عروس لي شهرين طالبه الطلاق .. ادخلوا لازم

ايش أقول بس
الله يعينك😣😣

قرات كل المشاراكت واستغربت من كمية الجهل والقذف في الاخلاق والدين والاسلوب المتبع بين بعض العضوات الكريمات راح اقسم ردي على ردين وهذي اول رد لي تقريبا ما اشارك كثير في مثل هالردود لكن لفت نظري كمية الكلام المكتوب.
ردي الاول لصاحبة الموضوع:
اوك انتي مدلعة وفهمناها واهلك عودوك على الدلع وتلبية الرغبات لكن ليش قضيتي سبع شهور كاملة دون التعرف على صفات من هو سوف يكون زوجك المستقبلي لأن اللسان يدل على القلب دائما . وهل من الدلع والدلال ان تتجهي لتلبية رغبات ليست من رغبات زوجك اساسا.
تزوجت انا اصغر منك ولا عمري طبخت قبل زواجي كان عمري ١٦ سنة وانا بنفسي استحيت من نفسي وزوجي كل يوم جاي من الدوام وجايب معاه غداء وساعات امه تطبخ لنا وترسل معاه فآول شي سويته سويت برجر وهذا الشي اللي كنت اعرفه مع بطاطس مقلية. ولعلمك جلست اسبوعين اسويها غداء وعشاء لين انا طفشت وقلت خليني اجرب الرز وحطيته في قدر الضغط ولمن بدا يصفر شردت من البيت لآني اول مرة اسويه وهكذا
وارجع اقول زوجي ما عمره طلب ابدا انا اللي استحيت من نفسي اجلس كذا انتي ايش اللي يردك تجربين ، هو مش واجب الطبخ مش واجب لكن بالفعل اشوفه من تقدير المرأة لزوجها خصوصا اذا هو شرقي مثل رجالنا يعني ما تتقربين له بس بالكلام الحلو والدلع والتميع لكن ببذل الجهد في الشي اللي يحبه هو لو لك رغبة حقيقية في العيش معاه كان يذلتي جهد ، ( ما تفتحين موية عشانها صعبة ) عزيزتي هذي اسمها مياعة ومصاخة محد يحبها انتي بالفعل تحبين نفسك كذا ، انتي جالسة تدرسي الدراسة لوحدها تعطيك قدرة قوية انك تكونين شخصية قوية والدنيا محتاجة منك تكونين قوية ايش الشي اللي جالسة تتعلمينه وايش فادك تعليمك فيه انك تحاولين تغيرين شخص ماهو من عوايدك ولا هو من نفس تفكيرك. ذكرتي كذا مرة انك تدرسين الانسان يتعلم ليرتقي سواء بنفسه او بأهله او مجتمعه ، وتحتاجي للدراسة الى عقل يستوعب كل التغييرات اللي تجتاحك والمتغيرات في التعليم يعني تحتاجي مرونة
وين مرونتك في التعامل مع زوجك ونوعيته. زوجك يمكن من الناس اللي تعمل مقارنات ، ممكن يعلم امه لانه يبغى يعرف كيف يتعامل معك ، زوجك من الناس اللي هواه محدد جددا ووضع المراة في مكان معين وعنده قدوة معينة من هي القدة واللي يقارنك دايما فيها. امه اخته بنت عمه بنت خاله وهكذا ،
تعرفين انك بسهولة تقدرين تغيرين شخصيته وتخلينه طوع امرك لأن وبكل سهولة انتي تقدري تتلوني وهو لا وهذا ما ميز الله به النساء دون الرجال التفكير والقدرة على التكيف بينما الرجل يحط صورة معينة قدامه ويبغى كل النساء مثلها يمكن انتي ما عندك صبر او ما تبغي او لأن هو ما جاء مثل ما انتي تبغي فحبيتي توصل للطلاق رغم ذلك اقولك الطلاق مش حل ولا راح يصلح شي لا لك ولا له الا راح تخرجوا كلاكم بتجربة صعبة يظل تأثيرها
وقت طويل جدا.
بالنسبة لسهره بالخارج خطط بسيطة منك تخليه يسهر معاك في البيت ويغير عادته ولاحظي ان العادة المفترض تتغير لكن لانه ما زال عنده حاجات لم تشبع صار يضيع وقته بالخارج واصبحتي انتي الشي الزايد في حياته وانا مستحيل اقبل اني اكون شي زايد في حياة شخص يا اكون كل شي ولا ولاشي.
السفرات لاحقة عليها لعلمك الاشخاص مثل زوجك يحبون السفر كثير لكن مع اشخاص تكون ميولهم نفس ميوله ونفس طباعه وبالعكس يحب يرافق الجنس الثاني اللي هو النساء فليش ما تستغلين الفرصة انتي ، اسواق ومولات هي هي ما تتغير ما تجي الا فاتحين محل جديد يعني ما فاتك شي من عمرك انا لو منك استغل الوقت في التعرف على طباع شريك الحياة لأن السنة الاولى هي اللي يبان فيها كل شي ويتعرفوا فيها على بعض
نقاط القوة الضعف الايجابية السلبية ،
النقاط اللي ذكرتيها باكامل هي نقاط سلبية فقط يعني اساس انتي ما اخذتي وقتك في التعرف عليه ولا رغبتي بالتعرف عليه بل رغبتي شخص يلبي اوامرك على اساس انه زوجك ولو حصل مثل هذا راح تقولي انا اخذة شخص عديم شخصية ، ترى نوعيتك من النساء يجب ان تتزوج المضاد لها من الرجال لأنك شخصية ضعيفة ( مش معنى ضعيفة سلبي ) بل معناها الهشاشة فتحتاجي الشخص اللي معك يكون شخصية قوية ولكن كيف تتطوعي الشخصية القوية هي السر. بالنسبة لك زوجك مجموعات الغاز او حبل واحد كبير معقد عقد كثيرة فعشان تعيشي حياتك بطريقة سهلة وجميلة اجعليها مثل كذا وحليه لغز لغز وعقدة عقدة وراح يصير طوع امرك ولا يفقد شخصيته القوية بين الناس.
راح ارجع ارد عليك اذا كملت قراءة




ردي الثاني للاخوات : الله يغفر لنا ولكم ما هكذا تورد الابل ( نسيتوا الملكان الي عن اليمين وعن اليسار ) كل وحدة تفتي وتكتب من عندها وتكتب ردود هي شخصياتكم لا داعي لفرضها والمتفرض الاخوات التقبل بين بعض ان الشخصيات المختلفة هي من الله سبحانه وتعالى فلا يتم الشتم على اساس الاستحقار او ان افضل من غيرك . كل وحدة فيكم لها جانب ايجابي وجانب سلبي ما ترينه ٦ هو ٩ بالنسبة للطرف الاخر فكذلك هي ارائكم ما ترينه صوابا هو بالنسبة لها خطأ وهي مصيبة لكن حتى لا تحملون انفسكم وتنزهون انفسكم ترفعوا عن الجهل في الامور فديننا وسط ونحن امة وسط ندعوا للخير ونترفع عن الشر وليس هذا ما رأيناه فبعض الردود ترد وكانها اخت الزوج والاخرى ترد كآنها ام الزوج او ترد كآنها ام الزوجة او اخت الزوجة فاتقوا الله واطيعوه واسكتوا حتى لا تدخلوا في متاهات لا تعلمونها


اخيرا وليس اخرا اختي صاحبة الموضوع استخيري ثم استخيري ثم استخيري وعلما لا ينفعك ولا يوسع مداركك اتركيه

ياعمري موضوعك خلاني اسجل عشانك والله انك مثال للزوجة الصبوره الصالحة الحافظه لبيتها وزوجها قليل بنات مثلك هالزمن
واللي هذا اوله ينعاف تاليه
لكن اعطيه فرصه اخيره
انا ارشح انك ترجعين له عند اهله عشان يشوفون ان كل كلامه كذب ويعرفون انه كذب عليك وخدعهم وعشان تشوفين يمكن يتعدل
وبعد كم اسبوع او كم شهر اتخذي القرار الثاني اللي هو ابي بيت ان حققه لك كان بها ماحققه دخلي اهلك بالموضوع
ولاتنسين الاستخاره استخري كل وقتك على الاقدام باي خطوه
والله يوفقك ويسعدك ونعم الزوجه انتي👍👍

والله ان مواضيع الانفصال حساسه
بس هو لو كان مكانك ماراح يعطيك فرصه
انتي شوفي هذا تعامله معاك بأول شهرين ولحالكم ببيت مستقل
فما بالك لو سكنتي مع امه
اكيد بيهايط عشان يبين لها انا رجال
على كلامك عنه
هذا انسان زوجوه اهله يبونه يعقل على حساب بنات الناس
هذا قرارك انتي. ادعي ربي يدلك الصواب وهذا رأيي لو كنت مكانك

استخيري ربك (صلاة الأستخارة) .. هذا أفضل حل
والله ييسر أمورك ويفرج همك..