أمي وحركاتها معي

السلام عليكم .. أنا أنسانه كذا من الله امي ماتحبني
وقد قالت هالشي يعني مو من عندي اتكلم ..
كانت علاقتي مع امي وانا بنت شبه سيئه .. وتزوجت وتطلقت خلال أشهر ..
وتعالوا شوفوا انواع الذل .. والإحراج .. ورمي الكلام ..
لدرجه مره المجلس مليان حريم وبنات .. وقَعَدت عندي بنت توها تزوجت ..
تخيلوا امي وش قالت لها .. قومي من عند سهام الحين تعديك وتطلقين هاهاها << هي تضحك ..
والمجلس وربي كله مصدوم والبنت قالت لاااا وش دعوى وأم البنت قالت الله يرزق سهام بالأفضل ..
وقت الغدا لااااازم انا اقوم اسوي .. رغم ان عندنا اختي متزوجه ومعها عيالها وزوجها كان يجي خميس وجمعه
واخواتي ٢ وحده خلصت جامعه ووحده تركتها ..
والله ي بنات تجي تهاوشني قومي سوي غدا لاخواتك وعيال اختك .. مآلوم زوجك لما طلقك ورماك خلال أشهر مانتي كفو شافك وسخه ومهمله ..
مرات اسكت ومرات اروح عند اخوي ببيته .. بيته قريب منا .. وأبكي عنده لين ارتاح ..
واخوي يقلب البيت ع امي .. كان هو الوحيد معي الله يسعده يارب ..
كانت امي تقول يالله نسافر وسهام ماهو لازم تروح ..
والله اني اسكت وأقول مابي اسافر عادي . بس اخوي يرفض يحرك السياره الا انا معه ..
وحتى لما يحجز شقه ولا شي .. يخلي امي واخواتي بغرف .. وانا يناديني يقول خليك عند زوجتي وعيالي .. انا انام بغرفه لحالي ..
لما ننزل السوق .. تبدأ محاضرات امي وانتي ليه تنزلين وش لك وليه تشترين وخساره وكلااااااام كثيررررررر .. أندم اني رحت معهم السوق ..
واقولها حتى اخواتي بالبيت عاطلات ويشترن اقل شي انا معي ضمان .. تقول هُن محتاجات أشياء وانتي بتخربين ضمانك ع قلة سنع .. حتى غرفتي تهاوش اذا بغير شي ..
بعد معاناة ثلاث سنوات ... تزوجت الحمدلله من رجل كفو ان شاءالله .. حملت اول مره .. جيتها وولدت عندها .. تخيلوا اول يوم بالولاده كنت بالمشفى لثالث يوم .. رابع يوم طلعت لبيت اهلي .. قعدت عندي ساعه ..
وسافرت تغير جو هي واخواتي .. كيف طرى لهم السفر مادري .. واخوي الثاني وداهم .. اخوي الي معي دايم رفض يتحرك وجلس عندي هو بس .. زوجته كانت عند اَهلها مسويه عملية الزايده ..


ورجعت بيتي بعد ثلاث أسابيع ..
الحمدلله بعد سنتين تم ربي علي بالحمل .. ورسلت صورت السونار بالقروب .. وكل اخواتي باركوا لي الا امي ..


نحط عن الام بحالات الواتس والسناب .. تصور الشاشه حقت اخواتي وانا لا .. وتكتب من احلى بنات ..
بالله وش معنى تصرفهااا .. لا تقولوا امك .. ادري ماراح اتكلم معها بالمواضيع هذي .. واذا رحت لها ان شاءالله بشتري لها ذهب ..
اَي صح لما رحت لها وانا بولد اشتريت لها بخور علبتين كباااار والله كلفني غالي ..
واختي جابت لها بعد عليك بخور .. وكل شوي تقول بخروا من بخور فلأنه ..
قلت يمه ماجربتي باخوري اشتريته خاص للبيت يجنن قالت قومي دوريه والله مادري وين حطيته