انا متشتتة

لاتقولين لامك عن مشاكلكم انتي وزوجك واسراركم لان باين انها جريئه بالكلام وعلى طول تحرج زوجك وهو ماراح يعجبه بيتحسس واذا امك محتاجه فلوس اعطيها من مصروفك من غير مايدري زوجك

تتكلمين كانك تتكلمين عن قصتي معا طليقي الاول وهذاني تطلقت والله الذي نفسي بيده اني عاضه اصابع الندم على ذيك الايام واني كل يوم اعيشه الحين موت بطي اقعدي ورء امك وخركاتها وهو قالك اخر همه الطلاق بيجي اليوم وورقتك بيدك امك شيليها من حياتك الزوجيه ولا حذرتك تبين تندمين ندم مو لحظه ندم العمر كله حذرتك حذرتك حذرتك

والله زوجك رجال وينشد فيه الظهر بنفس الوقت حازم مستقيم من عمله لبيته يطلع الصبح يرجع العصر يعني ماله بخرابيط الحمد لله، وشغله هو وإخوانه وأبوه إش مدخلك فيه جيتي مبارح حابه تعرفي كل شيء فيه حريم عاشت أكثر من ربع قرن مع زوجها وما تدري عن شغله المهم مو مقصر ويمكن أبوهم محرص عليهم عشان إذا دخلوا حريمهم بشغلهم خربت الشركه وغرق المركب من تحريضهم وعشان العين كمان حبوا يشتغلوا في الستر الدليل يقولك لاتشيلي الحمد من لسانك المهم إنصحيه ما يبذر ويفكربمستقبل عيالكم ، وماغلط على أمك رغم أنها تجاوزت حدودها كيف تقوله ذاك الكلام ، زوجك ظهريله حبك وأنك بصفه ومطاوعته وإكسبي أهله بالإحترام والتقدير من غير مبالغة خصوصا أمه تملكيه وحافظي على بيتك للأسف نعمه ماكي حاسه بقيمتها قلت كلام كثيييير كله عادي يصير بأحسن لبيوت الحياة هيك بإيدك تقدري تخلي ساعات الصفاء تطغى بكثييييير على ساعات الزعل إحنا بالدنيا مو بالجنه

كلللللل كلامك قريته
انتي الغلطاااانة مليون بالمية
تراددينه وتصارخين
الرجال ماتصارخين لاتكلم لاهدا ناقشيه بهدو
وتقولين نشبت الا تصلي
يااختي قوميه مرة وذكريه وخلاص
مو بزر هو تنشبين له غصب
استفزيتيني انا هين هو
وسالفة امك عاد الله يهديها غيييير
حتي اسم ولده مناشبته عليه
والرجال متحمل وصابر
وغير كذا كرررريم ماشاالله
وانتي بالله كيف تغلطين علي امه وترفعين صوتك عليها !!!!
وتبينه يسكت بعد !!!!!
اسلوبك من اوله لاخره غللللط
وتدخلين الناس بحياتك
بيتك ياحلوة خليه سرررررر
لايطلع شي ابدا مهما كان
ماشفت منه شي غلط
حتي يوم تقولين ينصحني وهو ياالله يصلي
طيب اللي مقصر بدينه ماينصح ابد ويسكت !
وحتي النظافة عادي بيعلمك باللي يجذبه يمكن هو من الناس اللي يقدس النظافة
الله يهدي سركم

الله يصلح احوالكم ياعزيزتي ..


اتمنى تتقبلين كلامي بصدر رحب ، كل مشاكلك اللي تكلمتي عنها هي بالحقيقه ولاشي مجرد مناوشات بسيطه جداً لا تستدعي طلاق ولا غيره ..
لما قالك انا تزوجتك مو عشان الجنس ف هو حاب يوضح لك ان الالفه والمحبه وتكوين الاسره هو غايته من الزواج ، لما قالك النظافه ركز ع اهم شي بالنسبه له ،، اما كلمته عن امه ف هذا كل الرجال يقولونها ..


شغله دام انه مو مقصر لا عليك ولا ع ولده ف ماعليك منه ايش ماكان يكون وكم راتبه وغيره من التفاصيل دام هو مو حاب يصرح بها ،، هواش ابوه له شي طبيعي زي كل الاباء مافيه اي شي غريب ابداً ،، قلتي انه تعدل وتغير وصار يتحمل المسؤوليه وهذا شي ايجابي جداً
خصوصيته مع ابوه واخوانه احترميها ولاتتسمعين لاحد مثل ما انتِ عندك خصوصيتك مع اهلك


امه ترا ك اي شخص مستعد يبيع الدنيا عشانها ، فما بالك لما يكون السبب بس رفعت صوتها عليك ، تقدرين تواجهين الاساءه وقتها بالاحسان مو كل شي يستاهل الانفعال الزايد ولا يستاهل تتشكين عند امك فيه خصوصاً اذا لها ايجابيات اكثر من السلبيات تبقى امه وجدة ولدك وانتِ باقيه معهم عمر يعني علاقتك فيهم اللحين اذا كويسه بتصير كويسه للاخر اذا فيه مشاكل بتستمر هالمشاكل




اسم ولدك امك مالها حق فيه ابداً ، ولا لها حق تتدخل بخصوصيتك انتِ وزوجك ، امك برها غير وعلاقتك في زوجك غير
شرعاً ف طاعة الزوج مقدمه ع الوالدين ،، عطي كل شخص حقه من حياتك امك زوجك اهله كل شخص له حقه ومقامه ولاتخلطين ببعض ،لا تنفعلين وتتسمعين ل امك او خواتك او اي شخص كان بخصوص حياتك الزوجيه ، حلي مشاكلك وحدك احتفظي باسرارك وحدك مو مشكله تغلطين اليوم بكره تتعلمين اللي تطبقه امك او اختك او صديقتك مع زوجها مو شرط بيناسب شخصية زوجك




زوجك انسان محترم وشاريك ومهتم لولدك وموفر لك حياه كريمه وقايل لك مستحيل يطلق دليل ع انه انسان جاد بتكوينه للاسره ، لاتخسرينه عشان امور تافهه


حطي حد ل امك ستوب ماتتدخل بحياتك وش اعطاك ما اعطاك دام انتِ مرتاحه وشايفه انه مو مقصر ، حد لزوجك مايتدخل باهلك ولا يتكلم عليهم ، حد ل اهل زوجك




انتِ توك صغيره وفي بداية حياتك لاتهدمينها من اول وبكره تندمين امك قلتِ انها متسلطه ع ابوك ف تبيك نفس شخصيتها ،وشخصية ابوك غير تماماً عن زوجك




حافظي ع بيتك وزوجك و ولدك وحطيهم بعيونك ، بري امك وقومي فيها ،،زوري اهل زوجك وخليك رسميه وكل شخص له حده