عليكم السلام ورحمة الله وبركاته.
ياختي انا قست الموضوع ع نفسي
لو تجي اخت زوجي من شهر ثمانيه ويمر
رمضان كامل وهي عندنا
وشهر عشره وشهر 11 وماتروح الا بعيد الحج🙄
والله بطفش لو كانت اخت زوجي عسل
بس كل هالشهور عندنا 😐
بصراحه كثر خير زوجة اخوك اللي ماسمعتي
منها كلمه طول هالوقت !
انا لو اروح عند احد احس اسبوع كامل
اجلسه استحي
الله يهديك بعيد عن موضوع اجهاض زوجة
اخوك.
بس جججد فشيله كل هالوقت تجلسينه
وممكن هم مايدرون كيف يتصرفون
معك فا قالوا انو اختها اجهضت من كثرة الشغل بالوقت اللي انتم عندها
يعني اطفال بالبيت ماعليش فرق عن
لماً تكون بس هي وزوجها بالبيت
يفرق الشغل والطبخ وكل شي.
اخوك ماقال شي
بس الوحده تحس ع دمها.
اطلعي ومشي عيالك وغيري جو
مو لازم تروحين عند اخوك.
سجلي عيالك بنادي صيفي لان الاجازه مره
طويله.
اطول مده تاخذينها برا بيتك لا تزيد عن اسبوع
بالكثير اسبوع.
وغلطتي لماً قلتي بفضحك بسالفتك ومادري
ايش.
تكلمي معها بأدب وقولي اجهاض اختك
قضاء وقدر ولا تظلميني لان الظلم مو زين
وراح يرجع لك ظلمك
وصحيح انا غلطت لماً جلست وطولت عندهم
واختك والله ونعم ماقصرت واعتذر على
طول الفتره اللي قعدتها عندهم.
وبس قفلي السالفه.
لان واضح يبونك تكرهين تروحين لهم.
وهم اذا جاء للجد معذورين
خمس شهور هذي مو شي بسيط
اجازه ورمضان واعياد يعني الوحده مو فاضيه
لاحد وقت كله مناسبات.
ورمضان بصراحه احلى شي الوحد تكون بيتها
تقضينه مع عيالك كل رمضان روحانيه
واجواء حلوه مو وقت طلعه من البيت.
اتهموني انه خليتها تسقط
متابعة النقاش، صفحة 19