شاركي في النقاش

سجلي الدخول لإضافة تعليق.

التعليقات

70
  1. ماادري وش اقول موضوع الطلاق صعب والاصعب اذا فيه عيال ..
    مانعرف وضعك بالضبط التفاصيل اللي بينكم الله وحده اللي يعلمها ..
    حاسه فيك مريت بوضعك وصلت لمرحلة اشوف الطلاق حل مااحد يدري وش عانيت مهما قلت فيه اشياء ثانيه الله يعلمها ..
    استخيري وأسأل الله العظيم رب العرش العظيم ان يهديك للصواب وييسر امرك ويشرح صدرك ويرزقك حياة سعيدة رغيدة وييسر لك مافيه خير وسعادة لك ..
    وفي كلا الاحوال الجأي لله واقري البقرة في قيام الليل واكثري من الاستغفار والحوقلة والصلاة على النبي عليه الصلاة والسلام ..
  2. @l_a_y_l_a

    سجلت دخول من أجلك فقط أنا في الغالب أكتفي بالمشاهدة لكن والله العظيم قرأت مواضيعك كلها وأردت أن أوجه لك النصيحة لقد عايشت تجربة هي مثل تجربتك كانت عشرتهم 16 عاماً الزوجة الثانية هادئة ومسالمة وهو تزوج لأجل الذرية وزوجته الأولى لم تطق صبراً على شعورها الخفي بسعادته بزواجه الثاني وتبدل حاله وانشغال باله كانت تقريباً تشتكي من مثل ما تشتكي أنت بينما العروس خالية مسؤولية وعروس جديد ومشاعرهاأيضا ً هادئة والأولى متألمة حزينة في داخلها عتب وكلماتها عتب ونظراتها عتب وألم وكل إناء بما فيه ينضح فكيف تهديه السعادة وهو كسر سعادة قلبها والعروس تغدق عليه السعادة أنا أكتب لك هذا حتى تفهمي أن وضعك ليس استثناء وأن التجارب متشابهة لم تطق زوجته صبراً وطلبت الانفصال واصرت عليه وظلت عاماً في بيت أهلها تطلب الطلاق بعد كثرة المصادمات مع زوجها من الغيرة والعتب والتعب النفسي والآن بعد مرور ست سنوات تقول أنها تسرعت وأنها لم تجد في الطلاق راحتها بل انفتحت عليها أبواب مغلقة وأصبحت تصارع أمور لم تخطر لها على بال لا تتعجلي والله أني لك ناصحة أطفالك أكبر من أوهامك الراحة في الاستقرار حيزت الدنيا لمن ؟ من أصبح منكم آمناً في سربه ، معافى في جسده ، عنده قوت يومه ، فكأنما حيزت له الدنيا بأسرها .
    أرجوك ما بعد كلمة الطلاق أكبر مما قبله لا تخسري بيتك واستقرارك واستقرار أطفالك حياتهم مستقبلهم توازنهم النفسي أمور لا تشترى بمال ولن تعوضها كلمة ندم واعتذار زوجك قائم بحقوقك قدر ما يرى وإن قصر فطالبيه ولا تسكتي عن حق ولا تلومية فيما لا يملك ومن هن أعز منا زوجات الرسول صلى الله عليه وسلم والصحابيات أفضل منا عانين من التعدد أتظني أنهن لم يتألمن ويبكين ويغرن بل حصل ذلك ولكنهن حفظن حق الزوج وحق ميثاق الزواج الذي عظمه الله . جبر الله قلبك وسدد أمرك وألقى عليك نوراً وبرداً وسلاماً وأغلق عنك مداخل الشيطان أن تهدم بيتك وحياتك .
  3. @aayon_alfhd_33

    كنت ساره
    لسه ماوصلني الطلاق لكن قررنا وهو وافق وزوجته رجعت الحمدلله
    صباح الخير (كنت سارة)
    مادري ايش اقول ولا ايش احكي
    بس من سردك للمشكلة ماجبتي اي طاري اذا كان الزوج قاسي او مقصر معك ..
    كان بس خطاءة (وهو لايعتبر خطأ) انه تزوج
    الغلط هنا ماعلمك ولاقالك برغبته بتكرار الزواج وقتها انتي لك الحق في الاستمرار معه او الانفصال

    لكن انتي ماقدرتي تنسي كل هالتفاصيل لانك تحبية بس مو قادرة تواجهي مشاعرك من جوى ...تدخلين المنتدي تفضفضي تبين كلمة زي البلسم تستمدين منها بعض القوه ع التكييف ع الوضع الجديد
    من ناحية الدين __حرام انك تحرمية حقوقة الزوجية
    ماتبينه اطلبي الانفصال واتفقو ع وضع الابناء
    مع اني ضد الانفصال بتاتاً لاي سبب
    ولو ابي اترك الزوج زي ماتركني
    مااتركه وهو في قمه سعادته مع الثانية
    لانه ماراح ينتبهه لغيابي وانساحبي
    اتركه بعد مااعلقة فيني اكثر واكثر وعقب اصدمة بالرحيل
    بيكون وقع الصدمة عليه اكبر بدون سبب اروح من حياته زي ماهو عمل بالضبط
    بس الان تتركية هو مو خسران شي ....
    لانه تعود ع حرمااانك من حقوقه وتعاملك بجفاء معه
    عياله بيشوفهم اي وقت
    وزوجته بتنبسط ان الطريق فضى لها ....وتبني بيتها وحياتها على بقايا اطلالك .
    الخسران الوحيد هنا
    ((((انتي)))
    لانك سمحتي للكل بكسرك ورضيتي
    تعامل معك زوجك بمكر
    رديها له وتعاملي بنفس اسلوبة
    وبعدها اختاري طريقك
    بتقولي مافيني اجاهد ...كرهته مابيه .............طبيعي ردة فعلك
    بس تستحق نفسك وكرامتك الجهاد في انتقامك لمشاعرك ونفسيتك المهدورة
    ايش استفدتي من اياااامك اللي قضيتيها بكاء وقهر وزعل
    ولا شي الا زيادة تعب وغبنه وقهر
    نقول بتتزوجين
    بتاخذين معدد وبتغوصي بتقسيم الايام بينكم ..
    ولا مطلق او حتى شاب هل ضامنه اخلاقه ولا حبه للتعدد
    ..
    بتعيشي لعيالك ..
    هل تضمنين بتكوني مرتاحه والكل حولك عايش ببيته ومبسوط حتى مع وجود المنغصات اليومية
    عيالك بيحتاجو ابوهم ويشتاقو له
    خلك من هذا كلة هل ماراح تحتاجين للجانب الجنسي والعاطفي بحياااتك (نكون واقعين)
    الرسول صلى الله علية وسلم ) تزوج وعدد وحريمه كانت بينهم الغيرة ويمكن الحب والكرة
    بس عاشو معه .....
    كل معدد بيكون كذا حياته مقسمة ع زوجاته
    احمدي الله ان زوجك مو خاين وحق بنات وسفر
    ولاكان الموضوع اكبر واعظم
    نصيحتي لك تراجعي عن قرار الانفصال
    وابدي حياة جديدة بشخصية اخرى
    واتركي الدراما حقتك
    والله انك بس تتركي لهم الطريق بالذات لها زوج وبيت وحياة على طبق من ذهب

    جاهدي وصارعي عشان بيتك واستقرارة

تابعي تجارب أخرى من هذا القسم.