وش سالفه الهروب

طيب فكرتوا ليه مافي رجال يهربون ، هل وضع الرجل في السعوديه افضل من المراه ، ولا تقولوا مافي نساء مقهورات ( وعلى فكره انا لست مؤيده لا للهجره ولا للهروب ) لكن بنفس الوقت مانحط راسنا بالتراب ونقول المراه ملكه المراه مصانه المراه يخدمها ابوها واخوها وعايشه ملكه ، لا في اشياء كثيره مؤلمه تحصل ....مطلقه مالها سكن وين تروح مع عيالها لهل نفقه فقط وش تسوي هالنفقه ...الغرب الي ترمون كل كلامكم عليهم ...المطلقه تاخذ نص ممتلكاته ....اعرف بنات اذا زعل عليها زوجها حرمها من حضور الاختبار ...عندي ممرضه صغيره بالعمر زوجها والدها واحد كبره ...وهي طالبه بدون رضى منها ....غير طالبه والدها ياخذ منها الاعانه الجامعيه ...وماسي كثيره بدل مانخلي الموضوع عن الهروب وننتقده خلونا نحل مشاكل المراه هنا ...المشكله مش بقوانين بس بل بثقافه شعب تربى ان المراه مالها حقوق ....

حبيبتي هذا رقم العنف الاسري

علميهم كل اللي بخاطرك فيه يتصلون ع ولي امرك ويطلبون حضوره وانه مايمنعك من حقوقك !
وياخذون تعهد عليه ويتابعون حالتك بالاتصال
والله يسهل امرك

ياشيخه هذولا مايفهمون الا ان السعوديات مستهدفات نجيب حالات يقولون لا تعممين في كل مكان مضطهده
انا وش دخلني باللي خارج السعوديه
مانبي هجره ولا شي
إسقاط ولايه
مو لازم احد يقودها هي حره نفسها
عندي وحده تعالج تجي مع جارتها عشان زوجها مايدري
وتخيلي تخبي حبوبها في الفوط الصحيه تقول
عشان زوجي مايعرف اني اتعالج ويعايرها
اخخخخ بس والله ابي ارفع بلاغ بس رفضت !
وابشرك الحين تزوج عليها وسكنها بالملحق
والجديده بالفيلا
تجي تبكي عندي والله ان بعض الحريم ودك تمسكينها بعصا ع راسها لين تفوق ع حالها
ساعديني ولا عطيتها الحل والخطوات والقوانين معاك
تراجعت !

قريب بإذن الله
اليوم فيه مضيفات سعوديات
والخير جاي
السعوديات والله مبدعات الجوائز الخارجيه ماحصدها الا السعوديات تخيلي المراكز الاولى بعدنا مصر والامارات والاردن
بس نغير شوي في افكار المجتمع الذكوري
بعد قرار السواقه والسعوده هانت بعد الرؤيه امورنا في السليم

هههههه انتي للحين ع السواقه خلصنا منها