نكباتكم ومواقفكم مع ازواجكم 💔😂

اشوى لحقتي حذفتيها

حمستينا نعرف مغامراتك في افساد علاقات زوجك بدهاء

يالليل النكبات هههههههههه كملو كملو

فعلا صدقتي وخاصه الاخت اللي موقفها يفجع ويخوف الله يكون بعونها ويصلح لها زوجها يارب.. هيا بنفسها مانسيت الموقف وللان تتذكره وتتفجع منه مالومها صدق ماتقدر تنساه.. كلن يغضب بس معروف الرجال بحكمته ولا ماماكانت العصمه بيده وكان عند كل غضب يطلق.. بعض الغضب من الشيطان لازم الشخص يسيطر عليه ويتعوذ ويتروا والاناه الله يصلح الحال يارب.

😂

موقفي ما انساه لمن كنت ادرس بأمريكا كنت ساكنه جميل ذبمجمع سكني قريب من الجامعه مع مجموعة من العربيات والمسؤول عن المجمع شاب أمريكي من أصل لبناني وكان مره جميل يتكلم عربي مكسر مره وصادف انه اعطيته الاجار بالمكتب اللي بالمجمع وبعد مامشيت اتصل علي قال إنه فيه فايض والوسيط اللي من خلاله استأجرت البيت اعطاني سعر أعلى لأن كل موقع له سعر حسب الأطلال والقرب من المطاعم وكذا قلتله انا الان مشيت وما اقدر ارجع
قلت خلاص اي وقت ممكن ترجع الفلوس مو مستعجله عليها وصادف انه سافر ونسيت انا السالفه بعد 4 أشهر قرر زوجي يزورني وجاء وله تقريبا يومين الا الباب يدق وقتها كنت ماخذه غرفتين معزولة بالشقه لأن زوجي جاء والبنتين اللي معاي جلسوا بغرفه وبيينا باب فاصل فوحده منهم دقت علي تقول فيه واحد هنا ييغاك اقوولها مين ماترد وزوجي فنجر عيونه قلت بطلع اشووف الاالمسؤل عن المجمع ويعطيني الفلوس وجالس يعتذر انه تأخر بس الأخ يتكلم معاي عربي مكسر ويقلب الضمائر يعني يقول انا كنت تبغاكي من فتره بس عشان انا مسافر وفكرت انا فيكي عشان اعطيك فلوس المصيبه اني ارد عليه بالانجليزي وهو يتكلم كلام غبي مو قادر يرتبه وزوجي طلع قال عسى ماشر مين ذا ومفنجر عيونه وقام يقول قدامه أجل 4 أشهر دراسه واخرتها ذا ييغاك هاذي ثقتي فيك والرجال قام زاد الطين بلة قام يقول والله انا احببتها لأنها متمسكة بحجاب ونقاب مسلمه لذالك أردت إعطائها المال وعدم سرقتها قام زوجي دفة وسكر الباب بووجهه قال علي الطلاق ماعاد تجلسين دقيقة يا يا يا يا قلت هيه ايش فيه ذا مسؤل المجمع واصيح وباقي لي عنده فلوس وهو أصله عربي ومسلم قال لا بالله أصله عربي مين علمك قلت هنا بالمجمع يقوولون انه عربي والله اني معرفه والوسيط نصب علي بمكان الشقه قال وتوه يرجع الفلوس ويصيح ويصارخ تقول مجنون ويضرب راسه يقول انا قلت مامن ديره الكفار الا الشر ما بيجينا الا خراب بيووت قالتها امك قالتها لأن أمي كانت رافضة سفري ويصيح انا الحمار اللي ماسمعت كلام امك طلعت مغفل طلعت غبي قمت احاول اهديه يزيد قلت اص ترى بيسمعونك ويبلغون الشرطه وقتها فك عمرك والله ان يتهمونك وتنرمي بالسجن اص وقتها سكت خاف وجالس يقوول يالله يالله يالله عبي اغراضك قلت يالله بعبيها بس اهدا وجلس يمكن 4ساعات وهو على الكنبه يطالع السقف من الحره ولكن هدا فهم السالفه وفهم أنه استعجل وان المسؤل مسوي نفسه يتكلم عربي وهو يشقلب الكلام بغى يدمر مستقبلي
وقتها فعليا كنت بحجابي ونقابي حتى النادي حق المجمع ما إنزله اول فتره لي هناك وخايفه من الشقة للجامعة ومن الجامعه للشقه اما على طول بدرعم واسوي علاقات....