حلو الجار ولكن احيانا كل مادخلتي مع الجيران ومعرفه قويه كل ما زادت المشاكل فانا الصراحه افضل الرسميات مع الجيران لانه في جيران الله يهديهم مايعرفو وش يعني جار الصراحه انا اكثر شي يضايقني لما في كل لحظه يخبط الباب
التعرف على الجيران واجب بس بحدود أما جمعات الجارات وكل مره الحريم حامله حالها وجاره عيالها وراها وعلى دارالجاره إلي عليها الدور بالجمعه هذه أخس عاده ما يجي من وراها إلا المشاكل وتكديس الذنوب من الغيبه
تبون السبب الحقيقي اللحين كل شي تغير قبل لو تزوك جارتك عادي تقدمين لها قهوه وتمر فقط وعادي تجلسينها لو بالحوش ولبسك علدي تطلعين لها بقميص والامور طيبه بس اللحين كل شي تغير السفره لازم مليانه انواع واصناف حلى وفطاير غير كماليات السفره غير لبسك كل مره لبس غير والمكياج يعني القهوه بتطلع عليك بشي وشويات ولحد يقولي مو الكل ادري بس الاكثريه كذا اذا احد بيزورك لازم تجهزين قبلها بليله طبعا هذا غير ان الزيارات تبدا من بعد المغرب مو مثل قبل يجونك العصر وقبل المغرب وهم ماشيين قبل الامور سهالات وماتشلين هن الزياره بس شوفي اليوم اصلا اذا مشو ضيوفك تبدا معركة التنظيف