وش سالفه الهروب

لاتصدقي كل شي بتويتر
تويتر في الفترة الأخيرة كله أكاذيب ونشر اشاعات وقصص مفبركة ومفتعلة
وأكثر الردود بالتاقات اللي كذا مجرد ذباب اليكتروني مدفوع له
وبالذات مثل هذه القصص أكثرها يفتعلها شلة اسقاط الولاية والحكوكيات عشان يثبتوا انه البنت السعودية مظلومة من أهلها
ماننكر في بنات انظلموا من أهلهم لدرجة يفكروا بالهروب وهذا يحصل في أي دولة لأن الظلم موجود بكل مكان .. لكن تضخيم الوضع بالسعودية مسرحية سخيفة من مسرحيات شلة اسقاط الولاية

ممكن طريقه الطرح غلط وهروب وغيره
بس صدق البنت السعوديه مظلومه اجتماعيآ تخرج من سيطره اهلها الى سيطره الزوج لو يموت زوجها سيطر ولدها
شوفي مواضيع المنتدى
وحده تقول يحدد الايام اللي تخرج فيها زوجته من البيت
وحده تخبز كل صباح يرفض يجيب خبز
والحين توني قريت وحده يعطيه 200 ريال
وحده يرفض تلبس عباية ع مزاجه
وحده لو تطلب من المطعم سود حياتها رافض يجيب ورافض تطلب هي وعيالها
وحده بيتها مكسر ولا عندها سخانه ولا اثاث وهو مقتدر يجيب
وحده مانعها من زيارات اهلها والعزايم والمناسبات
وحده تحلم تسافر يسافر هو واصداقائه بس
وحده اهلها رافضين الوظيفه تقول يقولون اهم شي تاكلين وتشربين
وحده تقول يرفض العلاج النفسي لي
وحده تقول ضربني وانا حامل عشان الدكتور رجال !!!
وحده اسنانها تعبانه ورافض علاجها !!!
وحده رافض تحضر زواج اخوانها !!!بالله هذا زوج الله يحرمه صحته
وحده اخوها بزربالعشرين رافض يوديها للمستشفى يقول ماني فاضي تحاول هي وامها يتكرم ويوديهم
الحالات السابقه هم بشر ولهم حقوق ولهم رغبات اذا ولي الامر مايستحق الولايه خليهم يسقطونها ولي امر بالظلم
التربيه والدين مالها خص بالحريه كل وحده امها عاشت الضيم
والقهر هذي رائيها وبعضهم تشوف الاضطهاد للمراءه والبنت !
الدوله الله يعزها خلت حق للمراءه وحفظت كرامتها
وفرت مجالات كثيره وقروض وفرص عشان تستقل اذا ولي امرها غير صالح
مو معقول وحده عمرها فوق ٢٨ سنه وللحين احد يتحكم فيها
سواؤ زوج والا اهل عقلها برأسها وتعرف ربها
الحياه مشاركه واحترام رغبات الغير ليش البنت مهمشه !
ترى الوضع سيئ للمراءه بس السوشل هو اللي طلع القصص والحالات
قبل نرد ع موضوع لا نردد حكي ميثالي وننسى معانات اخواتنا
كلمه حق بعيد عن التعصب الله ينصر كل مظلومه 💓

كل اللي ذكرتيه عادي هي كذا الحياة ماتجي على كيف الواحد
السؤال هل النساء في العالم مرتاحات ماعندهن هموم؟؟؟!!

طيب وين اللي يدفنونها مع زوجها وهي حيه

وين اللي ماتلقى احد يصرف عليها فتضطر تشتغل في دار دعاره

وين اللي نسمع قصص التحرش بهن واغتصابهن

حنا ياربي لك الحمد في بلد أمن وأمان والمرأه في هالبلد أفضل من غيرها بكثييييييير بس فيه ناس مو عاجبهم هالشئ يتمنون يشوفونها في المراقص والبارتات وشواطئ البحار وقتها راح تعيش ذليله وتعرف معن الذل صح

ترا كله كلام مراهقات ولقن نفسهن يكتبن في تريتر والناس يقرون كلامها على محمل الجد وللجذب خالف تعرف ...
هذي اول ما تنخطب تغير كلامها وتراكض ورا اسعاد روجها وتتعلم طبخ ونفخ وبزران وتربية ،،


يعني مراهقة وكلام من ورا قلب

وعلى كل اللي يحصل لهم تراهم مافكرو لا في هجرة ولا هرووووب
مافكر في الهجرة الا البنات المراهقات اللي متوفر لها كل شي اغلى الجوال وحرية مفرطة