انا صح ولا هو قاهرني مره

يعمري الله يرزقك حناه هنيه♥️

مشكلتك رابطه سعادتك وانبساطك بزوجك وهو يحس انك خانقته لهالسبب يبتعد لانه حاط بباله انه اول مابيرجع البيت بيلاقي وحده لاصقه فيه زي ظله وفوقها شموع وعطور تناسب مهند وشلته ماتناسب فتى الصحراء نهائي
الحل انشغلي مثله بنفسك انسيه دلعي نفسك دام عندك وقت وصحه قبل لاتجيك ايام تنشغلي وتقولي ليتني انتبهت لنفسي اكثر
زوري صديقاتك روحي لاهلك اطلعي معاهم مولات زوري قرابتك شيلي زوجك من دماغك
رجعتي البيت وشفتيه عااااادي بغى منك خدمه والا طلب نفذيه وروحي شوفي نفسك
سجلي في تحفيظ او معهد كمبيوتر او شوفي ايش هوايتك وطوريها
صدقيني اذا انشغلتي عنه بتكسبي حاجتين الاولى متعتي نفسك وبديتيها على الكل والثانيه ابتعدي عن زوجك وطبع الرجال اذا شاف اللي كانت خانقته بالاهتمام اهملته واهتمت بنفسها يطير برج من راسه ويلصق فيها بيعرف هذه ايش عندها ماعاد تهتم فيني ولاتلاحقني

ايوه كان معي تمام ويعزني مره بس تغير من فتره طويله صار عصبي ويغلط علي وكلموه اهلي ولافيه فايده ولو اجيه بالطيب يعصب علي ويفهمني خطا يعني بمجرد اقوله ليش كذا يزعل ويعصب واسبوع مايكلمني مع انه كلام عادي ليش ماتحلس معي ليه ماسمع منك كلمه حلوه يعني باختصار مايبين اعجابه فيني ولايسمعني شي زين مدري ليش ويحس اني ماستاهل شي حزينه ع نفسي

انا موظفه ولي عالمي وصاحباتي واطلع واصور كله عشان يشوف واطلع مع اهلي وقرابتي وازورهم كثير بس ماشوفه اهتم ماشوفه رجع لي زي مايقولون بالعكس تصرفاته تقهر واحس اني بحاجه لكلمه زينه من حلالي ماطلبتها بالحرام ولا لفيت ودرت بالعكس اتقي الله كل لحظه الحمدلله بس هو كل ماله يعاند اول مايدخل البيت يتوتر مايبغاني اكلمه مع اني ماني حريصه ع العلاقه خليته ع راحته بس يتوتر ولو اقوله ليش ياحبيبي جالس فالصاله يزعل وينكد علي طيب انا جالسه فمكان وهو فمكان ليش طيب داخل البيت مو المفروض يجي يجلس معي طيب اذا ماجلس اطنشه وانام ولا وش اسوي حقيقه ماني عارفه اش اسوي

خلاص حبيبتي انت عارفه انه سؤالك عنه ينرفزه جلستك معاه تكهربه ابتعدي عنه مو عشانه لا عشان نفسيتك
هذا غير انه الرجال ماتساليه ليه ماتقول لي كلام حلو ليه ماتسال عني ليه ماتهتم فيني مايناسبهم السؤال المباشر يحس انه مخنوق ومحل اتهام ومحاصر وردة فعله دفاعيه على طول
زوجك فيه سبب قوي مغيره عليك ومنرفزه منك ولاهو طايق منك كلمه يعني طول يومه بالاستراحه مع شباب عزابيه ومعروف العزابيه كلامهم يدور على ايش وزوجك متأثر فيهم والظاهر من داخله يتمتى لو انه باقي عزابي وحر مثل قبل فتلاقي منه ردة الفعل هذه
تعرفي انه راجع من الاستراحه وبيعصب خلاص نامي احسن لك دام وجودك بيزعله ويسبب مشكله