معقول مافي الا معددين

"انا عند ظن عبدي بي"
اذا توقعتي انه بياخذك وبيطلقك
فتراه فعلا بياخذك ويطلقك
واذا احسنتي الظن وتوكلتي على الرحمن
بتعيشي احلى عيشه ياقلبي

بالله مطلقة ومو عيب بالحالات ذي
بس طبيعي بيخطبك معدد
وانا افضل المعدد احسن من الارمل والمطلق
المطلق يكون عندة عيال من زواج سابق ...
غير ان البعض يكون ماعندة شي يخسرة ماعجبته الحياة معك
مايتفاهم ع طول لسانه ع الطلاق .... متعود مايواجه المشكلة الا بالانسحاب
والارمل بيعيش حياته مقارنات بينك وبين المرحومه
المعدد = بيكون يوم لك وايام بعيد عنك تاخذي راحتك فيها وبيرضى باطفاك معك .....

حبيبتي والله لو تاخذين معدد لتتعبين معه
اتكلم عن تجربة لاختي
ومستحيل انك مابتغارين وتتعبين معه
نصيييحه اخت ابعدي عن المعدد اهربي انفذي بجلدك منه


الله يرزقك رجل صالح اعزب يارب


تحياتي

غالبا مالك الامعدد
والله ماوراهم المعددين الا وجع الراس وزواجهم توتر وعذاب للزوجه الاولى والثانيه ماراح ترتاح
واذا ببالك سفر وحريه فتوقعي المعدد ازفت من اخوانك ياان مامعاه وقت لك يانه مشدد ومتقلب وبلاوي متلتله

واذا قلت لك في بنات ماتزوجوا وعايشين نفس وضعك
واذا انتي تطلعين بالشهر مره و مرتين هم مايطلعون بالاشهر
و ان طلعوا للمستشفى او زياره لاخواتهم و نادره لان الاخوات كل جمعه مبلطين عند امهم
فمافي امل يطلعون
ان بغت تشتري او تصلح او تضبط يقولون لها لمين تتصلحين و تشترين
و ليه تتوظفين اقعدي على الضمان يكفيك
و لا عرس ولا عيال ولا خطيب و مابينهم وبينك شي بالعمر مقاربين للاربعين
من احسن انتي ولا هم ؟
ما اقول كذا ان معناه ارضي باللي انتي فيه
لكن مشكلتك بسيطه
اصلحي علاقتك باخوانك فقط
و لا الحمدلله زواج وجربتي و انبسطتي بالفرح و الفستان و على الاقل بايام العرس الاولى
و عندك عيال الله يحفظهم محتاجينك اكثر مما انتي محتاجه للزوج حاليا
و في زوجات مازالوا على ذمه رجالهم و عايشين اتعس منك لدرجه حتى اللقمه محرومه منها
و من الجنس يا متمنع يا عنده ضعف جنسي فقاعده عنده مزهريه
لما نشوف مشاكل غيرنا تهون علينا مشاكلنا
و اصبري ان الله مع الصابرين
وادعي الله يصلح بينك وبين اخوانك
اذا زال سوء التفاهم بينكم حياتك بتزين عاد من زين الزوج نكد في نكد
و المعدد الله يكفيك شر زوجته الاولى نادر ان جات بنت حلال و لا راح تنكد عليك عيشتك
و يصير هم اخوانك اهون من همها