قصصكم مع دعوات كانت شبه مستحيلة؟

الله يسعدك 🌹

دعوات شبه مستحيلة ما اذكر
لكن دعوات اخرى كثيير ولله الحمد
احيانا اتمنى وربي يحقق لي امانيّ
اللهم لك الحمد والشكر

يا اهلًا وسهلًا
هذي سالفتي الي قد تكون للبعض بسيطة لكنها اثرت علي كثير
انا سلمك الله من طلعت للدنيا وانا شخص عادي وبنظر الكثيرين شخص تافهه يعني همي فعليًّا كان الفله والاكل والنوم
وتعرفين اكثر شيء مؤثر بهذاك الوقت كانت دراستنا
من الابتدائي الى ثالث متوسط وانا شخص داج بكل ماتحمله الكلمة من معنى!
وكل ترم اشوف امي أمنيتها بس اكون مثل غيري شخص شاطر ومجتهد كان حلم حياتها يجيها ولد او بنت يرفعون راسها بالمدرسة كانت تاخذ كتب اشطر وحده بالدفعة وتخططها لي تصوري انها وصلت لكذا ووقتها قلبي ميت ماعندي رغبة في الدراسة خير شر .. في اجازة الصيف وبرمضان الي هي اجازة الصيف الي تسبق اول ثانوي دعيت دعوة من صميم قلب قلبي .. اني آكون شاطرة ومن العشرة الأوائل بس ابي افرح امي ويعلم الله اني ادري اني ماعندي للاسف ابسط الاساسيات وكنت شايله هم شلون بتوفق وانا ماعندي سالفة .. وتبارك الرحمن مابدأ الترم الا واخذ الثانية على الفصل و١١ على الدفعة كان نجاح عظيم بالنسبة لي وكانت نسبتي ٩٦ وحلفت بالله اشد السنة الجاية وفعلًا ماخلصت الثانوي الا وانا ذايقة طعم ال٩٩ وصرت الثالثة على الدفعة وبدال ما اشوف الانبهار بوجهه امي صرت اشوفه في كل الي حولي سواء من الأهل او الصديقات وتبارك الرحمن نفس الشيء صار لي مع اختبار القدرات اول نسبة كانت ٦٩ وظليت ادعي وأحسبها شبه مستحيله واختبرت مرة ثانية وصارت برضوا ٦٩ والثالثة تبارك الرحمن ٩١
واحلف لك بالله انها بسبب دعوة لاشك فيها التوفيق الي مريت فيه عظيم وكأنه معجزه.. معجزة ثم معجزة .. طبعًا بعدها انهارت حصوني ومرضت وتعبت والحمدلله على كل حال .. ولازال للقصة بقية وابشركم بإذن الله بتحسن حالي


واعذروني على طول القصة بس احب اكتب التفاصيل🤭

سبحان الله

دعوة شبه مستحيلة اني اذهب الى اميركا والحمدلله تحققت
أهم شي الثقة بالله
انا عند ظن عبد بي ، فليظن بي ما يشاء
وإن شاء الله ربنا يحقق لك إللي تتمنيه