بالنسبه للفرص قلتلك اني عطيته فرصه بعد مارجعنا من السفر ووعدني مجرد مانرجع بتكون زالت السموم إلى من آثار الحشيش بسبب استعمال الخمر قلتله طيب الخمر اكيد بيسبب إدمان قال لا انا برجع وانا تارك كل شي حتى التدخين العادي بحاول اتركه لكن رجعنا وللأسف بعدها بشهر كانت أول مره تحصل دخل على وهو سكران والعيال موجودين
خذت موقف رحت عند اهلي حاول جدا اني ارجع طبعا فهمت اهلي انه مسافر
جلست فتره طلب ياخذ العيال أعطيته وهذهم ورجعهم واصريت ع موقفي لين حلفلي انه بيتوب للأبد وأنه بينفذ اي طلب طلبت منه يترك أصدقائه. ويسويلهم حضر ونفذ طلبي وبعض طلباتي رفضها بأي حجه مقنعه
المهم بعد فتره حاول فيني انه يرجع يشيل الحضر عن اخوياه لكن وعدني مايرد إذا أحد فيهم دق وجابلي طقم ذهب قلت هذا مايهم مايهم عندي ذهب أو غيره انا يهمني حياتي وحياه عيالي ورفضت أخذها بسهوله المهم بعد ماخذت منه وعد
جاني بعد فتره يمكن ثلاث شهور وصار يشرب بالبيت يحطها بمويه الصحه وتكون بجيبه وان التفتت اشوفه يشرب واسوي نفسي ماشفته اكون وقتها اخاف منه
ع اني ماشفت منه شي يخوف بس اعرف حسب ماسمع من جرايم انسان سكران
المهم بعد فتره ماعد قدرت اصبر اتحمل لاريحته ولا منظره هو مدري ع باله اني ماشوفه والا وش مدري
المهم كنت بالليل احاول اشغل نفسي ان كان وضعه كذا احاول ادخل الحمام أطول ع اني بتروش بي ابي اضيع وقت لين ينام
المهم جا مره فاض فيني الكيل صرخت بوجهه ابعد عني ريحتك شينه وانا ماعد تحس معك بأمان ومن هالكلمات
هو انصدم مني قلت انت ماتدري اصلا انا وش اقول قال الا فاهم وحاول يحتويني وقال غصب عني ادعي ان الله يهديني وكنت وقتها ابكي من هول ما انا فيه
وقلتله فجأه بتلاقيني لا انا ولا العيال عندك
المهم من يومها ماعد شفته يسكر حتى القاروره الأساس إلى كنت اشوفها بدولابه ماعد شفتها
استبشرت خير ع اني ادري انه مو بسهوله لكن انصدمت يوم شميت في لحيته ريحه الحشيش ع ماعتقد ماميزت ريحته زين لكنها ريحه كريحه مو ريحه دخان عادي
تتوقعين يامرجانه ينفع اعطي فرص ثانيه
يليت إلى عندها رأي تعطيني وكأنها هي صاحبه المشكله
متابعة النقاش، صفحة 23
