زوجي كذب علي بشكله !!

استغرب من اللي توري صديقاتها صور زوجها ، اكيد الموضوع بيكون طقطقه ومقارنة وتقعدين انتي تاكلين بنفسك وتخربين حياتك ، غير كذا مدخله الناس بحياتك بشكل لدرجه يعيبون عليه ويقارنون بينكم وكميه تعلقيات سخيفه ،، صدقيني اول ماتتطلقين هم اول من يتشمتون فيك ويبعدون عنك ..

السلام عليكم، اختنا الكريمة
الله يجزاك خير، إن صدقتي في كل شي فالحق معاك، لكن حذاري تستعجلين، فتندمين
لعلك تاخذين إجازه منه، لعل يرجع الشوق، ولعل تتفهمين.. ما بودّي اطيل عليك الكلام
غيري قال الي يكفيك، لكن لو تقري كلامك مره ثانيه، وكلام غيرك بعد، دائما تكررون..
كلمة ( الشكل مايهم، اهم شي الاخلاق ) انتي الان في وسط هذا الموضوع، والان انتي
تُختبرين في حقيقة هذا الكلام الي قلتيه انتي، وقالوه غيركم، عندك زوج، خَلوق، لايضربك
لايظلمك، لايستحقرك، يحبك، يخاف عليك، قصير القامة لكن عند الشدة تلقيه يقلب أسد عشانك
(وانا رجال، واخبرك يا اختي، دائماً اقولها، الاحظ ان قصار القامة اشجع من الطوال)
مثل سعد بن ابي وقاص رضي الله عنه، فالقصر ماهو دلالة على عدم رجولة، خذيها من رجال اخبر بالرِجَال


حذاري تستعجلين، لاتطلقين، ومره ثانيه، انتي في وسط موضوع (اهم شي الاخلاق) عندك الخَلُوق الان
الي كذب عليك بصوره من حبه وجنونه فيك، خوفاً من انك تكرهيه مثل ماكرهتي شكله الان بعد ماشفتيه
الرجال يعطيك قلبه، الي مايموت الا عند طلوع الروح، ايش تبين بالوجه؟ اذا صار عمره 50 تغير شكله على أي حال
لكن روحه ما تتغير،


اما مسألة العيال، خبريني.. تبين عيالك يكونوا محترمين، لهم أثر في هذا العالم، يرفعون الراس
ويرضون الرحمن، او تبين عيالك يكونوا نجوم هوليود؟ اشكال جميلة حتى يطالعوها الناس؟!
ثم.. لعلهم ياخذون شكلك، وياخذون اخلاقه.


جزاك الله خير، أرجو ان كلامي افادك، خاصة انها آتية من رجّال أعلم بالرجِال منك، لأني بينهم
المحترمين الأوفياء ماهم في كل مكان.

هذي مشكله مواقع التواصل تطيحك في مشكله ثم تزيدها عليك
اتوقع مشكلتك الاساسيه هي في نظره الناس لزوجك وخاصه صديقاتك وتعليقاتهم عليك
ايش دخل صديقاتك وقريباتك يشوفون صوره
وبعدين ايش تستفيدي لو كان جميل حسب ماتوقعتي
انتي قلتي غيرتي تهد جبال
وزوجك مايشد الانتباه وهذا رحمه من الله لك
صحيح كلنا نحب الجمال
لكن الواقع البشري غير كامل والجمال قليل
فكونك اجمل منه هذا في صالحك
تصوري انه اجمل منك كيف بيكون وضعك وكيف بتكون نظرته لك
اكيد بيعلق عليك وممكن يتهزأ ويشوف نفسه عليك كثير
خاصه وان الرجل بطبيعته يحرص على الجمال اكثر بكثير من المرأه
ارى انك تاخذين ورقه وقلم وتكتبين سيثات زوجك وحسناته
وسيئات الطلاق وحسناته
وعلى اساسها تقررين
وهل عندك فرصه افضل بالزواج بعد الطلاق والا اقل
يعني انظري للامر من جميع الزوايا وخذي وقتك واطلعي على مشاكل وحلول قريبه من مشكلتك ابحثي في قوقل
وفي الاخير اذا اتاكم من ترضون دينه وخلقه فانكحوه
ؤهل زوجك ينطبق عليه الحديث ام لا
وثقي ثقه تامه ان غالب الزيجات بتقدير الله الذي يعلم الاصلح والافضل لنا حتى لو نظرنا اليه بمنظار مغاير وحتى لو كانت نهايته الطلاق
والله يكتب لك الخيره من امرك

الله يجزاك خير بس مو المشكله التواصل الاجتماعي لازم نعيش جيلنا والناس تتغير

ايش سويتي بالموضوع ؟