حطي نفسك مكاني وجاوبي

مرحبا بنات انا زوجي يمر بظروف ماليه مره صعبه لدرجة انه على قوله مايبقى من راتبه الا 300 ريال لانه كفل واحد من اصحابه وتخلى عن السداد فصار زوجي هو اللي يسدد واحنا الله اعلم بحالنا صار في كل شي مايقدر لايجيب ولايصرف كل ماكلمته قال اصبري عليه تعرفين ظروفي بعدها الحمدلله اعتمدت على نفسي وتوظفت ومااخفيكم صرت انا متكفله بااغلب مصاريف البيت ومصاريف دراسته لانه يدرس انتساب بمنطقه ثانيه ومصاريف بنتي ونفسي وسفرياتنا وتماشينا احيانا يكون معاه فلوس يقلي لا انا بدفع والاغلب ماعنده انا مقدره وضعه بس انا بعد والله تعبت صرت ارهق نفسي عشان اجمع ومااخلي عليه ولاعلى بنتي ولابيتي شي واحيانا احس اني صرت مهووسه بعملي واخاف بيوم اخرج منه كيف بعيش انا وبنتي هو لسا باقي لها بالاقساط على قولة سنتين ويتعدل وضعه برايكم يااخواتي اللي اسويه انا صح او غلط مع العلم ان زوجي جدا طيب وحنون ومايرفض لي طلب الحمدلله لكن انا خايفه اكون قاعده ارتكب غلط وانا ماني حاسه بنفسي اعطوني اراءكم

17 تعليق 2,057 مشاهدة

شاركي في النقاش

سجلي الدخول لإضافة تعليق.

التعليقات

17
  1. @am_alaayal_99

    احتسبي الاجر في كل هلله قبل كل شي احتسبي الاجر
    وزوجك قبل يمر بهذي الظروف كان طيب ويصرف عليك يعني يستاهل واذا عنده انتي تقولين مايقصر
    اللي تسوينه صح بس كمان حسسيه بااسلوب مدى ضغطك والحمل اللي شايلته معه بدون حنه ومنه انتبهي
    ومتى ماخلصت السنتين رتبي امورك من جديد واسحبي يدك شوي شوي من الاشياء اللي تكسر ظهرك في المصروف
  2. بتجيك ردود يقولون لك غلطانة والرجل مايحب المرأة اللي تضحي ومن هالكلام !
    ياأختي انتي قلتي زوجك حنون ومايقصر عليك واذا صار عنده شي هو يدفع ، وهو لو مابه خير ويحب الفزعة مافزع لخويه اللي مايستاهل ، لكن الموضوع صار وانتهى وهو تورط واذا انتي ماوقفتي معه من يوقف ؟ يروح يتسلف ويزيد ديونه وانتي تقدرين تحفظين ماء وجهه ؟
    مادامه طيب لا تحوجينه للناس وبإذن الله ماتتحسفين .
    الله سبحانه وصف العلاقة بين الزوجين ب ( مودة ورحمة ) وموقفك الشهم يعبر عن هالشيء ، الله يحفظكم لبعض ويفك كربتكم ويهدي صاحبه اللي حطه بهالموقف . طبعا لازم يتعلم من هالموقف مايوثق بأي أحد خاصة بسالفة الوكالة .
  3. @golden_eye_1

    دامو طيب و حنون و قبل الازمة كان يدفع و شايل البيت .. فليش ما توقفي معاه وقت حاجته .. بس بعد السنتين .. اتساعدو في مصاريف البيت جزء انتي و جزء هو و خليه الحياة تستمر .. زوجك شكله طيب و على نياته دام كفل صاحبه و الحين جات على راسه و ان شاء الله تكون درس له و الله يفرجها عليك
  4. @dody_aabody

    أم العيال 99
    احتسبي الاجر في كل هلله قبل كل شي احتسبي الاجر وزوجك قبل يمر بهذي الظروف كان طيب ويصرف عليك يعني يستاهل واذا عنده انتي تقولين مايقصر اللي تسوينه صح بس كمان حسسيه بااسلوب مدى ضغطك والحمل اللي شايلته معه بدون حنه ومنه انتبهي ومتى ماخلصت …
    رد جميل
    معاها

تابعي تجارب أخرى من هذا القسم.