زوجي والدق ب الكلام فهموني ☹️

لا تزعلين من كلامي أتوقع إنك باردة فعلا وعكس شخصيته فينرفز ..ولما تحاولين تغييرين نفسك يشعر زوجك أنك تمثلين الدور وينرفز أكثر ..


الحل حاولي تدربين نفسك تصيرين فرفوشة لغاية ما يصير طبع فيك مو عشانه فقط لا عشان نفسك واللي حواليك ..
أنا عندي بنت تشبه لك ثقيلة وعاقلة وهي جميلة بصراحة بس أستشعر فيها ثقالة دم وهي بنتي فما أحب قعدتها مثل أخوانها لهالسبب هههههه

صادقه والله انا اتحسس وحتى اوقات اجامله ع حساب نفسي وياما تناقشنا وانا اسلوبي معه هادي ف النقاش بس مايعجبه يقول ماتعرفين تقنعين وهو من النوع اللي اي كلمه تخليه ينفعل بسرعه ويعصب لدرجة مع النقاش يرمي علي كلام مثلا بقره حيوانه ماتفهمين ! وانا والله ي ام هند لي سنتين معه ادا ناقشته احترمه وماعمري رميت عليه كلمه بس هو صار يتمادى معي بزياده واذا صار رايق واخلاق مافي احلى منه حتى لو اسوي له شاي او شيء يحبه لو بسيط. يطيرني مدح وينبسط وانه مايشوف غيري واليوم الثاني يتحول لشخص ثاني 😩 ومشكوره ي قلبي بطبق طريقتك وان شاء الله يتغيير

قلت له قبل كذا انه مع الحمل ماتحمل واتعب كثير ومزاجي اوقات موب ع جوه . قال صح مقدر هذا الشيء لكن بعد فتره مثلا يجي يلاقيني متمدده ومريحه نفسي واكون عند التلفزيون لارجع وشافني كذا ينتقد يقول انتي طول وقتك كذا ! بارده ماعندك شيء تسوينه يقول رحت وجيت ماشفت شيء اقول له الا خلصت اشغال البيت و تمددت اريح مايعجبه يبغاني طول الوقت شغاله ولازم قبل يجي يبي يشوف اشياء قدامه ويبيني اسوي له اجواء ف البيت والله سويت له كذا مره خلال الحمل بس موب كل يوم عاد الواحد موب رايق من جد بس قبل الحمل معطيته مررره ع جوه مع انه احياانا اطفش لانه شخص يحب التجديد يوميااا ومشكوره ي قلبي ع نصيحتك

ايوه يحب السوالف والمزح طول الوقت وحماسي مررره . ايوه مره نصحته انه يخفف مزح مع اللي اصغر منه لانهم يرمون عليه كلام قوي وصاروا ماعاد يشوفونه شيء . ونصحته قلت امزح بس موب زياده لاتخليهم يتمادون عليك اقتنع بس اليوم الثاني حسيت شايل بقلبه . وانا فعلا احاول اغيره لانه فعلا هو كويس ومايقصر والله بس الفتره هذي صار يجرحني كثير ويقارن فلانه تسوي كذا وفلانه افضل منك حتى حرمة اخوه صار يمدحها قدامي !! ومشكوره ي قلبي ع نصيحتك 🌹

والله ي الليدي الفتره هذي دائما يسكتني واخرتها امس يتكلم ف الموضوع مايخصنا اصلا زي القصه وهو يسولف يبغى رأيي انا اعطيته اللي عندي ماعجبه الكلام يبي اللي مقتنع فيه ! المهم انه عصب وقال اسكتي ولا عاد تفتحين فمك ب اسلوب ينافخ وعصبت من اسلوبه وقلت خلاص جات منك ولاتقول سولفي معي مره ثانيه او تنتظر مني اناقشك في شيء . وزعل وراح يناام وشوفيه من امس وهو زعلااان ع ايش مادري هو اللي غلطاان 😩😩😩 وتسلمين حبيبتي