قاتلهم الله

معليش ام هند ياليت تدخلين وتقرأين القصة كاملة من النت يقول لك تهاوشو و راحو و اخر الليل جاب اصحابه ورجع هذي وش معناتها تدخل في القتل العمد والله اعلم يعني اذا هو جاي مضاربة وما يبغاها توصل للقتل شايل معاه سلاح ابيض ليش لا نصير عاطفيين بزيادة ربي ما شرع الحدود الا علشان الناس تنردع

احسن شيء علشان الناس اللي استباحو دماء المسلمين يهجدون

ايوا مسكوهم 6 على واحد الله لاتبلانا جبنا

لا ياحبيبتي متعمد القتل والدليل انهم متجمعين على المقتول ومعاهم سكاكين وطايحين بالرجال طعن لا والله هذا الهياط ومايسوي
معتمدين على القبيله يدفعون الديه لاهل المقتول ويطلعون

الديات هذي هي اللي تسببت لكثير من قضايا القتل يقولك المهايطي اقتله والقبيله تدفع كم مليون لاهل المقتول واطلع
المفروض فيه نظام لديات مهو لعب سماسره ودلالين ملايين تدفع لشخص مايسوا التالف من النعال

م احتاج اقراها من النت وانا عارفه القصه من الاساس
حبيبتي والله مو تعاطف او دفاع

الولد اللي قتل معاه سكين بجيبه وهذا شي اغلب الشباب يسوونه
ماتتخيلين كيف مفهوم خل سلاحك معك لايعتدي عليك احد ومن هالكلام الفاضي
بيوم قبل ولدي يطلع المدرسه قلبي نغزني وفتشت شنطته لقيته مخبي سكين ابوه بالشنطه
ناوي ع مضاربه يعني لولا لطف الله كان ولدي بخبر كان وولدي عمره12

مجتمعنا للاسف نفس مجتمع القاتل يعززون للسلاح الابيض وغيره ويشوفونه من المراجل يكون معاه السلاح

من ناحية انهم تجمعوا عليه هم 4وبسياره وحده لاناداهم ولاراح ورجع
بوقتها حصلت المضاربه وجات حزة الشيطان




مايصير نقول يستاهل ومايستاهل حنا مانضمن الدنيا ولانضمن الاقدار

ابوي توفى بخطأ طبي وقلنا حسبي الله ونعم الوكيل وهذا يومه الله جعل الخطأ سبب ف وفاته لو ما الخطأ الطبي كان بيموت حتى ع فراشه بيننا بس هذا يومه

الله يلطف با اهل الميت ويجبرهم
ويلطف ب اهل القاتل ويكون بعون امه