تعبت من الوحدة

السلام عليكم
بنات انا مفتقدة لايام قبل
ايام قبل لتطلع لدنيا السوشل ميديا
ااخ بس
كنت سعيدة وكنت اقدر القى صديقات عالنت
عن نفسي افضل اتعرف عالنت و من بنات برا بلادي
احسن من الواقع
لان الي فالواقع ممكن تصير بلشة
وغير كذا الي فالواقع ما اقدر افتح لها قلبي عشان لا اندم
ف كنت متعرفة على صديقات ذهب في هالمنتدى وستمرت صداقاتنا سنييين
لين ما طلعت السوشل ميديا اشغلت الناس وصار ما عندهم وقت لصداقات والسوالف
وبصراحه حتى انا صرت مثلهم واشوف السوالف تعطل يومي
بس شفت فالكفة الثانية اني محتاجه لصديقات فلازم التضحية شوي
ولكن حتى لو فضلتهم ....هم صاروا مشغولين بها
هذا غير حياتهم تغيرت
الي تزوجت والي اشتغلت والي كملت دراستها و الي ردت تسكن مع اهلها او اهل زوجها سكنوا عندها فماصار عندهم وقت
حاولت اكون صداقات جديدة ولكن الجديدة ما تدوم لان مثل ما قلت السوشل ميديا اشغل الناس مب مثل قبل ما عندنا الا المنتديات ف ندور عالصداقات ونفضى لها
هذا غير صداقاات السوشل ميديا مب قد الثقة زي زمان فالمنتديات
تعبت من الوحده

53 تعليق 9,380 مشاهدة

شاركي في النقاش

سجلي الدخول لإضافة تعليق.

التعليقات

49
  1. @ana_alham

    صاحبة الموضوع
    لا حول و لا قوة الا بالله
    حتى رد في موضوعي هذا ما لقيت
    اتمنى لو القى بنت مثلي
    نتونس مع بعض
    ترا عمري توني من كمن يوم دخلت ٣٤
  2. @mnaryta

    ماادري ليش الناس يحطون اللوم عالسوشال ميديا ومخلينها شماعه
    اللي بيفضى للناس يمديه يفضى ويقعد معاهم واللي يبغى ينشغل عنهم ويصير شارد الذهن بيصير سواء فيه سوشال ميديا او لا الناس مو طول وقتهم عالبرامح اكيد بتجي اوقات يملون منها وماراح تطير هالبرامج لو ماجتمعو مع بعض فا السوشيال ميديا والجوالات مالها دخل في بعد الناس عن بعض وفيه ناس صراحة مملين الواحد يفضّل يتركهم ويقعد على جواله وبس

تابعي تجارب أخرى من هذا القسم.