ابي افكار جهنميه مفعولها سريع سريع 🙊❤️❤️

بنات بادخل دايركت بالموضوع
عندي اختي مطلقه ومن تطلقت وهي شوي حابسه نفسها يعني مالها نفس للحياه ولا للزوج ولا شي طبعا الطلاق كان بسبب زوجها يتعاطى مخدرات ومامعها اطفال ولا شي تقدموا لها كثير بس رفضت عممت النظره السلبيه على كل الرجال
لها سنه صارت تهتم بنفسها وفرحنا انها طلعت من الجو اللي كانت عايشه فيها رجعت لطبيعتها واحلى من قبل
قبل يومين صارحتني بموضوع وانا قلت بافكر وارد لك وكتبت لكم عشان تساعدوني بافكاركم ابي افكار على قولتهم جهنميه تضبط على طول هي معجبه بشخصيه واحد يقرب لنا تبيه زواج يعني ماهو حب وخرابيط لانه عنده مميزات وهو مطلق بعد بدون اطفال وكبير بالعمر صارحتني يابنات باشياء منها انها تتمنى الامومه وان العمر راح والله قطعت قلبي هي شخصيتها حلوه ومحبوبه
كيف تقدر تخلي هالشخص يتقدم لها اعتبروها اختكم وش الاساليب اللي تجذب طبعا اهله عندهم مناسبه بالاجازه وعزمونا وش رايكم امانه معكم تفكرون معي تكسبون فيها اجر
لاحد يقول يمكن اللي مطلق يرجع زوجته لا هو مطلقها بالثلاث متاكدين وراحت من ذمته الله يستر عليها

62 تعليق 15,065 مشاهدة

شاركي في النقاش

سجلي الدخول لإضافة تعليق.

التعليقات

58
  1. @aazof_27

    حبيبتي هذي مقادير قدرها الله مالنا يد فيها
    يعني فكرتي أو فكرت مايصير إلا اللي كاتبه رب العالمين
    وهذي من المقادير الثابتة
    الله يرزقها باللي يكتبه ربي لها ويسعدها
  2. الدعاء طبعاً لان لو تسوي كيد وحركات من هنا لبكره وهيا مالها نصيب ماراح تاخذه لاكن لو توكلت على الله وتدعي كثيييير ربي قادر يسوقه لها سوق لعندها
  3. @am_albnat_98

    هلا بيك يا عمري الله يسعد اختك دنية واخرة
    شوفي حبيبتي اذا عنده اخت عمرها قريب من عمركم ممكن تفاحوها بالموضوع او حتى تلمحولهة بس حتى لو انتي او احد من اهلك يتكلم مع اخته مو الا هية
    الله يرزقها الزوج المناسب اذا الله قاسمه لها ان شاء الله ياخذهة
  4. @am_albnat_98

    وانطيك شي اكيد بعد خليهة تصلي ع النبي عليه الصلاة والسلام بكل وقت وبكثر ماتستطيع و تنوي انو الله يكتبه من صيبهة صدقيني راح اشوف العجب وتندعيلي ان شاء الله
  5. ماتدرين يمكن اهله يبون يدورون له بكر..
    ماله داعي تعلق نفسها فيه..


    الله يرزقها الزوج الصالح ويكتب لها الخير يارب

تابعي تجارب أخرى من هذا القسم.