ما بعد النظره الشرعيه

السلام عليكم و رحمه الله وبركاته
من الجمعه اللي طافت صارت معاي النظره الشرعيه، طبعا الريال من شفته حسيت بارتياح لانه كان لبق في الكلام و اسلوبه جميل و هذا اللي جذبني في اكثر من شكله، المهم لما طلعت كان ابوي يالس معاه فكلمنا و عرفنا على بعض، الغريب قال ابوي انه الريال طلب ايدج مني و انا حسيت بانحراج لانه توه شافني كيف طلب ايدي و اصلا اخته كانت شايفتني قبله ووصفتني، لما ابوي طلع من المجلس جلس يسالني شو دارسه و عمرج و اذا تبين تساليني اي شي انا كنت مستحيه في البدايه بس بعدين حسيت اني عاديه معاه اكلمه و ابتسم و كانت اخته معانا و كل شوي تقوله خلينا نروح و هو يقول لها اصبري شوي، حسيت انه مايبغي يتحرك من مكانه و انه عجبته و قالي عن طبيعه شغله و يسولف و قال ان شا الله لو صار النصيب بينا تقبلين بطبيعه شغلي قلتله ان شا الله برد بعد ما استخير، بعدها اخته خلته ينش و روحوا و الحين ننتظر ما عطونا جواب بس الريال قال لاخته عجبتني بس حاب استخير، يابنات هل شي عادي انه الناس تاخذ وقت تقرر يعني لو ماكانوا يبغون عالاقل يردون و هل انه طول في النظره يعني مؤشر انه حاطني في باله مع العلم انه اخته قالت لامي انه هو سار كم مكان ولا بنت دخلت خاطره و في النظره كان كله ساكت بس اول مره تشوفه معاي ماخذ راحته بزياده و يسولف و يضحك....انا استخرت و ارتحت الحمد الله وايد مرتاحه لكن الانتظار صعب و غصب عني احس بقلق و يالسه ادعي انه الله يجعل هذا الرجل خير علي و يتيسر امر زواجي والله اني في حاله خوف انتظر بس رد منهم ماحب حد يخليني في حيره ماعرف شو مصيري.... يعني هل طبيعي التاخر في الرد مثلا الله المستعان https://forum.********.net/images/smilies/bb/28.png
شكرا

11 تعليق 1,999 مشاهدة

شاركي في النقاش

سجلي الدخول لإضافة تعليق.

التعليقات

9
  1. @antthrtk_olkn

    مو شرط اذا عجبتيه واعطو موافقة مبدئية ان الموضوع يتم
    انا سبق وشافني شخص وبنفس الجلسة اعطو موافقتهم واني اعجبتهم بس بعد اسبوع تواصلو معنا ان العريس استخار لكن مارتاح وانتهى الموضوعوالله يكتبلك الخير

تابعي تجارب أخرى من هذا القسم.