافيها راحه دائمه ولاهناء ويبي لها صبر ومصابره
زوجك هذي طبيعته وصحيح انها طبيعه صعبه لكن كثير يتمناها
وانتي طبيعتك مااعجبت زوجك لكن غيره يتمناها
لكن هذا مو دليل على انكم ماتصلحون لبعض
بالعكس الجاف الصعب ماينفع له الا الهاديه الناعمه تصبر عليه وهو يسنع امورها
لو كان مثلك صارت الحياة رتيبه ممله مالها طعم وروح
ولو كنتي مثله ضعتوا كلكم ولاقدرتوا تعيشون مع بعض
نصيحتي لك اجلسي مع نفسك ومعك ورقه وقلم واكتبي عيوب زوجك اللي كرهتيها وايجابياته اللي حبيتيها
وشوفي هل فيه امكانيه تصبرين وتغيرين سلبياته هل ممكن تتعايشين معها
لاحظت من اسلوبك في الكتابه عنه انك تبينه وعندك طاقه للصبر والعيش معه مع مساوئه اللي تكلمتي عنها
وايضا زوجك عنده نفس المشاعر والاستعداد لكن عنده عجله واستعجال في الكلام والقرارات خربت عليه
ولذلك يوم رجع له عقله حاول يصلح ماافسده وقال عندي عين!
اجلسي معه واسمعي منه بعد ماتجلسين مع نفسك وتعرفين وش تبين ووش ماتبين
وبامكانك تشرطين عليه اللي تبين بالمعروف
يعني ماتجين تقولين ماابيك تطلع وتمرح في البر لان هذي روحه ولايمكن يتخلى عنها
لكن ممكن تشرطين يفرغ لك يوم في الاسبوع يطلع بك انتي ويمشيك مو شرط مطعم او كوفي ممكن حديقه او بر او حتى يجلس يسولف معك في البيت على قهوه وشاي وجلسه حلوه
وحطي في بالك انه ممكن يشرط عليك شروط ايضا وخذوا وقتكم في التفكير تقدرون تستجيبون لبعض فيها او لا
لكن اهتمي بموضوع التدخين لان ربما كثير من مشاكله بسببه لانه يسبب العصبيه وحب الخروج من البيت وفلوسه تروح عليه
فانتي حطي هالامر من الاولويات خاصه انه مااخبركم وهذا فيه غش ولكن اهلك مسؤلين ايضا لانهم ماسألوا عنه زين
خليه يتعالج وساعديه ولكن الابتعاد عن المدخنين هو اول طريق ترك التدخين فهل يستطيع يترك اخويا التدخين!
بيتك لاتتنازلين عنه ابدا لو هو معيون لانه اذا ماتعدل في بيته مهوب متعدل في بيت اهله
اشياء كثيره وصفات قبيحه ممكن يتركها الانسان بالمسايسه واذا عرف انها تضره وتضر حياته ومصالحه لكن يبي لها وقت
وكوني على يقين ان كثير من البيوت القائمه الان والعامره بالسعاده مرت برياح هوجاء كادت تقتلع اساساتها لكنهم انحنوا للعاصفه ولم يواجهوها فربحوا حياتهم وسعادتهم وكافأهم الله على صبرهم
وانتي بالخيار الان
وانصحك تشرطين عليه تروحون لمستشار اسري تستشيرونه في مشاكلكم بيعطيكم توجيهات تنفعكم لانها نابعه من علم ومعرفه ودراسه لاطباع البشر
الله يوفقك ويكتب لك الخيره من امرك

الله يعينك يااختي ماقدرت ماارد حتى لو بدعاء لك
انتي صغيرة لسه والحياة قدامك ،،الشي اللي تشوفيه صح ويريحك ويريح بالك وحياتك سويه..
ماعليك في أي حد ، محد بيعيش معاك المعاناة غير نفسك
استخيري واتوكلي على الله وخذي قرارك بالحياة 🌷