وش سالفه الهروب

كل وحده ماتطلع من box مجتمعها ولاتعرف الدنيا وش فيها وتجلس تردد كلام
للمعلوميه اغلب المعنفات و الي عندهم قضايا في المحكمه ماحد من مجتمعهم يعرف
ولاحتى الاخوات

قبل كنت اتعاطف مع قصص ان البنت مكبوته ومعنفه وكنت اشوف انه من حقها تفكر بالهجره والتمرد على اهلها

لكن اخر سنه او سنتين تقريباً تغيرت نظرتي لاني اكتشفت حاجات غايبه عن بالي

للاسف بناتنا وشبابنا مخترقين فكرياً من جهات خارجيه تعمل من سنوات لاستخدام بنات وشباب البلد ضد بلدهم

يغسلون دماغهم بأفكار متطرفه عن حقوق المرأه ويزينون لهم الحريه ويشجعونهم على الانسلاخ من الاخلاق والقيم الدينيه والاجتماعيه

والدليل الاسماء النسائيه المشهوره اللي كانت تنادي بالحريات وتحاول تكسر القوانين والانظمه و تم القبض عليهم بتهمة خيانة البلد والتعامل مع جهات خارجيه ضد البلد

مواقع التواصل للاسف مليانه مدسوسين ينابحون من خارج البلد وجالسين يساعدون البنات اللي بداخل البلد على الهروب واللجوء لبلدان اجنبيه

وادخلي حساباتهم بتويتر تلاقين كلامهم مبالغ فيه وكأنهم عايشين في جحيم والسياط تجلد فيهم ماكنهم مرتاحين وحياتهم احسن من غيرهم بملايين المرات

وتلقين حساباتهم تحمل حقد وغل على كل شي في البلد ويسبون الرجال ويضخمون المشاكل التافهه ويستشهدون فيها على ان حقوقهم مهضومه وممنوعين من كل شي

والله كأنهم عايشين في عالم اخر غير اللي نعيشه ..

وممكن فعلاَ السبب الاساسي كثرة الكبت من الاهل والقسوه يكونون صيده سهله للاعداء اللي يحطون لهم القمر بيد والشمس بيد

انتبهوا على بناتكم واولادكم من مواقع التواصل والافكار المشبوهه ترى مثلهم مثل اللي انغسلت عقولهم مع داعش والارهابيين دخلو لهم من مواقع التواصل

الحمدلله بلدنا ماعاد فيها ذاك التشدد خف عن اول بكثير

الله المستعان
حسبي الله ع اعداء الدين


قل خوف الله
توقعي اي شي
الصحابيات كانوا لا يعرفن من شده التعفف


والكبت ماهو عذر للانفلات ابد
الصحابي بلال بن رباح اذوه الكفار وضرب ومع ومع ذلك يكرر احد احد


واحمد بن حنبل سجن وضرب ليعترف بخلق القران
وهو يكرر القران منزل وليس مخلوق


حسبي الله ونعم الوكيل ع كل من اذى بنات المسلمين

والله ي ختي كلها بسبب المسلسلات يحسبون انهم بيرحون برا ويعشوا قصة حب وطلعه وفله ..لكن عمرهم مابحثوا عن حياة المرأه الغربيه الصح..من بعد١٨ سنه وأبوها يخرجها برا البيت وإذا بتجلس تدفع ايجار ولاتنطرد وكمان تصرف على عمرها وتكرف ليل ونهار علشان تلاقي لقمة عيشها وكمان اذا تزوجة وبعد فترة طلقها زوجها تحمل مصاريف عياله وتكون ام واب في نفس الوقت ...وحياتها تعب في تعب حتى وظائف الرجال تشتغل فيها علشان تقدر تعيش ..يعني ماعندهم مرأه تجلس في البيت مثل الأميره وينصرف عليها لا مثلها مثل الرجال مافي فرق..
لكن هنا الأغلب البنت مدلعه قبل الزواج وبعد الزواج ولا حد يجبرها على العمل الا بختيارها..
والله ي أسلامنا عز المرأه ورفع مكنتها لكن الأفكار الغربيه بدأت تسيطر على مجتمعنا
وانت اسئلي اختك..اذا هربت وش مصيرها من بيأكلها من بيستقبلها في بيتها..راح تكون مشرده

معلوماتك فيها بعض الافكار المغلوطه
لان بعض الدول الاجنبيه في حالة الطلاق يتم تقسيم الاملاك بالمناصفه بينها وبين الطليق
والأب يلزمه القانون انه يشارك الأم في تربية وإعالة الاولاد مادياً

وبخصوص الوظايف مقارنه غير عادله لان الوظايف عندهم متاحة للجنسين وهي اللي تختار وظيفتها محد يجبرها ولا يلزمها تتوظف وظايف قاسيه .

ومو كل العائلات تجبر اولادها يطلعون من البيت او يدفعون فلوس بالعكس غالباً تصير مناحه ومحاولات قويه من الاهل انهم يمنعون اولادهم يطلعون من شدة تعلقهم وحبهم لبعض لكن هذا اسلوب تربوي جميل في عاداتهم يشجع الابناء على الاعتماد على النفس وتحمل المسؤليه والاولاد من انفسهم يقررون يقدمون على هذي الخطوه .

اما سالفة ان البنت مدلعه عندنا قبل وبعد الزواج اشوفها مبالغه كبيره والواقع يشهد وعموماً هذي الامور لا تعمم على الجميع لان كل عايله تختلف عن الثانيه

وعلى فكره حتى الاجانب الزوجه عادي تجلس بالبيت بلا وظيفه وتتفرغ لتربية الاولاد ، والاب هو اللي ينفق ويشتغل هذي الامور يتفقون عليها برضاهم

كثير افكار مغلوطه ماخذينها عن الاجانب وترددونها كمقارنه للتحسين والتزيين .